الموضوع: تغيير عفشه اماميه - فكترا a

بسم الله
اولا المصنعيه 180 جنيه
ودي شامله تغيير العفشه وتيل وطنابير

ثانيا اللي اتغير وسعره ..

مساعدين امامي ماركه ساكس 600 جنيه
بطاحات فيبي 180 جنيه
بيض مقص مايلي 180 جنيه
بيض دركسيون مايلي 180 جنيه
تيش ميزان معرفش ماركته ايه بصراحه مخدتش بالي 120 جنيه
طنابير امامي ريمسا 280 جنيه
تيل فرامل امامي مصري اسمه سيفتي تقريبا 95 جنيه

الاجمالي 1755 جنيه ولسه حظبط زوايا ومش عارف ادي الواد اكراميه كام اللي يعرف يقدر الاكراميه يقولي اديله كام

النتيجه ...

مش حاسس بفرق هههههههههه

اه والله مش حاسس هو كل اللي اتفك طلع خربان والمساعد واحد ضارب زيت وواحد ولا كانه مساعد اساسا وكل البيض طالع اومليت

مش عارف بقى انا سوقتها وطلعت الدائري وسرعت لغايه 140 وشايف مفيش اي تغيير في اي حاجه
تقريبا لسه العربيه بتتصاحب على الحاجات الجديده بعدين تشغلهم :))


شكر خاص لطناني باشا اللي طمني اللي الحاجات اللي ركبت كويسه ( ما عدا البطاحات الفيبي قال بلاش منها بس الراجل كان ركب خلاص )