عرض للطباعة
بسم الله الرحمن الرحيم
السلام عليكم ورحمة الله وبركاته ، اللهم صل على محمد وعلى آله وصحبه أجمعين.
فى البدايه اوضح انى مقدرش استغنى عن العربيه لظروف ان شغلى بعيد جدا عن بيتى وللأسف انا بمر بأزمه ماليه طاحنه وبفكر اغير من بنزين 92 لبنزين 80 وطبعا الفرق فى السعر مش محتاج شرح انا عربيتى بولو 1300 موديل 97 هل بنزين 80 هيضرها يعنى هيعمل اى مشاكل ياريت اللى يرد يكون متأكد من كلامه وشكرا جدا ليكم وربنا ما يحكم عليكم بزنقة او بأزمه هههههههه
معتقدش هي العربية فقط عزمها هيقل جدا
يعني متحاولش تسرع بالعربية وامشي براحتك لانك لو عملت كده
هتسمع الموتور عمال يسقف وهيصعب عليك
ومتخليش حد يقنعك ان بنزين 92 بيبقى انضف من 80 ومش فيه شوائب
ده اعتقاد خاطئ كل ما في الموضوع ان 80 صعب احتراقه ومش بيدي طاقة زي 92
وان ده بيعتمد على موتور العربية مصمم ليحرق انهي اوكتين
انصح حضرتك انك ترجع لكتالوج السياره و شوف رقم الاوكتان اللى كان موصى به كان كام و اقل حاجه كام لان ده كلام اللى صنعوا العربيه و اكتر ناس عارفينها. اى حاجه تانيه غير كده هتبقى اجتهادات فرديه او تجارب قد تصيب و قد تخيب
هو فين اصلا ال 80 دا بيتباع فى الشارع ب 1.50
خالى بالك لانك ممكن تضر موتور العربية وبدل ما توفر هتصرف اكتر على صيانة الموتور
وربنا ان شاء الله يفك ضيقتك
خلط يا باشا وامشى بقلب جامد نص 80 ونص 92
اقتباس:
المشاركة الأصلية كتبت بواسطة semi
تصحيح
حضرتك التسقيف بييجي نتيجة ان البنزين 80 بيولع بسرعه مش ببطء... وقت اما البستم يضغطه وقبل حدوث الشرارة وعشان كده بنغير توقيت الاشعال عشان نمنع التسقيف او الكركرة
لصاحب الموضوع... معلش انا ماعرفش عربيتك... بس هل هي فيها سبيراتير؟؟
وبعض العربيات زي اللانوس بيكون فيها فيشه لضبط قيمة الاوكتان فممكن شوية بحث عالنت احتمال يطلع في العربية حاجة مشابهه
مش عارف انصحك اقولك ايه
بس انت مستعد تسمع صوت التسقيف؟؟
ومستعد تخنق العربيه لو شغلت التكييف وانت ماشى؟؟
وتتنازل عن جزء من السحب؟؟
بص انا رايي جرب تفويله وشوف ايه اللى هيحصل وهتبقى جربت بنفسك
اديها 80
ال compression ratio بتاعة موتورك 1:10
لازم 92 للأسف والا هتسقف وده خطر
ممكن تخلط نص 92 ونص 80 كحل وسط وماتدوسش عالنزين جامد في الغيارات العالية
نصيحة مجرب والله الـ 80 مشكلته إنه بيقلل عزم العربيه وبيقلل سحبها
بس الكلام ده بتعوضه برجلك انك بتسايس العربيه ومتدوسش بنزين جامد او بمعنى اصح متقرصش علي العربيه عشان متسمعش التسقيفه ..
انما كله فى السريع بيتساوى
والـ 80 نضيف زى الـ 90 والـ 92
هو بس الرقم الاوكتانى بيختلف .
رغم ان الموتور بتاعك معامل الانضغاط بتاعه 9 او 10 تقريباً
بس انت سايس العربيه ومش هتسمع تسقيف لحد ما ربنا يفك ضيقتك
لأن فرق السما والارض بـين الـ 80 والـ 92
الـ 80 بـ 90 قرش والـ 92 بـ 1.85 قرش
فرق جنيه فى اللتر :)
تجربتى بعد اول تفويلة بنزين 80 :
1- صوت تصقيف كل شوية .. (ماكونتش بسمعه فى الـ 92 نهائى)
2- سحب العربية مش عاجبنى خالص .. (اكنها مش عربيتى اللى كنت بجرى بيها)
3- التكييف كفاءته قلت .. (مع انى مش فاهم ايه العلاقة بين التكييف و البنزين)
معرفش بس حسيت ان الفرق اللى هوفره هيقابله عدم رضا عن أداء العربية ..
فــــــــــــ أرجع بنزين 92 تانى أريح لى بئا ـــــــــــــــــــكدا شــــــــــــكــــــــراً ...
اقتباس:
المشاركة الأصلية كتبت بواسطة golden_web_2007
معليش يا استاذ جولدن. هو حضرتك جربت بانزين ٨٠ على انهو عربية من بتوعك الفراري ولا اللمبرجيني ارجو التوضيح وشكراً
توكل على الله وحط ال 80 دا انا حطيتة فى اللانوس وزى الفل
سحب قليل شوية وتسقيفة طبعا
لكن ابن الذين بيرقد فى العربية
وربنا يفك ضيقتك
ههههههههههههههه .. لاء اللمبورجينى و الفيرارى دى انا كاتبهم تبعاً لمبدأ إوعدنا يارب ..
انا عربيتى دايو لانوس 99
هههههههههه. حبيبي يا جولدن ربنا يكرمنا واياكم قادر ياكريم
بس على فكرة انا عمي معاه بيجو ٤٠٥. موديل حديث كان بيحطلها بانزين ٩٠ بس كانت بتصرف معاه لمن بيشغل التكييف المهم. بقه يحط بانزين ٨٠ والحياة بيقولك بقت حلوة معاه. فتصور ان حتى العربية اللوجن بتمشي ببانزين ٨٠ بس شرط انها تكون كربريتر مش انجكشن
انا نفسي يرجعولنا الرصاص تاني للبانزين .... كان اسوء قرار ازالة الرصاص من البانزين. كان زمان التفويله تسفرك الاسكندرية وترجعك مرتيين النهردة تيجي تفول من هنا تلاقي البنزين بااااااااح من هنا وطر. متعرفش. انت حاطط لها بانزين. ولا قزازة كلونيا .... ولا هو البانزين معدش فيه بركة زي زمان .... فياريت المسؤوليين يرجعولنا الرصاص. للبانزين تاني .... ويرجع البانزين الحلو بتاع زمان ... ابو ٩٠ قرش. ده البانزين بتاع زمان ده من كتر حلاوتوا كان في عيال. تقعد تشم في البانزين كده ويبقوا مدمنين. عليه من كتر حلاوتوا يعني مش بس كان بيكيف قائد المركبة لأ. ويكيف العيال الشمامة ولاد .......... تيت. يعملوا احلى دماغ منوا
انا هتكل على الله واجرب تفويله 80 واشوف الفرق ولو لقتنى مخنوق من العربية هجرب نص التنك 80 والنص 92 ونشوف التجارب دى هتخلص على اية ومتشكر جدا على ارائكم وتعبكم معايا
اهم حاجه عشان متسمعش التسقيفه ريّح العربيه فى كل غيار ومتكبسش علي المكنه