يارايس - هل ممكن اضافة كمايات الفول ابشن الي الهاف ابشن

**amr123** · 30-06-2008 11:56 AM

السلام عليكم

يا جماعة انا نفسي اشتري ياريس ....بس الفولس مزنقة معايا و لو ربنا اراد و جبتها هتبقى اول موديل فيها الي هو هاف اوبشن مانيوال
عشان كده نفسي اعرف هل ممكن ازودلها كماليات بعدين يعني مثلا

1- هل ممكن بعد فترة اركب زجاج كهربائي ليها على الاقل امامي فقط - بس يكون اصلي حتى لو عند التوكيل بحيث ان صالون العربية لا يتأثر - لو ممكن بكام تقريبا
2-هل ممكن اركبلها فوانيس شبورة - اقصد بردو الاصلي -
3- احسن سنتر لوك بريموت ليها ايه ؟
4- هل ممكن استلام السيارة بدون كاسيت و يخصمو؟ ثمن الكاسيت منها

انا اسف على كلامي الكتيييييييير بس انا معتمد على الله ثم عليكو
شكرااااااااااااااا

**mmolazem** · 30-06-2008 01:47 PM

ان شاء الله الأخوه يفيدوك اكثر ....

لكن انا رأيى الشخصى انك تحاول تدبر المبلغ المتبقى وتشترى الكامله.

عشان الفرق 2-3 آلاف أو اكثر قليلا ، اعتقد لن تكون كافيه لاستكمال الـ Options بالاضافه للفك والتركيب .... والأخطاء المحتمله.

- كمان فيه حاجه مهمه ( يوجد بعض الكماليات ليس من السهل استكمالها لاحقا ).

**amr123** · 30-06-2008 02:10 PM

انا مع حضرتك
بس الفرق 6 الاف جنية انا عارف انهم مش كتير قوي بس وبالنسبة لي فعلا مش هقدر ادبرهم لأن هدبر مبلغ العربية نفسه بالعافية ...عشان كده كنت بسأل على الموضوع ده و هعملهم حاجة حاجة و اولهم طبعا السنتر
عموما ربما يكرم ...و متشكر جدا على رد حضرتك

**hazem_khidr** · 30-06-2008 02:33 PM

هو حضرتك ممكن تعمل السنتر و الزجاج في التوكيل بس بمبالغ اغلي.
لكن فيه حاجات ما ينفعش تغيرها زي الكنبه الخلفيه فيها مسند في الفول اوبشن و بتنطوي و الهاف لاء و كرسي السائق بينضبط لاعلي و اسفل في الفول و الهاف لاء فمتهيالي مش حتغير صالون كامل علشان دا.
اما بالنسبه للزجاج و السنتر فممكن تركبهم عادي
ابن خالي مركب سنتر و انذار ولف في الهاف اوبشن اتوماتيك بتاعه ماركه ولف و شغغال كويس بقاله سنه و نص اهو من عند سبير كار.
الزجاج ممكن تنزل الحرفيين و تجيبه بفرش الابواب بالزراير و تبدلهم بالفرش بتاعك و مكن الزجاج بتاعك و تدفعلك 2000 جنيه ولا حاجه بس لما ضمانك ينتهي

**fahd_628** · 30-06-2008 03:03 PM

انا رأى انها حتبقى مشكلة كبيرة شوية و المبالغ حتكون مكلفة فا استنى شوية لغاية متجمع الفلوس او تتعايش مع الموقف كدة بس انا رأى انك تستنى لأنك مش حتجيب عربية كل يوم

**hero** · 30-06-2008 03:22 PM

فرق الـ 6 آلاف كتير علي عربية فوق الـ 80 الف مش كتير....انتي حتي لو عملت جمعية بالجزء الباقي او انتظر لما المبلغ يكمل .....لان فعلا انت مش هاتشتري عربية كل يوم...

وبعدين لما تجيب العربية هايصعب عليك اي حد (حتي بتوع التوكيل) انهم يركبوا فيها شيء مش بتاعها ....انا كنت عايز اركب فوانيس شبورة....وقلبي مش مطاوعني...حد يلعب في ضفاير الكهربا ....ولا حتي يفك البطارية من مكانها....خصوصا ان الناس هنا ماشيين بالبركة...والمفهومية والحداقة والشطارة والفهلوة..

**amr123** · 30-06-2008 03:31 PM

انا متشكر جدا على ردكم و وقتكم
طيب انا عايز اتأكد من حاجة ..لو دفعت الفرق و اخدت الفول اوبشن ؟؟الحاجات الي هاخدها هي :-

1- 4 زجاج كهرباء
2-الكنبة يمكن طيها
3- سنتر
4-كرسي السائق يطلع و ينزل
5- Abs

انا بتكلم طبعا عن المانيوال ...هل في حاجة ناقصة او زيادة في الي انا كاتبه ؟

شكرااااااو اسف على تعبكم

**ابوشريف** · 30-06-2008 03:38 PM

بدل رقم 5

من abs الى ايموبليزر

**fahd_628** · 30-06-2008 03:55 PM

الفل اوبشن مانيوال مفيهاش Abs الأوتوماتيك فقط هية االى فيها Abs

و زى ما قال ابو شريف ان حتاخد ايموبليزر

**amr123** · 30-06-2008 03:59 PM

شكرا يا جماعة لكم جميعا
طيب معلش اخر سوال ...فيها ريموت للسنتر ؟

الموضوع: يارايس - هل ممكن اضافة كمايات الفول ابشن الي الهاف ابشن

LinkBack

أدوات الموضوع

عرض

يارايس - هل ممكن اضافة كمايات الفول ابشن الي الهاف ابشن - انشر الموضوع فى :

-

-

-

-

-

-

-

المواضيع المتشابهه

اسبرانزا a516 ولا لوجان فول ابشن

أسئله في مواصفات اللوجان 2013 الفول ابشن أوتوماتيك

محتار بين الالتو 1100 فل ابشن و الاسبرنزا A113 فل ابشن ..

ام فورتى 88 فول ابشن

هو ايه الي هستلمة مع الانوس الفول ابشن ٢٠٠٨

الكلمات الدلالية لهذا الموضوع

المفضلات

المفضلات

ضوابط المشاركة