استفسار بخصوص جهاز إنذار ابجريد

**Dragon78** · 06-09-2012 02:18 PM

سلام عليكم

كان ليا استفسار بسيط ياجماعه

انا عربيتي لانسر 2013 ولسه في فترة الضمان , وكنت عايز اركب جهاز انذار بس بدون مايكون في لعب في العربيه كتير

وأعتقد اني لازم اعمل الجهاز في التوكيل عشان الضمان مايروحش يااما استنى لما فترة الضمان تخلص

لكن انا قريت في كام مشاركه هنا في المنتدى ان في انذار ابجريد , واللي فهمته من الكلام ان الجهاز ده

خاص بالعربيات اللي نازله أساسا بسنتر لوك وخصوصا اللي زراير السنتر في المفتاح نفسه

فكنت عايز من اللي جرب الجهاز ده يقولي معلومات كافيه عنه وهل التوكيل يكون عندهم الجهاز ده ولا
اشتريه من بره وآخده معايا يركبوهولي ؟

وياريت لو في حد ركب الجهاز ده في التوكيل يقولي اتكلف كام , أو حتى لو ركبه بره التوكيل .

آسف على الإطاله ومنتظر الردود .. وشكرا مقدما لأعضاء افضل منتدى عربي في مجال السيارات

تحيــــــــاتي

**eng.ghost** · 06-09-2012 03:09 PM

متابع

**h.soliman** · 06-09-2012 03:24 PM

متابع

**dido_sif** · 13-03-2013 10:15 AM

انا اشتريت الجهاز بـ150 جنية وركبت معاه وحدتين رفع للزجاج الأمامى والخلفى وركبتهم عند كهربائى واخد 100 جنيه

**salah_86** · 17-03-2013 04:30 PM

ياريت لما تروح تركبة ابعتلى على الخاص نروح سوا لانى فعلا محتاج اركبة

**Dragon78** · 01-05-2013 01:35 PM

في جديد ياجماعه بخصوص تركيب جهاز الإنذار أبجريد من التوكيل وهو :

في حد من الأعضاء كان قاللي على فكرة اني اجيب انا جهاز الإنذار اللي انا عايزه واروح اركب في التوكيل عشان الضمان مايروحش , فقولت طب تمام فكره كويسه .

ونظرا لأن كل الأنواع اللي في السوق أي كلام وصيني .. انا كنت عايز أركب الجهاز الإيطالي اللي اسمه جيميني وهو نفس اللي التوكيل بيركبه وهو موجود زي ماقولت قبل كده في توكيل كلاريون وبيونير وثمنه 700 جنيه بالتركيب

انا بقى اتصلت بالتوكيل من يومين وردت عليا واحده استفسرت منها عن الموضوع ده .. في الأول قالتلي احنا مش بنركب أجهزة انذار خارجيه (من بره التوكيل يعني)
قولتلها بس ده نفس النوع اللي عندكم .. راحت قالتلي ثانيه واحده وراحت سألت حد عندها ورجعت قالتلي انهم برضه مش هايقدروا يركبوهولي لكن في حاجه .. لو انا روحت ركبته عند أي حد بره وتم التركيب الحمد لله بسلام من غير مايحصل مشاكل في الضفيره .. خلاص يبقى كده تمام الضمان شغال معايا زي ماهو.

وأخيرا .. قولت أبلغكم الأول ياجماعه واخد رأيكم .. ياترى اعمل الكلام ده فعلا وأغامر ولا أخليني في انذار التوكيل ؟؟؟

مع العلم ان تركيب الانذار في التوكيل سألت عليه من اسبوعين لما كنت باعمل صيانه .. قالي 1450 جنيه .

حاجه بجد غاية الاستفزاز

منتظر آرائكم ياجماعه