تقرير عن تجربة نفتالين +بنزين 80 بيجو 605 1998

**mohamedadelemam** · 08-09-2012 03:24 PM

السلام عليكم..انا معايا بيجو 605 موديل 2000 سىسى1998 بموتور زى بتاع ال406 القديمة...وشاروا عليا باستعمال النفتالين مع بنزين 80 وهيعلى الاوكتان واوفر فلوس عن 92...مع التجربة لأول شهر كانت رائعة ويمكن اداء السيارة كان افضل من 92 كمان..لكن مع الوقت خد عندك..انسداد فى الرشاشات بطريقة غبية وفكيت ونظفت ..وبعد كدا ضعف فى طرمبة البنزين وحطيت لها زيت باور والحمدلله نفع..وفى الآخر السيارة بقى ادائها زى الزفت جدااااا ومش فاهم ليه وبتطفى وتزود سرعة لوحدها وبالصدفة فصلت فيشة حساس الشكمان فاتظبطت نسبيا..لكن يظل الدخان الاسود وحاليا استهلاك بنزين فوق الخيال بتاع 100 كم للصفيحة ببنزين 92...وحتى انا مش عارف افك الحساس دا وياعالم هلاقيه ولا لأ..نصيحة منى يا جماعة بلاش حد يضحك عليكم ويقولك نفتالين وجرب 80 وانت نسبة الانضغاط عندك متنفعش.وياريت نصيحة من خبراء ال406 اعمل ايه فيها او افك ازاى حساس الشكمان وهل بيتباع؟

**beshomilan** · 08-09-2012 04:10 PM

مع ان ناس جربته وقالت كويس!!!
ما يمكن المشكله عندك من قبل ماتستعمله!!وظهرت فى نفس الوقت اللى انت بدات تستعمله فيه فربطت مابين الاتنين

**rotanamasoud** · 08-09-2012 04:37 PM

مفيش حد جربه وقال انه كويس(الاداء بس) غير كده دمار للمكنه واحد جربه فى دايو زيرو وعمر بعد سنه ولاقى الموتور من جوه مخرم (نقر) من الزفت النفتالين وكمان غير التنك لانه بوظ التانك

**MohammedAladel** · 08-09-2012 05:54 PM

حدش يتعلم بلاش

**mohamedadelemam** · 08-09-2012 06:19 PM

يلا الحمدلله انها جت على كدا..اللى هنوفره فى 80 هيطلع علينا فى العمره

**Shiref_mohamed** · 09-09-2012 09:31 AM

قدر الله وماشاء فعل

**mohamedadelemam** · 09-09-2012 01:14 PM

الحمدلله ان الموتور طلع كويس وسليم..بس ارجو خبراء بيجو 406 عايز اعرف منين اجيب حساس شكمان..سألت عند بتوع دمشق مش موجود واعتقد الحاجات دى متنفعش استعمال

**waleedabbas** · 09-09-2012 05:52 PM

سالت عند مين في دمشق ؟ غزال و عمران ؟
عموما لو مفيش خالص في دمشق شوف ابو اليزيد بتاع الشكمانات ومركز صيانة احمد عمارة

**mohamedadelemam** · 09-09-2012 09:45 PM

شكرا وجزاكم الله كل خير

**mbx4e** · 10-09-2012 12:59 AM

في شارع رمسيس جنب نزله كوبري معروف جنب معرض توكيل الرواس بتاع ميتسوبيشي هتلاقي محل اسمه حاجه ادوارد ( مش فاكر بصراحه) بس المحل دا بتاع رفايع صغيره بس بيقفلوا الساعه 5 العصر
عندك المسيري في شارع مجلس الامه والفرع التاني امام معهد التعاون في شارع المبتديان موازي لشارع القصر العيني
وعندك رضا عشماوي في شارع دمشق

الموضوع: تقرير عن تجربة نفتالين +بنزين 80 بيجو 605 1998

LinkBack

أدوات الموضوع

عرض

-

-

-

-

المواضيع المتشابهه

بيجو 405 موديل 1998

بنزين اكسنت 1998 كام ؟

تفويلة بنزين 95 (Audi A4 1.6 Auto 1998)

معروض عليا بيجو 405 1998 مصرى

نفتالين بلي + بنزين 80 = بنزين 90

الكلمات الدلالية لهذا الموضوع

المفضلات

المفضلات

ضوابط المشاركة