الموضوع: من الطريق الصحراوى الى سارع ابن اياس مصر الجديدة

الاخوة الاعزاء رجاء المساعدة فى الوصول الى شارع ابن اياس فى مصر الجديدة قادما من طريق مصر اسكندرية الصحراوى (معلوماتى انه قريب من شارع المقريزى)
انا ميعادى الساعة 12 ظهرا فارجو معرفة الفترة التى يحتاجها الطريق من عند البوابات
ولكم جزيل الشكر

الشارع ده فى روكسى اللى فيه سوق العصر بتاع الكمبيوتر
المفروض الوقت ياخدله ساعه و شويه من البوابات بس اعمل حسابك على ساعتين تحسبا لاى ظروف او عطله فى الطريق
فى طريقين اما من الدائرى على مدينة نصر او مصر الجديده بس هيكون طويل او من وسط البلد و ده المفروض فى حدود 10 الصبح يكون كويس
من البوابات هتطلع المحور (تطلع المطلع يمين اللى بعد ما تعدى من تحت المحور) و طوالى هتعدى من تحت الدائرى و تكمل لحد نادى الزمالك و تاخد المخرج يمين هتلف مع سور النادى لشارع جامعة الدول العربيه و تاخد اول يوترن فى يمين (كأنك ماشى تحت امتداد المحور اللى انت لسه نازل من عليه) و لما تخش يمين خليك فى اقصى اليمين عشان ما تطلعش الكوبرى تانى هتوصل الكورنيش و تخش يمين ... طوالى لحد كوبرى اكتوبر و تطلع يمين بعد ما تعدى تحت الكوبرى هتمشى على الكوبرى و تعدى النيل و من فوق عبد المنعم رياض و تكمل لحد نزلة رمسيس او نزلة غمره (الاتنين هينزلوك فى شارع رمسيس) و تكمل شارع رمسيس على طول هتعدى من جنب الكاتدرائيه و بعديها مسجد النور و الشارع هيلف يمين و ما تطلعش الكوبرى اللى هتلاقيه تنزل من جنبه على الشمال على اشارة العباسيه و تخش شمال من عند جامعة عين شمس ... هتعدى من تحت كوبرى القبه و بعدين هتلاقى الطريق ممكن تكمل طوالى او يمين (الاتنين شوارع رئيسيه) ... الشارع اللى انت عايزه رابط بين الشارعين دول يعنى ممكن تكمل طوالى و تخش تخرم فى الشوارع الداخليه لحد ما توصل او تخش يمين فى الخليفه المامون لحد تكا و هارديز (الشارع هتلاقيه بيلف شمال) و ساعتها تشوفلك اى ركنه و تعدى على رجليك ....