العربيه مبتبطلش

**ahmad_salama** · 07-09-2012 02:54 PM

ابيزا 94 1400 هاف انجيكشن

بعد ما وصلت بطلت العربيه وشيلت المفتاح وجيت نازل الاقي العربيه مش مبطله. ابص في ايدي الاقي فعلا الي انا شلته ده كان المفتاح مش حاجه تانيه. حطيته تاني ووديته يمين ورجعته شمال تاني وشلته وبرضو مبطلتش العربيه

روحت مدي غيار وشايل رجلي من علي الدبرياج راحت العربيه مبطله من غير ما تترعش

دورت وبطلت تاني بطلت المرادي عادي

ايه ده بقا ؟؟؟؟

**SYD** · 08-09-2012 04:06 AM

كدة غالباً الكونتاكت فيه حاجة
عايز أقولك كهربا بزيادة اوي - بس انا مش عارف هي العربية عملت كدة معاك بعد صيانة عملتها او ايه تاني بتشتكي منه غير الموضوع دة

بس الموضوع دة مش هيخرج عن الأتنين دوول
اما كونتاكت
او كهربا بزيادة اوي اوي ولو كنت سبتها كانت هتبطل لوحدها

والله المستعان
،
،

**ehab_mansour** · 08-09-2012 10:32 AM

ده كونتاكت فقط
العربيات الانجيكشن مافيهاش حاجه اسمها كهرباء زيادة لأن دائرة الكهرباء بها لا تحتوي علي مكثفات و بالتالي لا يوجد شيء تتم فيه تخزين للكهرباء
و كل شيء في العربيات دي بيتم بمعرفة الكنترول لكن الغريب جدا جدا هو دوران المحرك علي الرغم من شيلك للمفتاح من وحدة الايموبلايزر محتمل يكون تهنيج كنترول و لن يتكرر ان شاء الله ولو تكرر ياريت تشوف الكونتاكت بالايموبلايزر

**SYD** · 08-09-2012 05:41 PM

بالظبط كدة
الأيموبلايزر بدأ مع السيات ابيزا في الموديلات ابتداء من 97
وحتي لو فيها ايموبلايزر - فهو دوره اعتقد ينحصر في بدأ دوران المحرك وليس استمرار دوران المحرك
زي بالظبط كدة الكارت بتاع Start/Stop Engine العربية ماتدورش من غيره لكن عدم وجوده لا يعني ابطال المحرك عن الدوران.

والمقصدو بالكهرباء الزيادة هو ظبط الأسبراتير لتقديم كهرباء العربية ودة موجود عندنا سواء في ال1300 الكربراتير او الهاف انجيكشن او حتي الفول انجيكشن.

علي العموم
اعتقد اننا متفقين في موضوع الكونتاكت وهو ان شاء الله هيكون ظبط لا اكثر - يعني الريش نعمت او الفبرة فوتت ومش حاسة بالدوران - واعتقد هتبدأ تأثر معاك في التدوير لو الفبرة فيها حاجة.

تحياتي للجميع