+++111
انت عارف رأى :) >>> خليك فى الاصلى طبعا لانه من المفترض حيعد معاك اقله 5 سنوات كمان و ممكن اكتر ...
و لكن ازاى بيقولك ان الاصلى ممكن يبوظ بعد 6 شهور ؟؟؟؟؟؟ و طيب ماهو كده ركب ارخص واحد ادام كله حيبوظ !!! فيه حاجه غلط و غير مفهومه ...
عرض للطباعة
الف مليون شكر على الهديه دى يا استاذ احمد..
الراجل ده ادانى الحاجه اللى تلزمنى..ضمان شامل لمدة سنه! انا مش عايز اكتر من كده.
الراجل كان واضح معايا, قاللى ان الكويل اللى بيجيبه ماليزى ومكتوب عليه ماليزى, وانى ممكن اروح لناس كتيره تجيبلى واحد طبق الاصل شكلا ومكتوب عليه صنع ف المانيا وهو صينى والطباعه دى مضروبه.
الخلاصه...الكويل الماليزى عنده ب 1800 جنيه + التركيب كله بالشحن 800 جنيه + ضمان سنه.
اعتقد ده افضل عرض ممكن اخده
بص يا باشا هو جنب بيتى على فكره ولمي تيجى قولو انك من طرفى هيعملك خصم تانى وبالاضافه هو مركز معتمد بوش يعنى ممكن يعملك اى حاجه تتخيلها فى العربيه ولمى تروح هتقتنع ان الناس التانيه دى جشع وخلاص ولعلمك هو ضمان سنه بس انا اتحداك ان العربيه تجيب كويل بعد كده على الاقل ٥ سنين ان حصل
أنا آسف على التأخير...أنا غيرت الكباس عنده ونظف دورة التكييف بما فيهم فك سربنتينة التكييف وتغيير فلتر التكييف ودي كانت عملية مقرفة جدا وخدت وقت عشان السربنتينة بتاعة التكييف فكها من قدام الردياتير سهل لكن تركيبه بيتم بمساعدة واحد من تحت ، فلازم يفك المصفحة عشان يعرف يمد ايده!!!
بص هما محترفين فعلا وبالذات واحد فيهم ماسك الورشة إسمه محمد وده اللي المهندس مجدي بيعتمد عليه فى العربيات المعقدة زي البي إم والمرسيدس ، بس هما غاليين نااااااار ، ممكن تسيب العربية بس ممكن ترجع يقولولك سيبها وتعالي بكره! ضغط العمل عندهم مش طبيعي!!!!
تحياتي.
الف شكر ياحمد باشا..
انا الحمد لله غيرت الكويل عنده امس..العربيه ماشاء مستحيل تميز ان التابلوه بتاعها اتفك واتركب تانى!
اكتر حاجه عجبتنى فى العمليه هو الاتى:
-النظافه الشديده للمكان وكانى فعلا فى ورشه فى كندا حيث كنت اعيش. المكان بيبرق والحوائط سيراميك رائع وكل شىء متلمع و الابواب الصاج بتتحرك بموتور اوتوماتيك والاهتمام بنظافه العربيه غير معتاد فى مصر خالص
-الدقه التامه فى الميعاد...قاللى هافتح الساعه 10 صباحا وصلت بدرى نص ساعه كان المكان مغلق والساعه 10 تماما لقيت الابواب بتفتح اوتوماتيك على التايمر وهو نازل من اعلى حيث يسكن. كمان قاللى العربيه هاتخلص بكره على 7-8 مساء واستلمتها الساعه 7 وربع!
الحقيقه ان انضباط العمل ونظافته شىء غير معتاد فى مصر نهائيا..
التكييف شغال تمام طبعا ولكن الحكم النهائى يلزمه شهر ولا اتنين...بس موضوع الضمان ده يخللى الواحد مش قلقان...
الحمد لله وكده خير ومش عيزك تقلق لا شهرين ولا سنتين وزي ما وضحتلك الموضوع عند الناس جشع وخلاص وفادى اصلاً غاوى عربيات من والطفوله والعماره اللى فيها المركز بتاعتو ولو كنت كلمتنى كنت جيتلك وزى ما شوفت كل حاجه تمام عندو والنضافه اللى مش موجوده غير فى التوكيلات الكبيره ومبروك واى حاجه تحتاجها بلغنى وعلى فكره هو عندو صيانه واصلاح بشكل عام غير التكيف