افضل شيروكى قديم

**michaelsamir** · 10-09-2012 12:55 AM

بعد التحية لجميع الاعضاء ..

عايز اعرف افضل جيب شيروكى قديم .. موديل 97 أم 98 أم 99 وهل الــ 4000 cc أفضل أم الــ 2400 cc وايضاً المانيوال أم الاتوماتيك ؟؟ أرجو الافادة

مع جزيل الشكر ...

**ahmed_eng2001** · 10-09-2012 02:43 AM

الاعضاء الخبراء ممكن يفيدوا حضرتك اكتر
معلوماتى البسيطة عن الشيروكى ... الشيروكى موديلات 97 لغاية 99 مختلفة شوية عن 2000
و كنت سمعت من ميكانيكى انه افضل الموديلات الى حضرتك ذكرتها

ال4000 سى سى افضل من ال 2500 سى سى
ال4000 سى سى ... موتور 6 سلندر ... اغلب العربيات اوتوماتيك .. و قليل منها مانيوال ..بيسموه كانترى
ال2500 سى سى موتور 4 سلندر .. اغلب العربيات مانيوال و قليل منها اوتوماتيك
اتمنى اكون افدتك

**engaass** · 10-09-2012 10:08 AM

متابع باهتمام

**momen_ivf** · 11-09-2012 02:59 AM

متابع باهتمام ايضا

**ALMAGICO** · 11-09-2012 06:19 AM

الموديلات اللى حضرتك بتتكلم عليها واحد ماعدا 1997 والفرق بينهم ملحوظ تقدر حضرتك تلاحظة من الشكل الخارجى تلاقى فانوس الاشارة فى جسم العربية من الجنب وفى المراية كرف بسيط وفى الفانوس الخلفى بردة كرف بسيط وشوية فروق جوهرية والصالون متغير
وطبيعى كل مكان الموديل احدث كل مكان افضل يعنى اكيد موديل 1998 افضل من 1997 و1999 افضل من 1998 وهكذا بس شرط الحالة يعنى لو 1998 كحالة افضل من 1999 توكل على الله وهات ال1998 لان مفيش فرق اصلا وخلى بالك من حالة العربية لان لو اخدت واحدة حالتها مش اد كدة هتتعبك
نيجى لنقطة الموتور فى موتورين واحد 4000 سى سى 6 سلندر والتانى 2500 سى سى 4 سلندرال6 سلندر فى منة اوتوماتيك ومانيوال ال 4 سلندر كلة مانيوال مفيش اوتوماتيك وعلى فكرة العربية دية نزلت برة مصر موتور 2000 سى سى تربو ديزل
ومسالة هل ال4000 سى سى افضل ام 2500 سى سى دى بتتوقف على احتياج حضرتك هل حضرتك محتاج الموتور الجبار دة يعنى هتدخل صحرا وكدة ولا لأ
ولازم حضرتك تعرف حاجة
ال6 سلندر موتور جبار بجد 190 حصان 310 نيوتن بس هتاخد بنزين اكتر من ال4 سلندر ودة طبيعى
ال4 سلندر 130 حصان 205 نيوتن اقتصادية فى البنزين عن ال6 سلندر
قطع الغيار
ال6 سلندر قطع غيارها ارخص شوية من ال4 سلندر بس مش فرق كبير حاجة بسيطة
ال 6 سلندر قطع غيارها اكتر من ال 4 سلندر ودة مش معناة ان ال4 سلندر ملهاش قطع غيار لأ ليها ومتوافرة بس ال6 سلندر اكتر شوية
وممكن حضرتك تسال بردة عن قطع غيار الاتتنين فى شارع شامبليون او الحرفيين
والله اعلى واعلم فيما قلت

**michaelsamir** · 13-09-2012 01:42 AM

اشكركم جدا على الرد وعلى المعلومات القيمة .. متابع لأى معلومات اخرى من خبراء المنتدى

**MohammedAladel** · 15-09-2012 11:28 PM

على الطرق المصرية العربيات دى مش عملية لما العربيات الحديثة والناس بتشتكى من استهلاك البنزين فما بالك بعربية زى دى دا أنا عايز أركب عربية 1000 سى سى بس