الموضوع: البوجيهات

المشاركة الأصلية كتبت بواسطة semsem kane

البوجيهات بتتغير طبقا للحالات دية :

1- لو لقيت نتشة فى العربية او تأخر فى الدوارة

2- سحب العربية بقى تقيل شوية , والعربية مابتجريش كويس خصوصا على السرعات العالية

3- وجود رائحة بنزين نى , وخصوصا اثناء تسخين السيارة صباحا بيكون واضح قوى , وبيكون عامل زى رائحة البيض الفاسد

4- وجود دخان اسود بيطلع من الشكمان مع الحرق

* ازاى بقى تعرف ان البوجية عايز يتغير لو هو فى ايدك :

1- لو البوجية طلع مهبب اسود على الشمعة ودة بيمنع الشرارة انها تكون بالقوة الكافية

2- لو البوجية لونة محمر : ودة معناة ان البنزين بتاع العربية وحش وطبعا بيبوظ البوجيهات

3- لو البوجية طالع علية بنزين مش محروق يبقى كدة خلاص البوجية دة شرب بنزين ولازم يتغير

4- العمر الافتراضى للبوجية :

1- البوجيهات العادية 1 شمعة : 10000 الاف كيلو

2- البوجيهات ال2 شمعة : بتقعد 20000 الف كيلو

3 -البوجيهات البلاتينيوم : بتقعد 60 الف كيلو

4- البوجيهات الايريديوم : بتقعد 80 الف كيلو

افضل انواع بوجيهات ( ngk - denso ) وكل سيارة وكل محرك ولية كود بوجيهات معين لازم يتجاب عشان تتوافق الشرارة الناجمة من البوجية مع قوة المحرك

- فية ناس بتلجأ انها تعمل adjust لسن البوجية بعد 5000 الاف كيلو او وهو جديد عشان يسرعوا حرق البوجية وطبعا لية مقاييس معينة حسب المانيوال بتاع كل سيارة

+ 1111111111

+انك كل فتره هتطلعهم تنضفهم طبعا علشان النزين المنتن اللى عندنا ده

^_^

المشاركة الأصلية كتبت بواسطة moh_rayan

بمناسبة البنزين
فى عندنا بنزينات زى الفل بتبيع ال 90 على انه 92 و ال 92 على انه 95
فين البنزينات الموثوق فيها فى مدينة نصر او مصر الجديدة

بنزينه شل فى شارع مصطفى النحاس موثوق فيها

او بنزينه وطنيه بردو موثوق فيها

^_^

المشاركة الأصلية كتبت بواسطة moh_rayan

شكرا يا احمد باشا
شكلك من مدينة نصر

لاء يا باشا من الهرم

^_^