طبعا فاكرين الموضوع بتاعى فى الاول لما كنت بقول
ان نقل الملكية للجيب 11 الف جينة
بالفعل انا دفعت الفلوس ونقلت المليكة ورخصت
انهاردة الصبح واقف معاة واحد صحبى بالصدفة معاة بردو رنجلر ب 2010
بحكيلو على موضوع نقل الملكية والفلوس الى ادفعت
قالى الكلام دة غلط ومش مظبوط قولتلو مش مظبوط انا ههرج معاك انا معايا الوصل
قالى انتا قولت ليهم انتاج محلى
قولت لاء بس محدش سئلنى دى انتاج محلى ولاة مستوردة
طلعنا عالطول على الشهر العقارى قولت لو سمحت عايز اعرف سعر نقل المليكة لعربية جيب رنجلر 2011 انتاج محلى
طبعا انا كنت دافع 10540
الموظف قالى 2400 جينة طبعا عملت مصيبة هناك وزعقت وهللت وقلت ليهم ياحرامية
ودخلت على المديرة وقلتلى ادا ياستاذ والكلام دة
جابت الموظفة قالت ليا ياستاذ انتا مقلتش انتاج محلى قولتلها هو انا شغال معاكو انا مالى دى مش شغلتى انتو المفروض تسئلو
المفاجئة لقيت المديرة بتقولى هات شهادة بيانات من المرور
قولتلها انا جبت ليها الشهادة
المصيبة الاكبر طلع مكتوب انتاج محلى لكن الموظف الى عايز قطع ايدو خطو مش باين وشخبطة كتير
وطبعا بتاع الشهر العقارى مكلفش نفسو يسئل
قالو ليا هتكتب شكاوى ونرفق الشهادة والرخصة والكلام دة وهترجع فلوسك ليك
انا مش عارف اية انا بفكر اروح اولع فيهم الله يخرب بيتهم
فين الناس الى كانت فرحانة فيا لما كنت معترض على الملبغ دة ويقولو حق اللبلد
فين حقى انا يابلد