استغاثة صيانة كارونة امبريزا 2003

**mhh** · 06-09-2012 01:14 AM

تحية للسادة الافاضل مشرفي واعضاء هذا المنتدي العريق هذه اول مشاركة لي في المنتدي واسف علي الايطالة رجاء شديد لدي مشكلة في الكارونة يوجد صوت خشانة وصوت طنين(ونه) في الكرونة الخلفية وحصل الموضوع دة فجأة بدون اي انظار والي كشف الموضوع دة ميكانيكي سوبارو اسمة احمد شغال في ورشة طارق بتاع الحرفيين فرجاء خاص هل قام اي احد بصيانة الكرونة ولو حصل فين صلحها

**exact** · 06-09-2012 03:36 AM

سؤال.... هي مش المفروض كل فترة اي كرونة بتعوز تتشحم او يتحط لها زيت؟؟

**abdulkhaleq** · 06-09-2012 09:56 AM

المشاركة الأصلية كتبت بواسطة exact

سؤال.... هي مش المفروض كل فترة اي كرونة بتعوز تتشحم او يتحط لها زيت؟؟

اظن كده برضه

**MohssenRashed** · 06-09-2012 11:04 AM

عندي في التيريوس بغير زيت الكورونا كل 40 الف كم مع زيت الفتيس الاوتو.

**khalid_adel** · 06-09-2012 11:20 AM

المشاركة الأصلية كتبت بواسطة mohssenrashed

عندي في التيريوس بغير زيت الكورونا كل 40 الف كم مع زيت الفتيس الاوتو.

بالظبط كده فهل الاخ السائل كده نزل الزيت وغير زيت الكرونه مع الفتيس ولا عملت ايه بالظبط ؟؟

**Ahmed Selim** · 06-09-2012 11:18 AM

المشاركة الأصلية كتبت بواسطة mhh

تحية للسادة الافاضل مشرفي واعضاء هذا المنتدي العريق هذه اول مشاركة لي في المنتدي واسف علي الايطالة رجاء شديد لدي مشكلة في الكارونة يوجد صوت خشانة وصوت طنين(ونه) في الكرونة الخلفية وحصل الموضوع دة فجأة بدون اي انظار والي كشف الموضوع دة ميكانيكي سوبارو اسمة احمد شغال في ورشة طارق بتاع الحرفيين فرجاء خاص هل قام اي احد بصيانة الكرونة ولو حصل فين صلحها

التجربة دى فى كورونة بى أم بس ممكن تفيدك

أولاً خللي بالك من صوت الونة ده لأنه المفروض بيعني أن فيه تروس على وشك أنها تقفش.

جرب تحط زيت تاني يكون أتقل شوية و شوف لو الونة أختفت يبقى خير و بركة.

لو مختفتش يبقى حاول تعملها صيانة أو تغيرها بواحدة أستيراد لأنها كده على وشك تقفش ولو قفشت و انت ماشي هتبقى مشكلة و خصوصاً لو على سرعة.

أنا قفشت معايا فى البي أم و كان على سرعة قليلة..........يمكن 40 أو 50 لأني كنت لسه طالع من إشارة........و تشوف العربية ساعتها كأني دوست فرامل بأقصى قوة..........ستر ربنا أن مكنش فيه حد ورايا ساعتها.

و طبعاً العربية اتقطرت لحد الميكانيكي و غيرت الكورونة.....و الكلام ده كله حصل فى يوم واحد.....ظهور الونة و القفشة.