الموضوع: الله يرحمه, لم يهتم بوسائل الامان. ليته امتلك نيسان

المشاركة الأصلية كتبت بواسطة حماده المصري

الله يرحمه

بس يعني كل الي معهومش فلوس ومعاهم عربيات تعبانه لو عملوا حوادث وماتوا يبقى هما المقصريين في حق نفسهم طبعا مستحيل

لكل اجل كتاب وممكن تعدد الطرق انما هنموت في اليوم والساعه والدقيقه والثانيه الي مكتوبه لينا بغض النظر عن الطريقه

الله يرحمه ويحسن اليه

لا يا باشا
اللعتاب للى فى مقدرته شراء سيارة اكثر امانا لكنه صرف الفلوس على سيارة اخرى شكلها عصرى اكثر او فيها حجات تعجبه لكنها غير أمنة بالشكل الكافى و يدفع فيها مبلغ و قدره بينما يترك سيارة اخرى اكثر امانا لمجرد الشكل
او استخسر انه يدفع المبلغ الزيادة ده فى سبيل امتلاك نفس السيارة بس معاها وسائل امان

( كلا الحالتين استهانوا بوسائل الامان مع اختلاف الاسباب و كلاهما اخطا فى اولوياته احدهم فضل المظهر و الاخر فضل المتوفير بينما هو قادر)
و اللى معاه سيارة على ادها بنصحه ان لو جه يوم و ربنا كرمه و اصبح عنده فرصة يشترى حاجة افضل يتذكر كلامى و ما يستهونش بيه
و انا قلت ان لكل اجل كتاب و ربنا لو كاتبلك تعيش حتعيش و لو كاتب لك تموت حتموت
بس مش معنى ده انك ما تاخذش بالاسباب و تقول " يا عم انا متوكل على الله" ده مش توكل ده اسمه توااااكل
الاعتماد على الله انك تعمل اللى عليك و تعمل اقصى استطاعتك و تتوكل على الله و اللى يحصل بعد كده يحصل

كان فى صحابى اتى رسول الله عليه افضل الصلاة و السلام و ساله فيما معناه ان هو لو راكب دابة ( حصان حمار جمل بغل) و وصل المكان و نزل من عليها
و امامه نخلة فهل يسيب ال دابة بتاعته و يتوكل على الله ولا يربطها (يعقلها) فى النخلة
فاجابه رسول الله "اعقلها و توكل"