تسلم يا باشا
عموما حاطط حاليا شل الاصفر وبفكر احط الازرق وده طبعا نصف تخليقي فبقول هتكون انتقال افضل
وهثبت عليه ولا خليني فالاصفر مع اني المفروض ماحطش معدني ..
عرض للطباعة
بصراحة ما أقدرش أفتي قوي في أنهي زيت أصلح لعربيتك
بس عموما لو العربية قديمة موديلات 80 أو تحتها يبقى خليك في المعدني فقط لأن المواتير القديمة بيكون خلوص البساتم الشنابر فيها كبير ومحتاجة زيت سميك القوام أكتر
ولو العربية تسعينات فما فوق لغاية 2000 خليك النصف تخليقي لأن برضه بتكون الأجزاء الداخلية للموتور إبتدت تستهلك والخلوص بينها وبين بعضها إبتدى يكون واسع الى حد ما فبتحتاج زيت وسط سميك القوام الى حد ما وفي نفس الوقت فيه بعض من مميزات الزيت التخليقي من المحافظة على درجة حرارته ولزوجته في ظروف التشغيل الأصعب
ولو جديدة يبقى خليك في التخليقي الكامل للمحافظة على أجزاء الموتور الداخلية لأطول فترة ممكنة
لكن دي مجرد قواعد عامة فقط أعتقد إن إحساسك بالعربية ممكن يخليك تحط نوع إنت مرتاحله أكتر بالرغم من القواعد دي
يعني ممكن عربية جديدة زيرو لكن يكون موتورها خفيف شوية فتحتاج تحطلها زيت معدني سميك القوام وتغيره كل فترة قليلة هايكون أفضل طبعا من الزيت التخليقي خفيف القوام ... وهكذا ... حسب عربيتك محتاجة إيه في النهاية
انت كده ظلمت الزيت فعلا...لا تقارن زيت قعد 10000 كم في المكنة بزيت لسه مكملش الف كم...المقارنة غير عادلة تماما وخصوصا مع الفرق الطفيف جدا اللي لاحظته اللي ممكن يكون بسبب حرارة جو أقل
زيت كاسترول ماجنتيك كمان مش ايدج بحطه في الياريس 1500 وبمشي بيه بسرعة 140 في الامارات (حرارة الجو هنا علي طول 45 في الصيف) ومفيش منه اي مشاكل مع اني ناسيه خالص والمفروض اغيره ومش لاقي وقت
عايز المقارنة تكون صح ظبط دورة التبريد عندك لان كده اكيد فيها مشكلة لان الحرارة المفروض متعلاش خالص طول الطريق وخاصة انك علي طريق سريع
1- اكشف علي طرمبة المياه..المفروض تتغير كل 80 الف كم
2- تغيير مياه التبريد كل 30 الف كم...لو مغيرتهاش يبقي عندك مشكلة
3- اكشف علي غطاء القربة او غيره اذا لزم الأمر
4- اكشف علي الردياتير ووصلات المياه اذا كان فيها تسريب او بتحتاج تزود مياه كل فترة قليلة بنسبة كبيرة
شكراً على التقرير مع انى مقتنع ان زيت شل دة زيت عباد شمس مش زيت سيارة
طيب جربت تجرب فالفولين او ليكوى مولى
استاذ ايمن سعر زيت شل كام