عرض للطباعة
انا معايا بولو2001 وكانت طرمبة الباور بتزن وصوتها عالى المهم مكدبتش خبر وجبت واحدة جديدة زيروه وركبتها وتمام وبعد يومين الطرمبة الجديدة بدءت تزن بس زنة خفيفة قولت يا واد متحطش فى بالك وبعد كده الصوت بيعلى لحد ما بقى مزعج اوى بعد اسبوعين ولأنى جايبها جديدة ومعاها ضمان رجعتها وجبت واحد تانية جديدة برضه وركبتها ومن اول ما ركبت وهيا بتزن والميكانيكى قالى ان الطرمبة بايظة برده وعلى فكرة الراجل فى كل مرة بياخد الهوا من الدايرة وانا مش عارف اعمل ايه افيدومى ربنا يباركلكم !!!!!!!!!!!!!
و الله الحوار دة مؤرف جدا و موضوع الزن دة مش عارف من ايه فى حاجه غلط احنا مش عارفينها حصل معانا الحوار دة فى عربيه باسات موتورها باظ و كان عليه الطرنبه شغاله ميه ميه و لما سقطنا موتور تانى كانت طرنبته بايظه قلنا مفيش مشكله نحط الطرنبه القديمه كانت شغاله تمام التمام ركبناها لقيناها بتزن هيا كمان يعنى بمجرد الفك و التركيب بدات تزن يعنى الموضوع مش موضوع حاله الطرنبه موضوع فك و تركيب صح
شوفها استعمال بس ابعد عن المنصوره حراميه بيبيعوها ب350
انا جايبها من اسكندريه ب250 وشغاله الحمد لله تمام وحطيت زيت ابيض العلبه ب50 جنيه
انا حاسس انه بنسبة 90% صوت الزنة ده هوا بيخش الدايرة باستمرار طيب السؤال هنا بيخش منين والجواب اننا لما بنفك الطرمبة ونركب واحد تانية بنفك خرطوم السحب والطرد وخرطوم الطرد ده بيبقى مسمار مفيش منه ضرر يتبقى خرطوم السحب لانه بيخش فى الزور وبيركب عليه افيز وده اللى انا شاكك فيهاقتباس:
المشاركة الأصلية كتبت بواسطة alzelafy
اتأكد ان الطرمبه وهي راكبه والسير مشدود عليها تكون على خط واحد من غير اي لوحات بسيطه علشان الملي بيفرق وبيبوظ الطرمبه والسير وحجات تانيه كتير حصل معايه وحطينا ورده صغيره على نفس الطرمه ورجعت زي الاول واحسن
احتمال كبير يكون عندك خرطوم من خراطيم الزيت متنى او مكسور راجع كل الخراطيم اللى واصله للطرمبة
السلام عليكم
يا ترى اية الاخبار هلى المشكلة اتحلت وعرفت ايه سبب الزنة لان المشكلة دى عندى ومش عارف ايه حلها
بص حضرتك هو انا رحت لعفشجى ابن حلال وعنده صبر وبيشغل دماغه فتح الطرمبة القديمة الالمانى وفتح الجديدة الصينى وطبعا فى فرق واضح جدا المهم بعد ما فك الطرمبتين حتة حتة وغسل القديمة بالبنزين تمام اخد من الجديدة الكامة اللى ريش الطرمبة بتلف جواها واخد كمان بلف وبستم صغير خالص بالبلية بتاعته بسوسته صغيرة خالص وركبهم فى الطرمبة القديمة الالمانى لانه كان معجب بيها وبصراحة هيا تستاهل.
http://12v.org/urs/LowPressureVanePumpSideOfPSpump.jpg
لحد كده انا مش مقتنع بحاجة لانه باللى عمله ده كانت الجديدة تشتغل من غير ما تزن فانا طلبت من انه يفك القربة بتاعت الزيت هتلاقى جواها فلتر معرفش يفكه قلتله يكسره وينضفه بالبنزين وبعد كده خليته يحضر الطرمبة وهيا على المنجلة قبل ما يركبها بحيث يحطلها زيت ويلف الطنبورة بايده وهتلاقيها تطلع فقاقيع من الناحية التانية لحد ما تحس انها اتملت من جوه بزيت الباور وده اللى انا كان نفسى اعمله من زمان بس مكنش فيه عفشجى راضى يسمع كلامى وكل اللى عندهم الطرمبة بايظة يا استاذ واحلفلهم انها جديدة يقولوا وماله كل الصينى كده وانا زى ما قلت قبل كده ان دى تانى واحدة جديدة وكويس ان الراجل وافق يرجعها مره قبل كده مش معقول كل اسبوع هروح ارجع للراجل طرمبة واخد واحدة جديدة وغير انى اساسا مش مقتنع انها بايظة
المهم بعد كده ركبها ووصل الخراطيم وحط الزيت فى القربة ودور الموتور ولف الدريكسيون يمين وشمال والحمد لله بسم الله ما شاء الله الله اكبر مزنتش بفضل الله
السلام عليكم
اللي حضرتك تقصده والواضح من الكلام اني اخلي العفشجي يفك الطرمبه والخراطيم والقربه وينظفهم وان الطرمبه سليم ومحتاجه صيانه فقط صح كده
بص حضرتك طالما الدريكسيون ناعم فى ايدك يبقى الطرمبة بتؤدى وظيفتها حتى لو بتزن انما لو الزنة مضايقاك فحاول تخلى العفشجى يعملك الحوار الطويل ده بس مفيش عفشجى عنده صبر يقعد معاك ساعتين واسهل حاجة عنده الطرمبة بايظة هات واحد جديدة ولو جبتله وزنت تانى هيقولك الطرمبة بايظة هتقوله دى جديدة هيقولك جديدة بس صينى هات واحدة استيراد احسن وتلف فى دوامة ملهاش نهايةاقتباس:
المشاركة الأصلية كتبت بواسطة ahmed mubarak
اقتباس:
المشاركة الأصلية كتبت بواسطة elbaz45
:Ta_clap[1]:
معلش انا أسف جدا في طلبي
ممكن حضرتك تشرح تاني بتفصيل اكتر وتوضيح اكتر
لأني مافهمتش بالظبط حضرتك عملت ايه
انا كمان عندي الطرمبة بتزن ومش لاقي حل فيها
يا خبر ابيض يا بشمهندس سيد ده انت تؤمر يا كبيراقتباس:
المشاركة الأصلية كتبت بواسطة syd
بص يا هندسة انا طرمبة الباور كانت بتزن ومع ذلك الدريكسيون ناعم روحت لعفشجية وميكانيكية المانى قالولى الطرمبة بايظة وبالفعل غيرتها بواحدة جديدة قعدت يومين وزنت ولفيت تانى على العفشجية والميكانيكية وقالولى برضه العيب فى الطرمبة ولما زهقت غيرتها تانى بواحدة جديدة تانية وبرده زنت وقالولى دى الطرمبة برضه بايظة فطبعا بما انى مهندس ميكانيكا "مش حلاق" يستحيل 3 طرمبات يطلعوا بايظين
وتحليلى الشخصى ان الزنة كانت بسبب هوا فى الدايرة وانك تفك الطرمبة وتحضرها بره وتتأكد انها اتملت زيت وبعد كده ركبها فى العربية وطلع قربة الزيت ونضف الفلتر كويس ولو معرفتش اكسره وريح بالك وتأكد من الخراطيم وخصوصا خرطوم السحب
ونصيحة متسمعش كلام الصنايعية لان فى واحد قالى العيب فى الاسكاترا ونفك ونشوف بس انا لقيته هيعورنى فى مبلغ ومدخلنى فى حتة تانية ونفضتله
فانت جرب وان شاء الله مش هتزن معاك
ربنا يخليك الأمر للهاقتباس:
المشاركة الأصلية كتبت بواسطة elbaz45
يعني قصدك افك اللي عندي دلوقتي واملها زيت وهي برة واركبها تاني ؟؟؟
ولا اشتري واحدة جديدة ولو زنت ابقي اخرجها برة ؟؟؟
انا شاكر جدا ليك علي الرد
انا حالياً الدريكسيون عندي خفيف (باور) بس الزنة واكله دماغي جدا
معلية صوت العربية مخلياها نص نقل
والله عاذرك جدا جدا لانها كانت عاملة معاية كدة بالظبط وكانت مكرهانى فى العربيةاقتباس:
المشاركة الأصلية كتبت بواسطة syd
ويمكن مش هتصدقنى لو قلتلك انى بالفعل كنت بدأت اعرضها للبيع لانى عجزت مع الطرمبة "اصلى كنت هعمل ايه اكتر من اللى عملته"
ونصيحتى ليك هات طرمبة استيراد وحاول متدفعش فيها اكتر من 250 ج واكد على اللى هتشتريها منه انك هتجربها ولو فيها حاجة خلال يومين هتاخد غيرها ومصنعية تركيبها حوالى 30 ج يبقى مسكنا العصاية من النص وفى نفس الوقت مخسناش كتير
انا بالفعل اللي راكبة دي تالت طرمبة اجيبها - وكلهم جبتهم ب 250 جنيهاقتباس:
المشاركة الأصلية كتبت بواسطة elbaz45
هي راكبة دلوقتي بقالها حوالي سنة - اكيد طبعا اتاكلت من جوة
ولا اجرب فيها ؟؟
بص يا بشمهندس سيد للصورة كويس وخصوصا الجزئين اللى فى النص الكامة و vane blades
http://www.corvette-restoration.com/...rebuild/13.JPG
اللى بيبوظ فى اى طرمبة باور هيا الكامة لان vane blades بتحف فيها طول ما الطرمبة شغالة وده بيعمل مطبات فى الكامة من جوة تلاحظها بعنيك او لو مشيت صباعك عليها من جوة
واى طرمبة اشتغلت كتير حتى لو سليمة لازم تكون الريش عملت مطبات فى الكامة دى وعلشان كده انا مجبتش طرمبات استيراد قبل كده
وفى نفس الوقت كتير اوى 550ج ثمن الطرمبة الجديدة ده غير 50ج زيت باور بخلاف المصنعية والمصيبة بعد كل ده تلاقيها بتزن ومحدش عارف يعملك حاجة وطبعا الجديدة مش هترجع زى الاستيراد انما ممكن بشوية مقاوحة تاخد غيرها
وربنا يوفقك ان شاء الله وانا معاك وتحت امرك فى اى استفسار