كتر الف خيرك على المعلومات دى ..هو فعلا الصنايعيه بيشوف ال 525 يقولك ده واحد بيروح يلم فلوس من الارض لما ينزل من بيتهم ..
طيب المصنعيه العادله كام؟ وممكن تليفون مركز اوتوسكان ده؟
عرض للطباعة
يا نهار اسود!! وانا هاقدر استحمل اشوف العربيه بتتحلل كده!!!!!!
وان شاء الله الصنايعيه الحلوين بتوعنا هايرجعوا الالف حته اللى اتفكت دى؟ ولا هلاقى فى الاخر 20-30 مسمار وافيز وكلبس مرميين على الارض؟؟؟
الصراحه 1000 جنيه مش مبالغه قوى فى كل الوهم ده! ده ييجى شغل يومين
فى واحد بتاع تكييفات كويس ومش سفاح اسمه المراغى فى تريومف
الشارع اللى على ناصيته ابو مازن .
ويا سلام لو يركب علية كباس تويوتا .
انا جربته اكتر من مره
كان فى مره فيهم فك التابلوه وطلع الكويل ونظفه وظبطه بس ده كان فى العربية اللانسر
لكن فى البى ام بصراحة كان شغل بسيط .
بس برضه عايز نصيحة
طالما العربية فيها فك تابلوه خليك فى التوكيل اضمن لو كان فرق السعر مش كبير اوى
لأنى حصلى مشكلة قبل كده بسيطة
انا الحمد لله الصالون عندى نظيف اوى
البطانة الداخلية بتاعة السقف سقطت
روحت عند سروجى المفروض انه نظيف غيرلى البطانة
طبعا ما رجعتش زى الاول لا فى الخامة ولا الشكل ولا التقفيل وفى بعض اللزق االى بيلزق بيه نزلت على التابلوه
المهم كانت كلفتنى ١٢٠٠ جنيه ، لو عاد الزمن للوراء وهعملها فى التوكيل حتى لو ب ٤٠٠٠ جنيه هعملها فى التوكيل.
شوف باه
الكويل يتجاب استيراد /// ايوة استيراد هيعمل 1500 ج
انزل الحرفيين و اسال علي محل رحمة او زهير و هتلاقيه
كل الجديد انساه ماعدا الاصلي بتاع التوكيل ....
اللي بيقول كل الكويلات زي بعض احب اقوله لأ كل عربية و ليها حجتها .
بعد متجيب الكويل تنزل علي بتاع التكييف بتاعك او مقار
و تقوله اهم حاجة الطابلوه يرجع زي الاول .
هي المصنعية عالية اه بس متتكلمش في فلوس غير لما تستلم عربيتك.
لو احتجت حاجة تانية انا معاك.
لو رحت التوكيل التكلفه هتكون في حدود ال 6500 (دا بالقياس علي مرسيدس وافتكر انهم متقاربيين)
طبعا بلاش الاستيراد لانه هو اصلا عمره قصير و معني كده ان الاستيراد مش هايستحمل دا لو كان سليم اساسا
دا غير انه لو مش سليم ممكن يقعد لغايه شهر علي ما يبان معاك نقص الفرييون.
مش زي بعضها يعنى كل كويل يركب فى اي عربيه لا طبعاً كل عربيه لها الكويل بتاعها انا بتكلم فى الصناعه وتكلفة المصنع مش فى حجم الكويل والموديل بتاع العربيه ولو فى مستورد صاحبك سألو وهو يوضحلك النقطه دى ان التقييم حسب العربيه مش حسب سعر قطعة الغيار وده فى قطع كتير مش فى الكويل بس لو تفتكر زمان كان ريداتير الm40 نفسو بيركب على ال٣٢٥ e36 لو روحت قلت عايز ريداتير m40 بسعر و لو ٣٢٥ e36 بسعر تانى مع انو نفس الريداتير وانك تجيب كويل استيراد وبعد كده تفك الطابلوه كلو تانى اعتقد ده مش منطقى