السلام عليكم

انا روحت التوكيل النهارده عشان عندي تسريب في دوره التبريد والمياه بتقل ومكنش عندي اي شكوي تانيه انا عربيتي 320i 2007 ، المهندس في التوكيل جعلصلي الدنيا وطلعلي لسته بحاجات في العربيه عاوز يشتغل فيها ويعملها الحاجات هيا دي

صيانه زيت ١٠٠٠٠ كيلو ٥٧٠ جنيه
فلتر هواء ٣٠٠٠٠ كيلو ٢٥٠ جنيه
بوجيهات كل ٦٠٠٠٠ كيلو ٦٥٠ جنيه
زيت فرامل كل سنتين ٣٠٠ جنيه
سير دينامو ٦٠٠٠٠ كيلو ٥٠٠ جنيه
اختبار كبس لدوره التبريد ٢٥٠ جنيه
فلتر بنزين داخل التانك كل ١٠٠،٠٠٠ كيلو ٢٠٠٠ جنيه
٢ مساعد امامي + ٢ بطاحه + استعدال ركب + زوايا ٦٥٠٠ جنيه
جوان غطاء تاكيهات ١٠٠٠ جنيه
جوان قاعده فلتر زيت ١٥٠٠ جنيه
تيل فرامل امامي ١٤٠٠ جنيه
ديسكات امامي ١٦٠٠ جنيه
تيل فرامل خلفي ١٤٠٠ جنيه
ديسكات خلفي ١٦٠٠ جنيه
كاوتش ران فلات ٤ x ١٤٠٠ جنيه
طبعا انا مغيرتش كل دا ومكنتش حتي بشتكي منهم بس علي كلامه انه الحاجات دي بتتعمل بطريقه دوريه وفيه ناس نصحتني اني معملش اي حاجه من الحاجات دي غير تغيير زيت الموتور والفرامل وسير الدينامو بس وباقي الحاجات يا تعملها علي مهلك بالترديج يا اما تعملها لما تشتكي منها زي المساعدين والبوجيهات وفلتر البنزين وكدا وبالنسبه لجوان غطا التاكيهات وجوان قاعده فلتر الزيت نصحوني مغيرهاش خالص عشان مفكش وش السلندر حتي لو في التوكيل
مع العلم اني لسه شاري العربيه من اسبوعين بس
طبعا انا محتاج اعرف راي احسن بيمرز في مصر وتنصحوني بايه