الموضوع: هية النيسان الجديدة صيني

الميكانيكى دة و امثاله نموذج للفتايين فى مصر اللى للاسف بيلاقوا اللى يصدقهم و فى ناس بتاخد معلوماتها منهم و ياخدوا قرار على اساس كدة
واحد ميكانيكى فضل برضه يفتيلى فى اللوجان و فاكرين نفسهم فاهمين كل حاجة

مش عيب يا جماعة بعد العصر المتقدم اللى احنا عايشين فيه من أنترنت ومواقع ألكترونية الناس تستقى معلوماتها من ميكانيكى فى الشارع !!!!!!!!!!

تأكد يا سيدي الفاضل انه ميكانيكي بيفتي كالعادة


ولكن تأكد أكتر من كدة ان ماحدش هايقدر يفيدك بنسبة المكون الياباني - الهندي - المصري إلا مسئول الإنتاج في خطوط إنتاج مصانع نيسان ... لأن المعلومة الصحيحة لا تخرج إلا منه

صناعة العربيات صناعة ضخمة وبيقوم عليها العديد من الصناعات المغذية ...يكفي ان مصنع تويوتا في اليابان بيعتمد عليه مدينة كبيرة كاملة , كلها مصانع أصغر وورش تصنيع محدودة الحجم

ممكن تلاقي الموتور كله ياباني لكن فيه ترس أو اتنين متصنعين في المكسيك علشان محتاجين معدن معين نادر وبيتصنع هناك بس .... فيه بعض المواد النادرة التي لاتوجد إلا في الصين وبالتالي لو فيه مكون معين متصنع في الصين تبقى مش حاجة وحشة ولا هي شتيمة

كذلك التجميعات النهائية لو معمولة في مصر فالمفروض انها متجمعة تحت إشراف ورقابة جودة نيسان اليابانية وبالتالي ماتحسش بفرق

الفرق بيكون دايماً في مستوى التصنيع ...يعني تابلوه تلاقيه في عربية بـ 60 ألف مختلف عن اللي بـ 100 ألف ومختلف تماماً عن اللي بـ 240 ألف .... خدمة الخامات بتعتمد على التكلفة المطلوبة للسيارة , وهي لا تعتمد بالمرة على البلد المصنوعة أو المتجمعة فيه السيارة ... معظم مكونات بي إم ممكن تكون متصنعة في الصين .... ولو تفتكر كان فيه 128 ألماني !!! هل تقارن بين جودة التصنيع هنا وهناك على أساس البلد ؟ لأ بالطبع على أساس فئة التصنيع وهي مصنوعة لسيارة رخيصة نسبيأ ولا لعربية فخمة