تمام جدا وشكرا جزيلا يا جماعة. لو فيه اقتراحات تانية يا ريت تقولولي
تمام جدا وشكرا جزيلا يا جماعة. لو فيه اقتراحات تانية يا ريت تقولولي
أنا بستفسر عن اللوجان اليومين دول. ربنا يقدم ما فيه الخير
لما تفكر تشترى عربية لازم تفكر فى سعر أعادة البيع ....
الرينو و العربيات الأوروبى عمومآ سعر أعادة بيعهم فى بلدنا مش كويسة ....
أنا كنت فى نفس حيرتك دى ....
و سئلت ناس كتيييييييييير بيفهموا فى العربيات أحسن منى بمراحل ....
كلهم نصحونى أنى أشترى عربية ليا وللسوق ....
و السوق المصرى النهاردة بيعشق العربيات اليابانى والكورى ....
حضرتك مادام بتحب العربيات الهاتشباك ... لية مش بتفكر فى الكيا بيكانتو الجديدة؟؟!!
New Kia Picanto new video 2012 - YouTube
الهاف أوبشن بحوالى 73000 جنية و يمكن تكون زادت لأن العربيات كلها غليت اليومين دول ....
قرار شرا عربية جديدة من أسخف ما يمكن بس بردوة خليك فى الكورى وبلاااااااااااااش تجيب مستعمل ....
يغوووووووووووووور المستعمل بقرفة ....
ربنا يوفقك ....
بغض النظر عن حتركب ايه
بس انا داخل اباركلك يا باشا
معلومه صغيره كده
قطع غيار البيكانتو اغلى من قطع غيار الرينو (لوجان أو سانديرو ) سواء وكيل او بره التوكيل
أولا متشكر جدا للنصيحة المهمة
وأنا معاك بس بصراحة في موضوع إعادة البيع بس حجم البيكانتو صغيرة بشكل مش طبيعي في نظري ولما بصيتلها هي والسانديرو جمب بعض لقيت في فرق كبير. أبسط حاجة الـ سي سي هنا 1200 وهناك 1600 والفلوس المدفوعة هي هي
عاجبني جدا إنك بتفكر زيي أسيبني من المستعمل
ربنا يكرمك يا محمد باشا. دايما ذوق وصاحب واجب
وبما إنك جيت برجليك أنا عايز نصيحتك انت بالذات يا كبير في حاجة تانية: تجيب عربية زيرو وانت بقالك سنين ما بتسوقش ولا تجيب مستعمل تخبط فيه بس انت في الغالب هتكره نفسك وتبقى قرفان في عيشتك لو جيبته؟ المستعمل هيبقى 127 أو 128 والجديد أنا بتعلمله كدة كدة دلوقتي عملي من أول وجديد
شكرا يا باشا. ومن ناحية تانية، بصيت على صيانات اللوجان والسانديرو لقيتها غالية شوية بس مش الغلو الفاحش يعني. قطع الغيار الله أعلم. انتو تفيدوني فيها
سيبك من كلام التجااااار و الميكانيكية بيشتموا فى اللوجان و خلاص انا انهاردة لسة سامع كلام غريب و كله ينم عن جهل شديد بالعربية
رايي الشخصي طالما انت طلبته
المستعمل بقي مضمون عن الجديد علي الاقل عيوبه اتعرفت واتحلت
فمن رايي تجيب حاجه مستعمله وتكون قطع غيارها رخيصه واي حد شغال فيها
عندك بقي الفيرنا واللانوس والنوبيرا
ال127 وال128 قطع غيارهم اغلي من قطع غيار اللانوس
ولو انت مخبطتش بالعربيه اللي حواليك حيخبطوك برضه او حيجرحولك العربيه
اتوكل علي الله وهات حاجه كويسه تعيش معاك
وطالما معندكش مشكله من ركوب مستعمل
يبقي هات مستعمل موديل عالي وحاله نضيفه
ووفر جزء من فلوسك ينفعك في حاجه تانيه