استفسارات سريعه

**gomgom3** · 10-09-2012 05:34 AM

لمبه chek المفرود بتفصل بعد اما بدور العربيه ولا قبل اما ادور زي لمبه البنزين و ABS ؟

فيه زورار عندي اسمه TC في التابلوة جنب المكيف هو بتاع ايه لانه مش شغال وليه indicator في عداد العربيه بس طبعا مش شغال

حساس MAP بيتنضف ازاي والخرطوم الي داخله ازاي اعرفه ان سليم مش ممكن يكون مسدود ليه برمجه زي حساس الايدل ولا ملوش

حساس الهواء ليه برمجه ظي الايدل ولا ملوش ؟

park يمين وشمال فصل عندي مرة واحد ومش عارف السبب ايه والدراع غيرته وبردو مش شغال والفيوزات كله سليمه

ريموت الكنترول بيفتح بس ومش بيقفل بردو مرة واحد من غير اي سبب دخلت علي موقع اجنبي وعرفت طريقه البرمجه وبردو بيفتح بس ومش بيقفل كنت قبل كدة عامل شغل في السماعه الي علي اليمين وكنت شايل الكرسي اليمين كله والسلوك كلها كانت باينه

زورار الفوجات عندي بيشتغل اما اشغل النور الواطي وليه indicator لمبه برتقالي في االعداد بتاع العربيه دة طبيعي ولا المفرود بيشتغل مع نور العدادات بس انا طبعا مش عندي فوجات بس جبت ولسه هركبها

ا/فادي مشكور ليه طبعا خلاني اقفل البوابات بتاعت المكيف يدوي وكله تمام وشغاله 100 % والمكيف ظبط جدا بس كنت عايز اعرف هل اما قفلت البوابه يدوي من بره في حاجه بتفتح جوا يعني خل هي مفصله مثلا ؟؟؟

فيه لبمه للحزام ؟؟ ولا مفيش العربيه موديل 1998

المفرود العربيه بتقفل النستر عند سرعه 50 ؟؟؟ لان العداد اما بلاحظ فيه انا كله نفس اللون الا سرعه 50 لونها احمر دة طبعا طبيعي
انا بسئل لان الكورسا بتقفل Autolock عند سرعه 30

لو عايز اوصل السنتر بتاع العربيه مع الفوجات اول اما افتح السنتر النور يشتغل في عربيات جديدة كدة زي الجيتا والمرسيدس الجديد والجيب وهل هو هيتصول مع لمبه الصالون timer ديه

**فادى محمد** · 10-09-2012 01:05 PM

-الطبيعي ان كل اللمبات بتطفي بمجرد ان الموتور يشتغل ماعدا لمبه الايه بي اس بتغيب ثانيتين بعد الدواره
-tc اعتقد ده زرار الtracticn control بس اعتقد عربيه حضرتك مانوال ؟ الزرار ده مش موجود اصلا بيبقي فيها 3 طبب وممكن صاحب العربيه غير الطبه بمفتاح tc
-الماب للاسف مش بيتنظف لان جواه رق ناعم تحت البورده بيتاثر بالمنظفات ومالوش برمجه ,لما يعيب او يضعف هتلاقي دخان اسود باستمرار والموتور يلخبط ع السرعات القليله انما ع السريع مفيش مشاكل,لو عندك الاعراض دي اتاكد من الخرطوم او شيله وغيره وخلاص هات نفس المقاس ايطالي بيتباع بالمتر وشد الفيشه ونظفها بالكلينر واخر حاجه انك تغير الحساس نفسه ,انا لسه شاريه ب70ج استيراد
- بالنسبه للبارك لو متاكد من الفيوزات يبقي الكتاوت مهزوز او بايظ هتلاقيه في نفس لوحه الفيوزات يمين بس للاسف مش فاكر لونه ايه؟
-شوف كهربائي شاطر يكشف علي مكنه السنتر لو فتحت شنطه العربيه هتلاقيها ناحيه ايدك اليمين تحت زور فتحه البنزين
-لمبه البيان البرتقالي دي بتاعه نور الشبوره الخلفي (اللمبات في الفانوس الخلفي) وطبيعي انها تشتغل مع النور الواطي لو عندك مش شغاله ممكن كهربائي يوصلهالك
-قفلت الوابه يدوي بدل الكهربا مفيش اي مشكله كده تمام قوي بس لما تكون مسافر مسافه طويله ومشغل المكيف كل نص ساعه كده تفتح الشباك سنه صغيره تجدد الهوا علشان ماتنامش
-مفيش لمبه للحزام والسنتر مش بيقفل مع السرعه بصراحه حركه رخمه قوي اول ماشفتها كانت في الماتريكس الشكل الجديد

**فادى محمد** · 10-09-2012 02:20 PM

مكنه السنتر ورا في الشنطه.عارف تنفيخه العجله اللي ورا يمين ؟هي وراها بين الرففرف والكارتيره قدام علبه الطواريء اللي فيها الهوك والكوريك
-اللمبات عادي ماتقلقش طالما بتطفي
-الفوجات الاماميه بتشتغل من زرار في مفتاح النور الواطي اللي فوق ركبتك الشمال هو مطبب عندك للاسف لازم تغير المفتاح كله
-بالنسبه للشبوره الخلفيه ...نور الفيراني(هتلاقي لمبه نورت في كل فانوس) وبعدين خلي حد يدوس فرامل
والعربيه دايره (هتلاقي لمبه تانيه نورت في كل فانوس) تمام؟ لسه اضل في كل فانوس لمبه مانورتش في الجزء الاحمر طبعا هي دي الفوجات الخلفيه والكهربائي مش هيمد سلوك ولا حاجه لان كل حاجه متوصله علي فيش.انا عامل الفوجات تنور مع الفيراني وده اختياري ممكن حضرتك تخليها مع الستوب او من زرار الفوجات براحتك

**فادى محمد** · 10-09-2012 04:18 PM

الزرار المخصص للفوجات الاماميه فيه كتاوت اصلي يتحمل جهد الكشافات
طبعا ممكن تعمل او تستخدم اي زرار بعد ماتركبله كتاوت بلدي واحسن حاجه التركي لو مش مضروب
بس مالوش لازمه حد يلعب في كهربه العربيه ويقطع ويعمل كباري وعك
الزرار في حدود 120ج استيراد شيل وركب علطول