يارب تطلع مشكلة بسيطة – كورسا 2012

**Admmostafa** · 10-09-2012 12:23 PM

السلام عليكم إخواني

معايا كورسا 2012 عاملة حوالي 7000 كيلو فيها حاجتين كده عايز أسأل فيهم

لما بارجع الفتيس من ال d لل n بيحصل رجه في الفتيس من تحت زي ما يكون في حاجة مش مربوطة كويس فا بتحرك الفتيس من تحت – كمان لما برجع الفتيس لل p وادوس فرامل واسيب بتبقي في تكة مع الدوسة بحسها وانا حاطط ايدي علي الفتيس . بس الحمد لله لما بمشي مفيش حاجة والنقلات عادية ولما برفع رجلي من البنزين بحس بالنقلة اللي بتنزل أعتقد ده طبيعي.

النقطة الثانية في حاجة في عداد البنزين يا إما عوامة البنزين بقالي مرتين بفول والعداد مش بيرجع للأخر خالص مش عارف ليه من أسبوع فولت من شل في طريق الساحل كانت قبل الواحد بدرجة وشكيت في المحطة بس تاني يوم لقيتها بعد الواحد زي ما بفول في كل مره من ساعة ما جبت العربية – النهاردة بقي وانا رايح الشغل الصبح فولت من شل اللي قبل التجمع بس العداد المرة دي رجع لحد الربع اللي قبل الواحد ولما روحت الشغل لاحظت انه اتحرك بس برضه لسه موصلش للواحد – مش عارف وانا مروح هلقيه رجع ولا لأ .

انا غالبا هاروح التوكيل اخر الإسبوع فرع الطيران بس مش عارف دي حاجات بسيطة ولا ايه
انا قولت اسألكم يمكن حد حصل معاه الحاجات دي قبل كده.

شكرا ليكم

**ibn_seena** · 10-09-2012 12:37 PM

معايا كورسا 2012. عامله 3000
عوامة البنزين يا باشا هي اللي بتعمل كده وانا عربيتي بتعمل كده برضه تقريبا ده غيب في العوامه
بالنسبه للفتيس عندي بحس ساعات بالنقلات وكمان طلعة العربيه ضعيفه شوية وبحس انها بطة ولو ما دستش بنزين ممكن تفضل واقفه وما تمشيش لوحدها زي باقي الاتوماتيك. يمكن علشان 1400. غير كده كويسه. بس ممكن حضرتك تقولي لما بتديها ال d وتمشي لوحدها من غير ما تدوس بنزين هل بتحس ان العربيه طلعتها تقيله. وما فيهاش عزم ولا دا عندي انا بس ؟؟

**Admmostafa** · 10-09-2012 01:24 PM

المشاركة الأصلية كتبت بواسطة ibn_seena

معايا كورسا 2012. عامله 3000
عوامة البنزين يا باشا هي اللي بتعمل كده وانا عربيتي بتعمل كده برضه تقريبا ده غيب في العوامه
بالنسبه للفتيس عندي بحس ساعات بالنقلات وكمان طلعة العربيه ضعيفه شوية وبحس انها بطة ولو ما دستش بنزين ممكن تفضل واقفه وما تمشيش لوحدها زي باقي الاتوماتيك. يمكن علشان 1400. غير كده كويسه. بس ممكن حضرتك تقولي لما بتديها ال d وتمشي لوحدها من غير ما تدوس بنزين هل بتحس ان العربيه طلعتها تقيله. وما فيهاش عزم ولا دا عندي انا بس ؟؟

شكرا لردك يا باشا

بالنسبة للعوامة يعني اطلب تغيرها في الضمان ولا هينفضولي ولااستنى عليها شوية لما تجيب أخرها

بص يا باشا هي طلعتها بطيئة شوية بس مش لدرجة بتقف بس لما بحب اخليها تجمع بجيب كيك داون بس مش بحب احمل كتير علي الفتيس

انت طبعا بتحس ان العربيات اللي جانبك الياباني والكوري طيارات وبتتخنق وتحس الناس ممكن تشتمك بس عادي ياباشا الاوربي كله كده في تجميعة الاولاني بس بعد كده بتفتح وثبات عالي الناس كلها عارفه الكلام ده والفرق ايه بين العربيات الكوري والاوربي - انا نازل اصلا من ياباني فحاسس جدا الفرق

واكيد طبعا 1600 بيفرق عن ال 1400 بس ال 1400 عندنا 100 حصان ومكفين الحمد لله يعني اصلا احنا اخرنا لما بنمشي جوه البلد علي الدائري 110 عن ار بي ام 3100 بيبقي انجاز وبيبقي لمدة 10 دقايق علي الاكثر. وعلي طريق الاسكندرية الصحراوي الحمد لل كانت 140 - 150 زي الفل مبحاولش اعديها ومبسوط وراضي عشان معايا الاسرة كمان.

لما بحط العربية علي ال d أو ال r بتمش طبعا بس ببطئ شديد وده طبيعي انا كان معايا عربيتن اوتوماتك كده برضه متحطة في دماغك.

**ibn_seena** · 10-09-2012 01:48 PM

بالنسبه للعوامه. فلو عملت معاك تاني رحلهم طبعا وقلهم مش همشي الا لما تعملوها. لاني مش هستني لما يوم الاقي العربيه بنزينها خلص وعطلت مني. ... انا شخصيا في اول صيانه هقلهم عليها وصراحه هما ناس محترمين. ......
..
وبالنسبه للفتيس فانا عارف ان الالماني طلعته تقيله. بس بتاكد منك ان ما فيش عندي مشكله دا انا بقيت لما بركب التيوتا والله بحس اني مش ملاحق عليها تسارع الياباني عالي جدا فعلا