انا شايف ان السوبرتاج أكثر بشكل ملفت للنظر
انا شايف ان السوبرتاج أكثر بشكل ملفت للنظر
السبورتاج طبعا مش محتاجه كلام متفوقه بنسبه بكبيره
وممكن اجيبلك بالارقام من يوم ما العربيتين نزلوا :)
انا في الدلتا مشفتش قاشقاي ولا مرة لا المحلة ولا طنطا ولا المنصورة
شفت سبورتاج بتاع 20 مرة
الاسبورتاج تصميل و شكل
بس القشقاى خامات و تقفيل افضل بكتير حتى الكوتش كونتيننتال و الاستبن بريدجستون
القشقاى فى السويس قليلة جدا والسبورتاج فعلا انتشرت وعلى الكورنيش بدل الواحده 3 و4 كمان
وياريت السوايسة يدخلوا يأكدوا كلامى
والله بخلاف مكان إقامتى نحن ثلاثة سيارات سبورتاج فى نفس المكان مقابل واحدة قشقاى
والله ياجماعة الكلام ده مفيش فيه ادنى مبالغة
سبورتاج طبعا منتشرة اكتر بكتييييير !!
سبورتاج suv بجد
سبورتاج اكتر
ولكن القشقاي بردوا بتظهر قدامي بشكل ملفت وهي افضل من راي ..
بس السبورتج نزلت قبل القشقاي بفترة
أنا شخصيا بشوف سبورتاج أكتر
انا بشوف الاتنين
والله كل يوم عن الثانى يزيد أعجابى وثقتى بالسبورتاج وبمنتهى الأمانة والشفافية هى تعتبر صفقة رابحة لأى شخص يريد اقتناء سيارة محترمة بمعنى الكلمة والناس التى تريد التشكيك فى الخامات أحب أقول لهم لألألأ والله الخامات بسم الله ما شاء الله محترمة ولاتقل عن أي سيارة فى نفس الفئة بل من وجهة نظرى ومن خلال مقارنتى انا شايف مثل كثرين أخرين سواء خامات أوتقفيل مفيش أى ملاحظات تذكر
فعلا السبورتاج انتشرت عن القشقاي بفرق كبير
السبورتاج طبعا منتشرة أكثر..
بس it doesn't mean it's a better car عن القاشقاى :wink14:
الكلمة دى كبيرة أوى ياشهدى على compact-crossover؟؟!!!
ههههههههههههههههه
ربنا يباركلك فيها،
بس جودة الخامات والتقفيل دى حاجة مش بتبان إلا بعد سنتين-3..؟!! هتستحمل وتفضل بحالتها ولا لأ؟؟؟!!
ماينفعش تحكم عليها والعربية جديدة :colsmil:
- وأخبار البنزين 92 مع موتور GDi أيــــــــــــــه؟؟ ولا بتحط 95؟؟!!!
لو حضرتك بتتكلم عن الان هتلاقى ان فعليا الاسبورتيج منتشره اكتر من القشقاى بس خللى بالك ان الاسبورتيج نازله قبل القشقاى الاتوماتيك بفتره و القشقاى عندها المقومات اللى تخلليها تنتشر زى الماركه و الموتور و البنزين و التقفيل و الخامات و الكماليات و هى فعلا بتزيد يوم عن يوم و بقى عليها اوفر برايس و حجز شهور طويله و لو قشقاى كملت بالمعدل ده هتعمل مبيعات محترمه جداً . ده ما يقللش طبعا من الاسبورتيج كعربيه محترمه برضه و محققه مبيعات كويسه و لولا اختلاف الاذواق لبارت السلع و عايز اقول لحضرتك ان الانتشار مش بالضرورة معناه انها الاحسن فالسوق عندنا ليس بالنضج الكفايه و كمان لازم ناخد فى الاعتبار عوامل تانيه زى عدد المستعمل اللى هو كسر الزيرو المباع منها و نسبته قد ايه و ده عامل مهم لان المشترى قد ينبهر بالشكل مثلا و يتغاضى عن أشياء كتير لكن بعد فتره من التجربه ممكن تغير رأيها
صديقى العزيز أسمح لى ان أختلف معك
ما فى أى سلعة نجحت إلا وترتب عليها إقبال شديد من العملاء وهذا ما يساعد على انتشارها وهذا ما حدث مع سبورتاج
فأأكد لك وانا من مالكى هذه السيارة كل يوم يزداد اعجابى بها وأكيد بالطبع حالى حال باقى مالكيها وهذا ما ترك سمعة طيبة للسيارة لأن حتى هذه اللحظة وبفضل الله لا يوجد بها أى سلبيات بل بالعكس تماما خاصتا انها تحتضن موتور ما شاء الله عليه 140 حصان وفتيس 6 غيار وعزل ممتاز وخامات ممتازة وكمليات ألخ ألخ .............. وهذا بخلاف الشكل الذى لايختلف عليه اثنين وليس الموضوع موضوع شكل بس
والله انا لاأمدح هذه السيارة لآنى من مالكيها انما هى الحقيقة .....................وثمرة مقارنات دامت لآكثر من 6 أشهر
الوضوع الثانى ان السياره فى حالة إعادة البيع انت فاهم طبعا بتتباع إزاى وبتتباع بكام
وعلى فكرة انا عملت الموضوع ده علشان الإنتشار كان فى شخص ما وهو احد اصدقاء المنتدى له منى كل احترام وتقدير بيشكك فى هذا الموضوع ومكنش اقصدى ادخل فى مميزات او عيوب فأرجوا ان تتقبل مرورى هذا مع كامل احترامى لشخصك الكريم
اولا احب اشكر حضرتك على ردك و انا الحمد لله ليس عندى تحيز لاى سياره منهم و لذلك هدفى دائماً من مشاركاتى هو محاوله طرح الموضوع بطريقه محايده و ذكر المزايا و العيوب لافاده اللى سوف يقرأ الموضوع اللى ممكن يعتمد على رأيي و ايضا آراء الاخرين فى قرار الشراء فلذلك أضع المميزات و العيوب بأمانه لأن الموضوع اكبر من ان يكون دفاع عن اختيار حصل و خلاص انا قمت به لانى اللى هتحمل نتيجته فى جميع الاحوال لكن النصيحه موضوع تانى خالص يجب ان نتوخى فيه الحذر و ده كان تحديدا سبب تنبيهى لحضرتك فى المشاركه السابقه انه هناك عوامل اخرى يجب ان نأخذها فى الاعتبار غير الانتشار و ليس بالتأكيد لكى اشكك فى قدره حضرتك على الاختيار السليم و العياذ بالله و كمان لم اذكر اى مشاكل فى السياره او حاجه تعيبها و بالنسبه للموضوع اللى حضرتك ذكرته بتاع انتشار القشقاى انا كنت رديت فيه بالأسباب المنطقيه الللى بتساعد على انتشار القشقاى و برضه عايز اقول لحضرتك ان السوق مش قشقاى و سبورتيج بس يعنى مش لازم القشقاى تبقى قليله علشان الاسبورتيج تبقى كتيره او العكس لان فى اختيارات تانيه كتيره لنفس الفئه السعريه و ده يخللى الحسابات تختلف و ارجو انى اكون وضحت لحضرتك وجهه نظرى و بالمناسبه لو رجعت للموضوع اللى حضرتك كنت عامله اول ما استلمت عربيتك هتلاقينى كنت من المهنئين و احتمال اكون حتى من الاوائل على فكره :)
يا أخى العزيز والله كلامك وتنبيهك على عينى وراسى ووجهة نظر حضرتك وصلت من البداية
واعذرنى ان خاننى التعبير لم أقصد أى شئ على الأطلاق ولا أقصداشكك فى كلام حضرتك ولاكن يمكن يكون الحوار اخذنى فى سكة ثانية
وتهنئة حضرتك على راسى من فوق - ومردودة ليك ان شاء الله فى حالة شراء السبورتاج .........هههههههههههههههههههه ههههههه - يارب متكنش زعلان
واقبل تحياتى لشخصك الكريم وياريت نتقابل فى مقابلة الرحاب اذا سمحت الظروف ان شاء الله
انا شايف فعلا السبورتاج من العربيات الجميله و كفايه ان اللى راكبينها ناس زى العسل ( :
السبورتاج انتشارها فى الشوارع اكتر من القاشقاى بشوفها اكتر الصراحه
كيا سبورتاج منتشرة أكثر طبعا
و عربية محترمة و أثبتت نجاح في السوق المصري بشكل واضح جدا علي سيارات أخري منافسة في نفس الفئة
أكثر من صديق أعرفه حاولت أقنعه بالقاشجاي لأني شخصيا معجب بيها جدا لكن أتفاجئت بأنهم مايعرفوش عنها حاجة و لا يعرفوا أنها ياباني من نيسان .... ههههههههههه
طبعا السبب في عدم المعرفة بها هو عدم أنتشارها و عدم عمل دعاية مناسبة و مكثفة لها من قبل الوكيل
اعتقد مبيعات الاتنين في اخر شهرين متساويه
مع انى من الاشخاص المالكيين للسيارات اليابانى الا اننى اقف مع السبورتاج واحب ان اوضح ان حجم الانتشار ليس بالضروره دلاله على جودة السياره لان الموضوع مرتبط بعوامل كتير جدا ومثال ذلك السيارات الفولفو والساب..الخ الغير منتشره فى مصر
ولكنى اجد بصفه عامه ان السبورتاج والقشقاى سيارتين مثاليتين للاجواء المصريه
اهم اسباب عدم انتشار قاشقاي اننا شعب بيحب المنظرة
السبورتاج شكلها اكبر وافخم وتصميم احدث
قاشقاي شكل قديم واتعملة فيس ليفت وحجمها اصغر
تاني حاجة الكمية المتاحة لمصر من قاشقاي اقل من كيا عشان مصنع انجلترا علية طلب كبير جدا وبيصدر لكل اوروبا بجانب بعض الدول
لكن اسبورتاج موجودة كتير
ياريت يا حسام باشا تجيبلنا فعلا الارقام لأنى اول واحد عاوز يعرف :wink01:
جبت الخلاصة يا كريم باشا ..
انا سوقت القاشقاى المانيوال 1600 فى مصر ولولا انى سوقتها بنفسى .. كان زمانى مستمتع بسواقتى لعربيتى السبورتاج 2400 سى سى AWD فى السعودية دلوقت
واقر واعترف ان السبورتاج الجيل الثالث ملفتة للنظر اكتر فى الشوارع من القاشقاى ومن الاخر لولا تصميمها الجديد كان زمان مصيرها مصير الجيلين الاول والتانى اللى اتحدى حد انه يعرفهم !!!!!!
بالنسبة للابعاد فده انا اتناولته بالتفصيل فى الموضوع التالى:
http://www.nilemotors.net/Nile/305536-a.html
وفعلا السبورتاج اطول من القاشقاى ب108 مللى (10.8 سم)
واعرض ب72 مللى (7.2 سم)
واعلى ارتفاعا ب20 مللى (2 سم)
وقاعدة العجلات اطول ب10 مللى (1 سم)
لكن الخلوص الارضى للقاشقاى اكبر من السبورتاج ب16 مللى (1.6 سم) 188 مللى مقابل 172 مللى تحديدا
وده يفسر ضخامة حجم السبورتاج بالنسبة للقاشقاى
وكلنا فى انتظار الجيل الثانى من القاشقاى المقرر طرحه فى 2014 باذن الله للمنافسة بقوة ...
وفعلا لولا الضغط الشديد على مصنع نيسان بانجلترا الخاص بالقاشقاى فقط على مستوى العالم لكانت تملأ شوارع بلدان كثيرة ومنها مصر طبعا
والجدير بالذكر ان كيا مصر مشترطة على كيا الكورية عدم توريد سبورتاج بمحركات ال1600 سى سى للخليج بتاتا كنوع من الاحتكار وللتحكم فى سعر السوق المبالغ فيه (معلومة مؤكده من توكيل كيا الجبر بالسعودية)
لأ أهم حاجة ان حضرتك شرفتنا ومرورك على هذا الموضوع انا أعتبره شرف لي
وبعدين الحمدالله وبفضل الله اخذنا من حضرتك اعتراف عظيم ان السبورتاج اكبر وافخم وتصميم احدث
وهذه شهادة نعتز ونفتخر بها خاصتا عندما تكون من شخص بحجم وثقل حضرتك والكلام ده يزيد من قدر وقيمة العربية
وكان نفسى حضرتك تشرفنا اليوم فى الرحاب علشان اتعرف على حضرتك و يارب الظروف تسمح واكون معاكم فى راس سدر
ولك منى كل تقدير واحترام
أنا بس عايز احيكم على طريقة الحوار اللي تنم عن أدب فوق العالي
هي ده الطريقة اللي الناس كلها لازم تتعلمها
بجد طريقة الحوار تدل على انكم على اعلى مستوى من التربية
وبغض النظر عن الحوار على إيه فـأنا كان لازم اقوول شكرا
السبورتاج زادها شرف إن واحد محترم زي اقتناها
وال قشقاي زادت شرف إن واحد محترم دا فع عنها
وال رأي بتاعي
السبورتج عربية محترمة جدا
أنا جبت بيها 180 وكنت بجري مع شيروكو وميني كوبر (أكيد ماكانش اخرهم)
عيوبها سحب بنزين اعلى من المتوسط
بنزين 95, مفيش زنون
مميزات القاشقاي
115 حصان كفاية ل داخل المدينة
السقف بصراحة عجبني إنه مش بيتفتح
الزنون
تقبلوا مروري
استاذ /أحمد
أشكرك على مجاملتك الرقيقة
بالنسبة لموضوع البنزين انا استخدمت بنزين 92 ولم اشعر بأى فر ق يذكر ولذلك استمريت عليه حتى الآن
وبعدين موضوع الأستهلاك انا كتبت عليه أكثر من مرة ولاكن لك تجربتى الأخيرة
فولت السيارة يوم الجمعة الماضية (لقاء كيا فى الرحاب) وانتقلت من السويس إلى الرحاب والعوده
يوم السبت من السويس إلى مصر الجديدة (روكسى) والعوده
وحتى هذه اللحظة بسم الله ما شاء لم أذهب لمحطة بنزين وما زال العداد فى الربع (تحت طبعا) والكيلو متر المستهلك 510 كم فما تعليقك - نسيت أقول لك لم أفصل التكييف بتاتا و متوسط السرعة 120كم
هى سبوتاج اكتر انتشار بس قشقاى احسن واقوى
اعتقد ابتدى يبان انتشار السبورتاج اكتر اليومين اللى فاتو فى مصر
السبورتاج
هو طبعا سبورتاج لتصميمها الرائع ولكن قاشقاى سياره مظلومه ككثير من السيارات اليابانى
ـــــــــــــــــــــــــ ـــــــــــــــــــــــــ ــــــ
http://i1283.photobucket.com/albums/...psd49ff47a.jpg
طبعا ال sportage منشرة اكتر بكتيييييييييييييييييييييي يييييييييييييييير