اغير لبنزين 80 كحل لازمتى الماليه؟؟

**Yasser.Essam** · 05-09-2012 06:06 AM

نصيحة مجرب والله الـ 80 مشكلته إنه بيقلل عزم العربيه وبيقلل سحبها

بس الكلام ده بتعوضه برجلك انك بتسايس العربيه ومتدوسش بنزين جامد او بمعنى اصح متقرصش علي العربيه عشان متسمعش التسقيفه ..

انما كله فى السريع بيتساوى

والـ 80 نضيف زى الـ 90 والـ 92

هو بس الرقم الاوكتانى بيختلف .

رغم ان الموتور بتاعك معامل الانضغاط بتاعه 9 او 10 تقريباً

بس انت سايس العربيه ومش هتسمع تسقيف لحد ما ربنا يفك ضيقتك

لأن فرق السما والارض بـين الـ 80 والـ 92

الـ 80 بـ 90 قرش والـ 92 بـ 1.85 قرش

فرق جنيه فى اللتر :)

**golden_web_2007** · 05-09-2012 08:23 PM

تجربتى بعد اول تفويلة بنزين 80 :
1- صوت تصقيف كل شوية .. (ماكونتش بسمعه فى الـ 92 نهائى)
2- سحب العربية مش عاجبنى خالص .. (اكنها مش عربيتى اللى كنت بجرى بيها)
3- التكييف كفاءته قلت .. (مع انى مش فاهم ايه العلاقة بين التكييف و البنزين)

معرفش بس حسيت ان الفرق اللى هوفره هيقابله عدم رضا عن أداء العربية ..
فــــــــــــ أرجع بنزين 92 تانى أريح لى بئا ـــــــــــــــــــكدا شــــــــــــكــــــــراً ...

**Y a r i s** · 05-09-2012 09:32 PM

المشاركة الأصلية كتبت بواسطة golden_web_2007

تجربتى بعد اول تفويلة بنزين 80 :
1- صوت تصقيف كل شوية .. (ماكونتش بسمعه فى الـ 92 نهائى)
2- سحب العربية مش عاجبنى خالص .. (اكنها مش عربيتى اللى كنت بجرى بيها)
3- التكييف كفاءته قلت .. (مع انى مش فاهم ايه العلاقة بين التكييف و البنزين)

معرفش بس حسيت ان الفرق اللى هوفره هيقابله عدم رضا عن أداء العربية ..
فــــــــــــ أرجع بنزين 92 تانى أريح لى بئا ـــــــــــــــــــكدا شــــــــــــكــــــــراً ...

معليش يا استاذ جولدن. هو حضرتك جربت بانزين ٨٠ على انهو عربية من بتوعك الفراري ولا اللمبرجيني ارجو التوضيح وشكراً

**golden_web_2007** · 06-09-2012 12:10 AM

ههههههههههههههه .. لاء اللمبورجينى و الفيرارى دى انا كاتبهم تبعاً لمبدأ إوعدنا يارب ..
انا عربيتى دايو لانوس 99

**Y a r i s** · 06-09-2012 02:06 AM

هههههههههه. حبيبي يا جولدن ربنا يكرمنا واياكم قادر ياكريم
بس على فكرة انا عمي معاه بيجو ٤٠٥. موديل حديث كان بيحطلها بانزين ٩٠ بس كانت بتصرف معاه لمن بيشغل التكييف المهم. بقه يحط بانزين ٨٠ والحياة بيقولك بقت حلوة معاه. فتصور ان حتى العربية اللوجن بتمشي ببانزين ٨٠ بس شرط انها تكون كربريتر مش انجكشن

انا نفسي يرجعولنا الرصاص تاني للبانزين .... كان اسوء قرار ازالة الرصاص من البانزين. كان زمان التفويله تسفرك الاسكندرية وترجعك مرتيين النهردة تيجي تفول من هنا تلاقي البنزين بااااااااح من هنا وطر. متعرفش. انت حاطط لها بانزين. ولا قزازة كلونيا .... ولا هو البانزين معدش فيه بركة زي زمان .... فياريت المسؤوليين يرجعولنا الرصاص. للبانزين تاني .... ويرجع البانزين الحلو بتاع زمان ... ابو ٩٠ قرش. ده البانزين بتاع زمان ده من كتر حلاوتوا كان في عيال. تقعد تشم في البانزين كده ويبقوا مدمنين. عليه من كتر حلاوتوا يعني مش بس كان بيكيف قائد المركبة لأ. ويكيف العيال الشمامة ولاد .......... تيت. يعملوا احلى دماغ منوا