الموضوع: ايهما افضل فلوانس ام النترا

عزل الفلوانس فوق الممتاز
تقفل الازاز وماتسمعش صوت الهوا
صوت موتور الفلوانس مش مسموع وانت تحت ال 120.....لما تحرق والعربية توصل 150 وانت طالع......بتسمع صوت الموتور .....بس مش للدرجة المزعجة....بس بيتسمع
باب الفلوانس طبقتين بعاد عن بعض.....انا كان معايا سيفك 2009 وبعتها بسبب العزل.....مع ان السيفك عزلها المفروض كويس......لكن مش زى الفلوانس او الميجان
تكييف الفلوانس تقدر تقول كويس....يعنى أحسن من تكييف الفانتازيا والميجان.....لكن مش بقوة الكورى.,..هو بيسقع كويس......بس الكورى بياخد فترة أقل للوصول درجة حرارة أقل
بصراحة الفلوانس أحسن كتير من الالنترا......الفلوانس تحس ان سعرها فيها.....الالنترا استهبال.....شكل من برة وخامات من جوة تعبانة......الالنترا عدلها تبقى 120 ألف.....ما توصلش خالص ل 135 ألف
قطع الغيار متقاربة......مع العلم ان فيها اسعار كتير رخيصة جدا....زى الفلاتر وتيل الفرامل ........والبوجيهات
لكن قطع الغيار التانية اللى زى الفوانيس والاكصدام والكلام ده....اللى لا قدر الله بييجى من حوادث....بيبقى سعره عالى حبتين.....لكن عشان العربية لسة جديدة وأغلب العربيات الجديدة كدة

المشاركة الأصلية كتبت بواسطة hatemfox2005

الف شكر علي المعلومات المفيده بس انا سامع ان قطع غيار النترا عليه بردو عشان فيه واحد قال ان سعر تيل فرامل الامامي لي النترا بي 750 جنيه في التوكيل وللفلوانس بي 450 جنيه

بص يا باشا هتلاقى قطع الغيار فى التوكيل تقريبا واحد يعنى حاجات اغلى هنا و حاجات اغلى هناك بس هتلاقى فى الاخر تقريبا الاتنين متقاربين

و ده من اهم العيوب ( اللى الناس بتقول عليها ) فى الرينو و دا طبعا مش صحيح لأن لو قارنت اسعار قطع غيار الفلوينس بأى اسعار قطع غيار عربية فى نفس الفئة هتلاقيها معقولة بس طبعا الكلام ده الاتنين فى التوكيل .. يعنى ما حدش يجيب قطع غيار من التوفيقية مثلا و يقارنها بأسعار التوكيل طبعا هتلاقى فرق

انا شايف الفلوينس افضل فى كل حاجة الا التسارع .. لو دماغك مش فى الشد و الجرى و كده يبقى توكل على الله فى الفلوينس .. و الفلوينس مش بطة برضه بس التسارع بتاعها مش قوى اوى