الصني غليت و لا المعرض بيشتغلني ؟

**Land_Cruiser** · 08-09-2012 11:16 AM

مفيش تسليم فورى اكيد لأن الممصنع عليه طلبات كتيره و حتى انا قرأت من فتره انه ضاعف خطوط الانتاج علشان يقدر يلاحق على الطلبات . يبقى المعرض اللى حضرتك روحت له ده بيعمل ايه ؟ بيبيعلك باوفر برايس و لما لقاك معندكش مشكله فى الانتظار لجأ للكذب و ادعاء ان السعر زاد علشان يحسسك ان مفيش داعى للانتظار لانك فى الاخر هتشترى بنفس السعر و بالتالى تشترى منه و هو يضرب ٨ آلاف جنيه ده غير مكسبه الاصلى طبعا فى العربيه . يعنى بالكذبه الصغيره دى هيطلعلوا ب ١١ و لا ١٢ الف جنيه. طبعا ده شغل نصب و استهبال و حضرت اطلع على اوتو ايجيبت او السبع و أحجز معاهم و ان شاء الله تستلم بالسعر الرسمى و سيبك من المستغلين دول

**saint2011** · 08-09-2012 12:12 PM

المشاركة الأصلية كتبت بواسطة Land_Cruiser

مفيش تسليم فورى اكيد لأن الممصنع عليه طلبات كتيره و حتى انا قرأت من فتره انه ضاعف خطوط الانتاج علشان يقدر يلاحق على الطلبات . يبقى المعرض اللى حضرتك روحت له ده بيعمل ايه ؟ بيبيعلك باوفر برايس و لما لقاك معندكش مشكله فى الانتظار لجأ للكذب و ادعاء ان السعر زاد علشان يحسسك ان مفيش داعى للانتظار لانك فى الاخر هتشترى بنفس السعر و بالتالى تشترى منه و هو يضرب ٨ آلاف جنيه ده غير مكسبه الاصلى طبعا فى العربيه . يعنى بالكذبه الصغيره دى هيطلعلوا ب ١١ و لا ١٢ الف جنيه. طبعا ده شغل نصب و استهبال و حضرت اطلع على اوتو ايجيبت او السبع و أحجز معاهم و ان شاء الله تستلم بالسعر الرسمى و سيبك من المستغلين دول

ده كلام 100%

**fady_anis** · 08-09-2012 12:24 PM

بص حضرتك فى معار ض محترمه اوى زى السبع او اوتوايجيبت او سمير ريان أسال هناك

**szaalouk** · 08-09-2012 12:46 PM

يا جماعه العربيه سعرها ما زادش ولا حاجه و انا لسه حاجز من عند اوتو ايجبت في مدينه نصر
و الاستلام بعد 3 شهور بحد أقصي و الوصل مكتوب فيه ان المبلغ تحت حساب حجز العربيه و التسليم علي سعر بيع المصنع المعلن وقتها يعني لو زادت الف ولا اتنين لأن السعر المعلن النهارده 99900 للاوتوماتيك و لم يتغير حتي الان .
و سعر الكاش و التسليم الفوري في المعارض فعلا وصل 107 و 108 في بعض المعارض و ده من اقبال الناس عليها و كثره الطلب و التنازل و دفع الأوفر برايس و ده اللي خللي التجار تستغل الموقف و ترفع السعر بالمنظر ده لكن لو ممكن تصبر لمده الحجز حتاخدها بالسعر الرسمي للمصنع .

**Ahmed.TV** · 08-09-2012 03:48 PM

العربية مش بالسعر ده يا جماعة .. دى اسعار معارض

السعر الرسمى الى الان 100 الف .. بس على شهر اكتوبر ويمكن فى خلال شهر 9 ده انها حتغلى وحتكون فى رنج 102 او 103 بالكتير .. وده ساعتها حيكون السعر الرسمى

والسوبر صالون منها حينزل فى شهر اكتوبر باذن الله .. وسعرها حيكون منافس وكويس

تحياتى

**elkorany** · 08-09-2012 03:58 PM

طالما الحج احمد قال يبقى هيحصل
كلامه أكيد كالمعتاد
عموما الأوفر برايس دى العادى بتاع المعارض
وسعرها حتى الأن 100 اوتو 95 مانويل
وربنا يكرمك ويكرمنا معاك

**a_bahaa14** · 08-09-2012 04:05 PM

يا باشا انا لسه مستلم العربية بعد انتظار شهرين وسالت لواحد صحبى عن الحجز قالولى فى اوتوايجبت الحى الثامن انها لسه بنفس السعر والاستلام فى شهر ديسمبر كحد اقصى وان الفئة الاعلى لسه مش عرفين هتنزل امتى بس هتكون فى حدود 110الف جنية تزيد الف او تقل الف واسف على الاطاله

**Land_Cruiser** · 08-09-2012 05:57 PM

المعارض دى بتبعت ناس تبعها يحجزوا و بيدفعوا مبلغ بسيط للحجز و ينتظروا شهرين تلاته و قبل الاستلام يكونوا ضبطوا مع المشترى و ياخدوا الاوفربرايس فى جيبهم يعنى بحسبه بسيطه يتضح انهم بيجيبوا ٨ آلاف جنيه فوائد عن الكام يوم اللى بعد الاستلام و طبعا لان الاقبال جامد عمر ما العربيه هتفضل عندهم و اكيد هيلاقوا اللى هيشترى منهم و مش قادر يستنى يعنى الفلوس اللى بيشغلوها فى الحكايه دى بتجيب ٨٪ شهريا يعنى ٩٦٪ سنويا غير مكسبهم من بيع العربيه اللى بياخدوه طبيعى و مفيش مخاطره اصلا و المشترى موجود و مضمون. تخيلوا بقى فى اى مشروع فى البلد ممكن يدخل مبلغ زى ده و قانونى ١٠٠٪ ؟؟ ماهوش حل غير المقاطعه و ان الناس تبطل سلبيه

**د.هشام** · 08-09-2012 06:13 PM

المشاركة الأصلية كتبت بواسطة szaalouk

يا جماعه العربيه سعرها ما زادش ولا حاجه و انا لسه حاجز من عند اوتو ايجبت في مدينه نصر
و الاستلام بعد 3 شهور بحد أقصي و الوصل مكتوب فيه ان المبلغ تحت حساب حجز العربيه و التسليم علي سعر بيع المصنع المعلن وقتها يعني لو زادت الف ولا اتنين لأن السعر المعلن النهارده 99900 للاوتوماتيك و لم يتغير حتي الان .
و سعر الكاش و التسليم الفوري في المعارض فعلا وصل 107 و 108 في بعض المعارض و ده من اقبال الناس عليها و كثره الطلب و التنازل و دفع الأوفر برايس و ده اللي خللي التجار تستغل الموقف و ترفع السعر بالمنظر ده لكن لو ممكن تصبر لمده الحجز حتاخدها بالسعر الرسمي للمصنع .