الموضوع: ماذا تشتري فى فئة 125 ل 150 ألف جم 2012

المشاركة الأصلية كتبت بواسطة تامر.محمد

الا هي اللانسر دي البوما ولا e x
افضل التفريق بينهم عشان ما نتخضش بعد كده :)))

المفروض الشارك هى اللى بالسعر ده :)

المشاركة الأصلية كتبت بواسطة spidermohmd1

لو كانت عربية عائلية و مش مهم الاداء و الشكل الرياضي يبقي رينو فلوانس

لو اداء رياضي و شكل رياضي هنقارن ما بين الأمبريزا و الشارك

من ناحية الموتور: الشارك تتفوق (117 حصان و 154 عزم مقابل 114 حصان , 150 عزم للامبريزا)

من ناحية وسائل الأمان: الأمبريزا تتفوق بوجود 5 اير باج في الفئة اللي ب 150 مقابل 2 في الشارك الفئة اللي ب /152/153 الف)

من ناحية الترفيهية: الشارك تتفوق بوجود نظام rockford للصوت مكون من 9 سماعات و سابووفر 10 بوصة

الفتيس: فتيس cvt ستبترونيك للامبريزا مقابل invecs ii اوتماتيك للشارك

التوكيل: ال 2 مش جامدين لكن ابو غالي سمعته مش حلوة و اتمني بعد ما نزل ال امبريزا الجديدة و ال xv و بدا يسوقهم يتحسن شوية, دايموند موتورز انا جربتهم هما كويس و شغلهم نضيف بس غالي حبتين .

في هذة الحالة المقارنة هتبقي صعبة شوية بس انا اخترت الشارك عشان فيها ابوشنز اكتر و موتور اقوي و توكيل يعتبر احسن . بس انا قريت ان ال امبريزا فيها حاجة زي ال esp و الكلام ده لو صح و توكيل ابو غالي اتحسن يبقي الامبريزا تكسب.

الفروقات فى الهورس باور مش قوية يعني هما على الترتيب 110 - 114 - 117

فيه حاجات تانية تفرق فى موضوع السحب......يعني ممكن تلاقي فرق وزن يخلي الفليونس ال 110 حصان تطلع من الأمبريزا 114 حصان..........ده مجرد مثال للتوضيح لأني فعليا مش عارف أيه الأوزان.

الفلينونس فيها 6 أيرباج فى الفئة الأعلى اللى هى تقريباً ب 154 أو 156.

المشاركة الأصلية كتبت بواسطة ehab78

اولا شكرا لصاحب الموضوع على الفكرة الجميلة والشكر موصول طبعا لصاحب الفكرة الاساسي
ثانيا00الله يسامحك على الحيرة اللي حضرتك حطيتنا فيها بالعشر عربيات وكلهم اجمل من بعض
انا كنت في نفس هذا الموقف من حوالي شهر 000الى ان استقريت واشتريت نيسان تيدا هاتشباك بلس(اللي على فكرة ماحدش جاب سيرتها) ب128الف
طبعا انا غلبت صوت العقل وبصيت بالضبط على احتياجاتي انا واسرتي00يعني طبعا في عربيات موجودة في الاستطلاع احسن منها كتكنولوجيا وكماليات000بس انا مؤمن ان ارتفاع مستوى التكنولوجيا في السيارة يتناسب طرديا مع كثرة اعطالها000ودي قاعدة مش موجودة في العالم كله الا في مصر
وطبعا انا قاعد في مصر000يبقى اجيب الاقل فى التكنولوجي وفي نفس الوقت كمالياتها مكفياني وزيادة ومش عاوز اكتر من كده
ده رأيي الشخصي جدا ومش ملزم لاي حد00بس فعلا الياباني مناسب جدا لبلدنا وبيستحمل
دمتم في امان الله

العفو يا باشا و ربنا يباركلك فى التيدا

و هى بالفعل موجودة فى الإستطلاع

المشاركة الأصلية كتبت بواسطة ابو ليلى

تسلم يا كبير على الموضوع
حيرة فعلا لذيذه بس شخصيا اتمنى من زمان
سوبارو
بيجو 308
ميجان فلونيس
ولكن للاسف صفقة فيها مخاطرة تتجمع فى التلاتة
قطع غيار غالية
سعر اعادة بيع
كماليات اقل بالمقارنة بالسعر

العفو يا كبير

ممكن يكون معاك حق فى كل نقطة بس أخر نقطة دى مش فاهمها...........أقل مقارنة بأى عربية ؟
يعنى أعلى فئة فليونس تتقارن بأعلى فئة أوكتافيا و جيتا و هوندا و كورولا..........لو بصيت هتلاقي فرق سعر أو فرق كماليات او الأتنين لصالح الفليونس.

أنا بس بتكلم عن الفليونس مش تحيز ولا حاجة............مجرد أنها أكتر عربية ملم بتفاصيلها.