واثق بإذن الله ومتأكد انك فى يوم من الايام وهنا فى المنتدى برضه هاتيجى تقول شكرااااااااااا لنيسان على حل المشكلة ونفس الكلام ده قولته لحبيبنا احمد fbi لما اشترى عربيته من سنة وكام شهر تقريبا وعرض مشكلته النادرة وقتها وقال اكتر من كلام حضرتك بمراااااااااااااااااحل ولو حابب ابعتلك لينك الموضوع .. انا تحت امرك
بس العملية فى الاول والاخر مسألة وقت وصبر واكيد كل واحد منا له طاقة ... ربنا يكون فى عونك ويقويك..
وياريت حضرتك تروح بنفسك بعربيتك لاتوايجيبت او أى توكيل غيره وتركب الجلبة الحل المؤقت وتشوف فيه تغيير ولا لأ
لأنه مش معنى انه حل مؤقت فشل مع احد الاعضاء يبقى تحكم مسبقا انه هايفشل مع حضرتك بدون التجربة
وان كنا هانحسبها كده .. يبقى المفروض ان كل العربيات الجديدة تزيق ويظهر بيها العيب طالما الحل هايفشل 100%
وبعدين اسمحلى يعنى .. تعمل ايه لو حضرتك شارى عربية زيرو 2011 ب84500 ج وقسط بنك بفوائد 5 سنوات وفى اول يومين وبعد ما العداد وصل 200 كم بالتمام والكمال وانت بتركب عربيتك تلاقي بقعة زيت تحتها ولما تروح التوكيل للكشف يفكوا الفتيس !!!! ويغيروا جوان وبرضه كمان كام يوم تلاقيها جابت زيت وعلى مدار عدة اسابيع يتم اخذ القرار بتغيير الفتيس المانيوال فى الضمان بواحد جديد !!!
والعيب ده واحد فى 80.000 عربية مجمعة محليا من الصنى القديمة بيعت على مدار 7 سنوات اكتر من نصفهم فى اخر 3 سنوات بسسسسسسسسس !!!!!!!!!!!!!
وصاحب المشكلة دى موجود معانا ورد على حضرتك تحت ومش بس كده غير مساعد خلفى وعلبة دركسيون ولحد النهاردة بيعانى من حدفة العربية شمال ..
حبيبى يا ابو حميد Ahmedfbi :36_3_10[1]:
الله عليك يا ابو حميد .. ما تحكى مغامراتك عشان اللى عنده حاجة بسيطة زى كده يحمد ربنا
وبعدين تزييق مساعدين الصنى الجديدة هاييجى ايه فى مشاكل ضفيرة الصنى القديمة !!!!!!
مع الفارق الضفيرة ب4500ج والجلبة مش هاتكمل 50ج ..
ههههههههههههههههههههه اكيد هايحصل ثورة ومظاهرات واعتصام بالعربيات قدام باب المصنع
على فكرة فى السعودية الصنى نازلة بنفس الكاوتش ماكسيس
والقاشقاى نازلة ببريدجستون بولندى !!!
الصنى على مستوى العالم قديمة وجديدة بتنزل بدون فلتر تكييف ودى سياسة عليا لنيسان ورئيسها كارلوس غصن من اول ما مسك فى 1999 والخلاصة توفير نفقات انتاج بدون التأثير على المنتج النهائى وده فى كل موديلات نيسان مش الصنى مع اختلاف نوعية تلك المكونات
والتفاصيل والمصدر هتلاقيه فى موضوع عملته من فترة وتحديدا فى الصور رقم 16 و 17
http://www.nilemotors.net/Nile/303266-a.html
================================================
بصراحة فى الاخر .. اتفق مع كلام احمد tv فى عيوب الصناعة الموجودة فى كل عربيات العالم محلى او مستورد واللى ظهر منها فى مصر وما بطن
وكل العربيات المجمعة فى مصر فيها عيوب من اول ال128 والشاهين (اللى كنت تفتح شنطتها تلاقى باروما فى الحوض وثمنها وصل ل 70 الف ج !!!) لحد مرسيدس وبى ام دبليو (فعلا مشكلة صوت التزييق فى الكنبة لأن الفرش موبيكا وفوم وبلاستيك على شاسيه معدن وبيجى متقفل كرسى كامل على خط الانتاج عالطول فوارد انه يظهر عيب ما)
والسيراتو والهيونداى فيلوستر اللى اغلب جنوطها ال17 بتعمل بلالين واقل ثمن لفردة الكاوتش 1000ج ده غير حوادث السيراتو قبل ما يتم تعديل العفشة ومقاس الجنوط وسرقتها من بعد الثورة لحد دلوقت رغم ان فيها اموبلايزر (حصريا فى مصر)
والريو الجديدة اللى مشاكل استهلاكها البشع للبنزين وترزيع فى العفشة مالية المراكز وحماية المستهلك
ومشاكل كتير جدااااااا لماركات هيونداى وشيفروليه وفولكس فاجن (جيتا وباسات تحديدا) وتويوتا (الله يرحم فتيس mmt ومشاكل السوفت وير فى الكورولا علاوة على مشكلة دواسة البنزين والفرامل اللى ظهرت فى امريكا)
..........................الخ
يعنى قضى أخف من قضى .. والحمد لله على كل شىء