الموضوع: للبيع موبايل نوكيا 95 اسود ميوزك

انا عندي موبايل نوكيا 95 ميوزك اسود فنلندي كنت جايب من زمااان ب 3000 جنيه :) اول يد بقى وكده المهم بعد عشره طويله اوي كتر خيره قولت اريحه وجيبت اي فون بعد كده اندرويد بس الموبايل لما بتزنق والسوفت بيضرب في الجداد دول برجعله بحس انو اصيل اوي اوي :)
المهم واحد زميل ليا في الشغل عارفه وقالي مش عايز تبيعه لانه محتاجه فقولت حرام بدل مانا سايبه كده اخلي حد يستفيد بيه احسن المهم قالي عايز فيه كام قولتله مش عارف قولتله شوف في المحل بيتباع بكام وانا انزلك 50 جنيه قالي لا معرفش شوف انت وقولي وانا محرج ومش عارف اسعره
الموبايل معاه علبته وكل حاجته ماعدا السماعه ضاعت مني :(
الموبايل اول جيل نزل مصر الفنلندي يعني ماشاء يمكن الوحيد اللي مجبش فلاته ولا شاشه حتي الان
البطاريه بتقعد يوم ونص مع الرغي ايام ماكنت خاطب وتلات ايام لو سايبه في حاله
اه من يجي 4 سنين او اكتر كان الميموري ال 8 جيجا فصل وديته لواحد في الدقي صلحه واتفتح ومش فاكر قالي اي سي ميموري بس انا اعتقد انها حاجه اهيف من كده لانه خد 50 جنيه بس ساعتها والميموري رجعت بكل الداتا بتاعتها متمسحتش حتي والحمد لله من ساعتها والله مافصلت خالص ولا مره
وعملت له تحديث للسوفت وير عن طريق نوكيا سيوت والكابل
المهم ادي للراجل ده بكام ويكون سعر عادل ليا وليه عشان هو مستنيني اديهوله بكره ان شاء الله وعادي حاخد فلوسه منه اول الشهر مش فارقه دي بينا يعني