الموضوع: عملت حادثة و كل سنة و انتم طيبين

غريبة دي مش كده ؟؟؟ بعد ما مليت المنتدى عياط ع العربية اللي وقفت بيا في نص الليل و الناس كلمتني و بعتتلي رسايل قلت أخد اذن من الشغل و اروح بدري عن قطب عشان الحق لخلق بدري ( كل شئ نصيب ) خدت معايا واحد صاحبي و خدت بطارية جديدة بعد ما كلمت الكهربائي و حكيت له قالي دي كده دينامو و بتشتغل ع البطارية بس و شديت الرحال و وحتى بدري و ركبت البطارية و زميلي مشي بالسلامة و قلت اروح انا بقي لقطب و كانت الدنيا رايقة و مافيش اي حد مغلس بالسواقة و لا اي شئ و مرة واحدة لقيت العربية عامت مني و ما دريتش الا و هم بيخرجوني من العربية و هي حاضنة عمود الخرسانة بتاع الكوبري
طب ايه اللي حصل مش عارف ؟ طب ازاي ؟ مش عارف ؟ طب كنت ماشي بسرعة ؟ ابدا
طب الدريكسيون فلت ؟ في الاول افتكرت كده لكن و انا باحمل العربية ع الونش الراجل يقولي هات لمين الدريكسيون يلف العجل لمين طب شمال ييجي شمال مع العلم بان الجنط كان ع الارض آمال ايه ؟ مش عارف النصيب و خدت العربية و رميتها في الحرفيين و ماليش نفس اعمل حاجة ولا اركب تاني لا هي و لا غيرها
انا ؟ حادثة ؟ طب ده انا الحمد لله رب العالمين ربنا نجاني من كوارث اقوم اعمل حادثة زي دي ؟ و كمان مش عارف ايه السبب ؟ الحمد لله
المهم كنت عاوز أخد رأيكم انا قفلت من العربية و حاسس ان قدمها مش تمام انا من يوم ما حينها ما باتتش عندي زي ما باتت عند الميكانيكية و الكهربائية و في الاخر حادثة زي دي ؟؟؟ و مش علي سرعة كمان
اشدها و اركبها و اقول يا رب و كل شئ نصيب و لا ابيعها بحالتها ما دمت قافل منها ؟
قال و السمكري بيقولي ان الحمد لله العربية ناشفة و انها لو كانت كوري و لا ياباني ما كانتش نفعت تاني بعد الخبطة دي اساسا ؟؟؟؟؟
خبطة ايه ؟ دي حادثة جامدة بقي بجد ؟ طب ازاي ؟ ايه اللي حصل ؟ آمال لوكنت باجري و لا باخد غرزة و لا قارص ؟ انا مش عارف ايه اللي حصل السمكري و الميكانيكي مصممين ان الخبطة مش علي سرعة اقل من 120 و انا اخر حاجة فاكرها اني كنت بانقل للتالت
بس الحمد لله انا طلعت سليم ( نسبيا ) شوية كدمات بس في الركبة و الرجل
بس انا نفسي اعرف ازاااااااي و 120 كم ايه اللي انا كنت ماشي عليها ؟ و أمتي ؟ و كمان شوارع داخلية يعني مش سفر ؟؟؟؟ آمال لو مسافر ده انا باسافر علي 160 لو العربية مساعدة يبقي اكتر
انا بس نفسي حد يفهمني ازاي و ايه اللي حصل ؟

اولا حمد لله على سلامتك

انا شايف ان المبلغ كتير اوي يعني حرام تصرف وبعدين تبيع هاتخصر كتير اووي
لو هاتبيع اعمل اليي يمشي العربيه وبلاش رش بالكامل او ممكن تشوف معرض يخش في العربيه علي حلته وتدفع ال 8000 فرق في عربيه تانيه هايكون اكسب بالنسبالك وعلي العموم ياعم انا ذي حلاتك بس لبست خبور في عربيه فيستا ولسا خابط الفتيس واحتمال هايتغير وبدون اي حدثه وموضوعي اسمه الحقوني الفسته مجنناني
ولس مش عارف هاعمل اي في الفتيس