صورة لحادثة ..ة اللي في العفشة دي ممكن تكون ايه ؟؟

**pharmacology** · 07-09-2012 05:56 PM

السلام عليكم

تعرضت منذا سبوعين لحادثة ودي صورة العربية

اللي حصل اني كنت ماشي جمب مقطورة وفي ملف الخشب نزل فوق العربية زي ما هو واضح في الصورة .. العربية الوقتي عند سمكري وان شاء الله الاسبوع الجاي هجيب عفشجي يبص عليها .. العربية من قدام " باركة " علي الارض ... ممكن يكون ايه اللي خصل بالظبط في العفشة خلاها تعمل كده ؟؟ ارجو الافادة وجزاكم الله خيرا

**عصام غنايم** · 07-09-2012 09:42 PM

انا شفت العربيه عند حنيفه اللى فى مدخل دمياط الجديده ربنا يكون فى عونك ويخلف عليك بالأحسن منها لو محتاج اى حاجه اتصل بى رقمى فى التوقيع

**Ahmed_Adham** · 07-09-2012 11:44 PM

عايز اسألك على حاجه - هل تم تحميل سائق النقل المسؤوليه واصلاح التلفيات في عربيتك ولا انت اللى هتتدبس في الحوار ده؟

**Karim_Monir** · 07-09-2012 11:58 PM

القنطرة الامامية رايحة في داهية اللي شايلة الموتور مع القواعد
غالبا هاتغير عفشة كاملة مش هاعرف الا لو شوفتها من تخت
لو عوزت استفسار اطلب ما تتاخرش
ولو في مصر كنت دليتك علي عفشجي محترم في الحرفييين
ربنا معاك ويخلف عليك

**pharmacology** · 08-09-2012 01:34 AM

المشاركة الأصلية كتبت بواسطة karim_monir

القنطرة الامامية رايحة في داهية اللي شايلة الموتور مع القواعد
غالبا هاتغير عفشة كاملة مش هاعرف الا لو شوفتها من تخت
لو عوزت استفسار اطلب ما تتاخرش
ولو في مصر كنت دليتك علي عفشجي محترم في الحرفييين
ربنا معاك ويخلف عليك

كتر خيرك والله .. يعني حضرتك تقصد ايه بعفشة كاملة ؟؟ قنطرة + مساعدين + مقصات + يايات ؟؟؟؟ طب انا فيه ناس قالولي ان ممكن يكون المساعدين فلتوا من البطاحة وسابوا اليايات نتيجة الضغط عليها لما الخشب وقع ؟؟؟ ايه امكانية ان ده يحصل ؟؟ وهل لو انا فكيت الكاوتش هقدر اشوف اي حاجة او اعرف ايه المشكله ؟ ارجو الافاده

**Ahmed_Adham** · 08-09-2012 02:09 AM

المشاركة الأصلية كتبت بواسطة pharmacology

للاسف صاحب المقطورة مرضاش يدفع غير 4000 ج وقال لو مش عاجبك امشي في سكة القانون .. وانا عرفت ان سكة القانون دي هتطول وفي النهاية لو القضية مشت صح هياخد 3 شهور حبس وغرامة 500 ج .. للاسف اضطريت اخد ال 4 الاف جنيه ومش هقول غير حسبي الله ونعم الوكيل

ال 500 جنيه وحبس 3 شهور ده حق الحكومه وبيطبق العقاب ده حتى لو الحموله المخالفه متسببتش في حادثه لكن انت ليك قضيه منفصله لاتلاف ممتلاكات خاصه - مش عارف العربيه هتكلف كام في تصليحها بس حاسس انه هيبقى مبلغ لو كل حاجه جبتها اصليه وال 4 تلاف اللى خدتهم مش هيغيرو كتير فكنت تمشي في طريق القضيه احسن.

على العموم ربنا يعوض عليك بالخير والحمد لله انك سليم.

**pharmacology** · 08-09-2012 02:16 AM

المشاركة الأصلية كتبت بواسطة ahmed_adham

ال 500 جنيه وحبس 3 شهور ده حق الحكومه وبيطبق العقاب ده حتى لو الحموله المخالفه متسببتش في حادثه لكن انت ليك قضيه منفصله لاتلاف ممتلاكات خاصه - مش عارف العربيه هتكلف كام في تصليحها بس حاسس انه هيبقى مبلغ لو كل حاجه جبتها اصليه وال 4 تلاف اللى خدتهم مش هيغيرو كتير فكنت تمشي في طريق القضيه احسن.

على العموم ربنا يعوض عليك بالخير والحمد لله انك سليم.

ال 4 الاف جنيه تقريبا تمن السمكرة ولسه الدهان والعفشة والازاز .. وانا في رايي مكنتش هستفيد حاجة لو السواق حتي خد اعدام او اتسجن بعد سنتين تلاتة .. خسارة قريبة احسن من مكسب بعيد .. دعواتك

**Karim_Monir** · 08-09-2012 05:08 AM

كويس انك اخدت فلوس
كل شيئ جايز طالما مش شايفين لازم تترفع نشوف
ولما تخلص اكشف زوايا كويس قوي قوي

الموضوع: صورة لحادثة ..ة اللي في العفشة دي ممكن تكون ايه ؟؟

LinkBack

أدوات الموضوع

عرض

-

-

-

المواضيع المتشابهه

صورة العفشة الخلفيه لكيا سيراتو الجديده2013+مواعيد نزول السياره+صور رسميه

هل يشترط ان تكون اى قطعة يتم تغييرها المانى ولا ممكن تكون المانى مغشوشة وماركات تانية

إيه اللي ممكن أستفيده من الكمبيوتر اللي موجود في الفلوانس اللي في دراع المساحات ؟

ماهي عيوب العفشة اللي ممكن تخلي الكاوتش يتاكل بسرعة و بعدم انتظام ؟

الكلمات الدلالية لهذا الموضوع

المفضلات

المفضلات

ضوابط المشاركة