غدا بإذن الله يحتفل الباش مهندس سبعاوي و يحتفل معه أعضاء نايل موتورز بعيد ميلاده ال... و لا انا مالي ياخويا قول انت لو عايز

الموضوع ده مش معمول عشان سبعاوي عضو مجلس الإدارة أو بصفته أحد مؤسسي نايل موتورز.. انما عشان أخونا سبعاوي اللي وقت ما نحتاجه بنلاقيه و بيبقى جاهز دايما لأي سؤال او مساعدة من أي عضو في المنتدى :)

انا بانوه بس عشان ماحدش يقول ان ده موضوع معمول مجاملة لأحد أعضاء مجلس الإدارة و ابص الاقي الموضوع راح في الوبا.. إوعى حد يمد إيده ع الموضوع ده

بالرغم من اني معرفش سبعاوي إلا من خلال مشاركاته في المنتدى و خصوصا مواضيعه الساخرة اللي معرفش بقاله فترة حارمنا منها ليه و خصوصا كلمة و نص.. إلا اني لمست فيه إنسان جدير بالاحترام و ما يتخيرش عن باقي أعضاء مجلس إدارة نايل موتورز :)

عايزين كلنا نشارك سبعاوي في عيد ميلاده و نقول له: كل سنة و انت طيب يا باش مهندس