انا اشتريت مازدا 3 2009 .. للأسف الكاسيت السى دى مش بيقرأ غير سيدهات أصلية ..
لما نسخت اسطوانات ام بى 3 مش اشتغلت وبيقول Check C D
عملتها اوديو ببرنامج النيرو مش اشتغلت برده وبيدينى نفس الرسالة .. مع العلم انه شغال 100% على الكومبيوتر ..
يا ريت لو حد عنده حل او برنامج او طريقة اخلى بيها الاسطوانات تقرأ اكووون شاكر جدااا
ودى أول مشاركة ليا فى المنتدى الرائع ده ... أرجو الاهتمام من فضلكم ...
متابع .. مع حضرتك ومرحبا بسيادتك بالمنتدى .
سرعه النسخ عاليه جرب تنسخ اسطوانه اوديو بسرعه بطيئه جدا وشوف النتيجه وقولى
اقتباس:
المشاركة الأصلية كتبت بواسطة rotanamasoud
طب ممكن لو سمحت تقولى ازاى اغير سرعة النسخ انا بستخدم برنامج نيرو .. واغيره لسرعة كام 16 ولا 8 وايه ؟؟ .. شكرا لاهتمام حضرتك ..
جرب بسرعه 4 الى 8 وحتلاقى سرعه النسخ مخفيه فى الاوبشن من الجنب يمكن يكون ده العيب ويشتغل
السي دى الاصلية بتشتغل ؟؟
اصل ممكن العدسة عاوزة تنضيف من الجو الجميل اللى مصر
اقتباس:
المشاركة الأصلية كتبت بواسطة rotanamasoud
أنا فعلا كنت بنسخ على 52 ... وجربت نسخت واحدة على 16 بردة مش اشتغلت .. هجرب واحدة على 4 وتانية على 8 وهقول لحضرتك .. الف شكر على المتابعة ..
والله لسه مش جربت بس ده كلام اللى انا شارى منه العربية لأنها لسه بقالها اسبوع واحد بس معايا عموما هشترى سى دى حماقى الجديد انشاء الله وهجرب لو مشتغلش يبقى فعلا العيب من العدسه زى ما حضرتك قلت .. شكرا لحضرتكاقتباس:
المشاركة الأصلية كتبت بواسطة sgh
انسخ السى دى بنفس ال format بتاعه الاصلى اللى بيتقرى كويس و بعد كده اقفل ال session علشان كاسيت العربيه يقدر يقراها ولان كاسيت العربيه ما بيقدرش يقرا ال CD و ال session مفتوحه و زى ما حضرتك عارف ده بيبقى checkbox بتعلم عليه و انت بتنسخ
اقتباس:
المشاركة الأصلية كتبت بواسطة Land_Cruiser
للأسف عملت كده وبرده بيقولى Check CD ... أنا هشترى سى دى أصلى لو مشتغلش هشوف بقى لو فى مشكلة فى العدسة او حاجة ... شكرااا لحضرتك