ان شاء الله هحجز بريليانسv5تحفة بجد

**eng.m7md.ali** · 06-09-2012 04:33 PM

غريبة عفشة لوتس دي
لوتس مبتعملش عفشات غير للوتس بس او بروتون لانها متباعة لبروتون

**Land_Cruiser** · 06-09-2012 04:43 PM

الف مبروك مقدما و يا ريت حضرتك تقولنا فئاتها و كمالياتها لو تكرمت. هى مبدائيا 1600 cc و 119 حصان

ده يوتيوب ليها
http://www.youtube.com/watch?v=i0DQXE99_Qw

**احمد نور الدين** · 07-09-2012 05:02 AM

المشاركة الأصلية كتبت بواسطة مدحت البلبيسى

اولا لما سالت على ان الجالينا سعرها نزل قالولى فى التوكيل عملوا كدة عشان يخلصوا المخزون عندهم لان الاشكال الجديدة نزلت ولسه فى اشكال كمان وانا شفت v5بعنيا نزل منها600 واحدة وكلهم تسليم اخر الشهر بالحجز من دلوقتى وتيست درايف يوم24/9 العربية تحفة وقالولى قطع الغيار نازلة معاها فى التوكيل وسعرها معقول وشفت الماكنة مايفك يابانى بعنيا وتقفيلها تحفة الهاى لاين ان شاء الله هحجزها بكرة137000وومكن فى كلام فى الف ربنا يسهل انا هاروح اشفها بكرة تانى وان شاء الله احجز وهبطل امشى ورا كلام الى بيفتى عشان صينى ما الماكنة يابانى والعفشة لوتس انجليزى اهم حاجة فى العربية ادعولى ولو حد لية تجربة يقولى

قرار جريء وشجاع بيفكرني بنفسي شويه لما اشتريت الجالينا ربنا يوفقك وابقي طمنا

**مدحت البلبيسى** · 08-09-2012 01:52 AM

المشاركة الأصلية كتبت بواسطة احمد نور الدين

قرار جريء وشجاع بيفكرني بنفسي شويه لما اشتريت الجالينا ربنا يوفقك وابقي طمنا

انا حجزت الحمد للة النهاردة ولاقيت كمان واحد شغال فى البافارية معاه سبلندور هيبعها وبيفرج المدام علىv5 عشان هيشتريها اطمنت اكتر خاصة قالى كلمة ماتمشيش وراء كلام الناس انت رايك اية أ/احمد خاصة ان ليك تجرية مع عربية لنفس الشركة وانا للعلم بعمل الصيانات وبحافظ على اى عربية اركبها

**احمد نور الدين** · 08-09-2012 03:15 AM

المشاركة الأصلية كتبت بواسطة مدحت البلبيسى

انا حجزت الحمد لله النهاردة ولاقيت كمان واحد شغال فى البافارية معاه سبلندور هيبعها وبيفرج المدام علىv5 عشان هيشتريها اطمنت اكتر خاصة قالى كلمة ماتمشيش وراء كلام الناس انت رايك اية أ/احمد خاصة ان ليك تجرية مع عربية لنفس الشركة وانا للعلم بعمل الصيانات وبحافظ على اى عربية اركبها

بصراحه يا باشا انا رايي الاساسي اني رافض مبدأ مخدوش يا بابا مخدوش يا بابا ده صيني لان ده مش مبدأ اساسا لكن الصح اننا نشوف العربيه وامكانياتها والفينيش بتاعها وسعرها وايه اللي انا عايزه منها وتوكيلها وبعدين اقرر انا فكرت في الحاجات دي وجبت الجالينا ولغاية دلوقت مبسوط من الاختيار ده انت كمان صلي استخارة واتكل علي الله ويارب ان كانت كويسه ربنا يوفقك ليها وان كانت العكس ربنا يبعدك عنها

**pido132** · 09-09-2012 12:33 AM

مادام حضرتك مقتنع بيها توكل على الله وسيبك من اى حد تانى

**زكريا عمر** · 09-09-2012 07:57 PM

يصراحة انا شاسف ان البرليانس احسن من انواع كورى كتير و بتنافس بكماليته بس احنا نفكر فى امكانية العريية و قظع غيارها و توكيلها و نسبنا بقى من عقدة بلد الصنع

**Dr.M_baz** · 28-09-2012 11:26 PM

العربيه شكلها تحفه واليوتيوب بتاعها برده جميل جدا.....
بس أنا لي سؤال لو مش هيزعل حد ؟
هل منطقي ندفع الأرقام الكبيره ديه في صيني .... ده تقريبا نفس سعر الكارينز وهي لها من السمعه الجيده و الإنتشار المطمئن مالها؟
لو حد زعل من السؤال مستعد أسحبه.

**drmohamedyehia** · 14-10-2012 07:22 PM

البريليانس جيدة ولكن الوكيل زبالة

**Hossam_Zaky** · 16-10-2012 04:02 AM

اسمحولي أضيف أنه بعد البحث في المواقع الصينية تبين لي الأتي

- طبعا مش حتكلم علي الشكل و الحجم لأنه تحفة و مغري جدا و يجذب الأنظار لأني شوفتها علي الطبيعة

- العربية نازلة في الصين 4 فئات و في مصر 3 فئات و تقريبا الوكيل استورد العربية زي ما هي من الصين و الفئة الرابعة اللي ما جابهاش هي المانيوال الكماليات الأعلي ( زي الأوتوماتيك الكماليات الأعلي )

- العفشة بتاعتها بسيطة جدا زي عفشة السيراتو و النيسان الصني و التيدا ( دول اللي شفتهم ) يعني علي مقصين في الأمام و تورشن بيم في الخلف ( و أنا شايف أنها ميزة عشان العفشة متطلبش صيانة كتير و كمان هي مش عربية سباق )

- صالون العربية الداخلي شكله جميل فعلا لكن خاماته معرفش أخبارها أيه

- كل تعليقات الصينيين موجهه في جزئين
أولا سعر مبالغ فيه يعني تمنها عندهم يوصل 120 ألف يوان و المشاركين بتعليقاتهم شايفين أخرها حدود 90 ألف يوان
ثانيا أن موتور 1600 علي حجمها ضعيف و كانت محتاجة 1800 سي سي

و طبعا ده مع ملاحظة أن العربية موديل جديد برضه في الصين زي عندنا و اللي كاتب أراءه عندهم غالبا برضه مجربش العربية

و ده الموقع الصيني اللي أختبر العربية و طبعا أنا ماليش في الصيني أنا أستعملت ترجمة جوجل للأنجليزية و ليس للعربية لأنه لما بيترجم عربي الجمل بتتلخبط و يا ريت تدخلو علي الموقع لأنه جايب صور لأدق و أصغر التفاصيل للعربية لحد العفشة و الموتور
[url=http://photo.auto.sina.com.cn/picture/14150852_11.html#14150852]2012