صوت طقطة مع لفة الدركسيون شمال للآخر

**dandashx** · 03-09-2012 06:36 PM

باسمع صوت طقطة لما ألف الدركسيون شمال للآخر خالص.

لكن اللفة المتوسطة أو القريبة من الآخر مش بتعمل صوت.

سألت كزا واحد قاللي كوبلن.

والميكانيكي بتاعي قاللي فيه واحد بيصلح كبالن كويس وهيبقى أوفر من الجديد.

وناس تانية قالت هات كوبلنين مش كوبلن واحد عشان يبقى عمرهم زي بعض.

وأخيرا سمعت عن موضوع كاوتشة الكوبلن، وإن أوقات تغيير الكاوتشة وشوية تشحيم يضبط المسائل.

ياريت حد يديني الخلاصة في الموضوع ده، كوبلن جديد ولا تصليح ولا كاوتشة وبس؟

**ahmedelfeky** · 27-09-2012 01:41 PM

الافضل انك تغير الكوبلن

**loverless** · 05-11-2012 11:44 AM

ليه مفيش ردود ؟

**yasserasha** · 06-11-2012 12:29 AM

متابع لوجود نفس المشكلة

**amrmaismail** · 06-11-2012 09:13 AM

ده طبعا الكوبلن الخارجي ولازم يتغير .....
والتصليح مش هيدوم اكتر من شهرين تلاته والاحسن التغيير
طيب بيحصل من ايه ؟؟
دا لما الشحم اللي فالكاوتش بينقص ودا مايحصلش الا لو الكاوتش اتخرم او اتقطع او بيدخله هوا ، فانت انشاء الله لما تغيره لازم الكاوتش الجديد يتقفل بحزام حديد مش بلاستيك وتمسك الكاوتشه تدوس عليها كدا تلاقيها ولا بتعمل صوت ولا بتخرج شحم كدا الكوبلنج دا عمره ما هيبوظ الا لو الكاوتشه حصلها حاجه ... فهمتني هيا دايره مغلقة البطل فيها الكاوتشه
علشان كدا المفروض اي واحد يشيك عليها كل شهر بالكتير

تحياتي

**dandashx** · 06-11-2012 12:13 PM

تم تغيير جوز الكبالن باتنين جداد، والحمد لله المشكلة اختفت

**Mostafa.Ramdan** · 10-11-2012 11:14 AM

المشاركة الأصلية كتبت بواسطة dandashx

تم تغيير جوز الكبالن باتنين جداد، والحمد لله المشكلة اختفت

ياريت لو تقلنا التكلفه كام ؟

**e_khaled_m** · 25-01-2013 10:45 AM

نصيحة لما تيجي تشتري الكوبلن دوس علي الكاوتشة و اعصرها لو طلعت شحم ابيض من الجانبين يبقي تمام لو مطلعش غيره

**spiderman_fathy** · 26-02-2013 10:26 PM

هي ممكن بيتعملها صيانه وبيتغير الجزئ الخارجي مع الكاوتش بتاعه او الجزئ الداخلي بالكاوتش بتاعه بس اهم حاجه ان يكون الاكس بتاع الكوبل يكون سليم وطبعا المشرشر كمان يكون سليم وهتلاقي الموضوع زي الفل انشاء الله