الموضوع: كاوشت جديد

بابا راح مشوار امبارح رجع يا محمد يا محمد تعالا شوف الكاوشت اللى إنت بتقول عليه

أفتح الشنطة كونتينتال R16/205/55 v ب 650 الفردة

قلت كويس وفرحت شوية بس آخر اليوم قلب معايا بإنى قلت ياريته ما جاب الكاوشت ياريتنا ما رحنا ركبناه ياريتنى كنت نايم عشان مشوفش القرف اللى شفته من الصنايعى الغلس اللى ميعرفش حاجة

والله أنا قرفت من العربية بسبب بابا واللى بيعمله فيها وندمان إنى نصحته بيها

لأول مرة أحس إن فعلا عربيتى بجد اللى هجيبها من فلوسى أما عربية والدى دى مينفعش أقول عربيتى من هنا ورايح

لأنى بكل بساطة لو أنا عندى عربية مش هخليه يسوقها خالص ولا يجى عندها

دا أنا فلست منه

هو مستعد يكسرها ميت حتة ولا فى دماغه وأنا اللى أزعل عليها وكأنى اللى دافع فيها فلوس

أنا مش عايز أخليه يدفع فلوس ويغرم وهو عايز يدفع فلوس ويدفع بالزيادة كمان

ولا مقدر خالص إنى بحاول أصلح فيها


والله أنا محتار دلوقتى هو انا إيه اللى واخده من القرف دا لما مفيش أدنى تقدير ليا ؟