شكر واجب الوصول رغم انه لا يكفي

**maheralsisi** · 06-09-2012 01:07 PM

الف الف شكر للاستاذ محمد علي و الاستاذ محمد سطوحي و لكل من ارسل رسالة علي الخاص و لكل من ارسل رسالة علي المحمول و حاولت اتصل بيهم لشكرهم شخصيا و لكن لا إجابة و كأنهم ملائكة إغاثة من السماء لكل محتاج و ملهوف و مزنوق
و الله العظيم مش عارف اوصفلكم شكري و احساسي رغم ضيقي من اللي حصل لان الساعة كانت واحدة و نص و العربية مفتحة و مافيش حد بيعبرك و انت واقف ( معذورين طبعا في ظروف الامن اللي احنا فيها ) لكن بأمانة كنت مبسوط جدااااا من الاهتمام البالغ اللي لقيته
و سلام للعضو land - cruiser من المنتدى العام
اصل انا ما سبتش مكان ما صرختش فيه في المنتدي
يا جماعة مهما قلت مش هاوفيكم حقكم بس دي ابسط حاجة

**mkmaly** · 06-09-2012 03:47 PM

يا باشا حمدله على سلامتك وطبعا اعزز شكرك للمشتركين الافاضل وبينى وبينك كده الواحد يطمن ان لو يا قدر الله حصل عطل يقدر يتصرف منين ...
بس يا باشا كان ايه سبب العطل

**maheralsisi** · 08-09-2012 12:38 AM

سبب العطل ان الدينامو ما بيشحنش و بالتالي البطارية طارت
عشان كده حتي لو وصلت و دورت بوصلة من البطارية مجرد ما تشيلها العربية تبطل لان الدينامو اللي ببكمل دورة الكهرباء اساسا مش شغال
و المهم اني كنت خلاص رايح لقطب في الظاهر قوم ايه عملت حادثة ( ماحدش يسالني ايه اللي حصل لاني مش عارف الطريق قاضي و انا ماشي علي مهلي علي بطارية جديدة عشان الدينامو و القديمة عطلانين قوم لقيت العربية عامت ولقيت نفسي حاضن عمود خرسانة من بنوع الكوبري مش عارف ازاي )