رجاااااء المساعدة مشكلة فى سى دى المازده 3 مش بيقرأ غير سيديهات أصلية بس

**dr_magedzidan** · 10-09-2012 11:47 PM

انا اشتريت مازدا 3 2009 .. للأسف الكاسيت السى دى مش بيقرأ غير سيدهات أصلية ..
لما نسخت اسطوانات ام بى 3 مش اشتغلت وبيقول Check C D
عملتها اوديو ببرنامج النيرو مش اشتغلت برده وبيدينى نفس الرسالة .. مع العلم انه شغال 100% على الكومبيوتر ..
يا ريت لو حد عنده حل او برنامج او طريقة اخلى بيها الاسطوانات تقرأ اكووون شاكر جدااا
ودى أول مشاركة ليا فى المنتدى الرائع ده ... أرجو الاهتمام من فضلكم ...

**akmm** · 11-09-2012 11:00 AM

متابع .. مع حضرتك ومرحبا بسيادتك بالمنتدى .

**rotanamasoud** · 11-09-2012 01:07 PM

سرعه النسخ عاليه جرب تنسخ اسطوانه اوديو بسرعه بطيئه جدا وشوف النتيجه وقولى

**dr_magedzidan** · 11-09-2012 07:42 PM

المشاركة الأصلية كتبت بواسطة rotanamasoud

سرعه النسخ عاليه جرب تنسخ اسطوانه اوديو بسرعه بطيئه جدا وشوف النتيجه وقولى

طب ممكن لو سمحت تقولى ازاى اغير سرعة النسخ انا بستخدم برنامج نيرو .. واغيره لسرعة كام 16 ولا 8 وايه ؟؟ .. شكرا لاهتمام حضرتك ..

**rotanamasoud** · 11-09-2012 09:20 PM

جرب بسرعه 4 الى 8 وحتلاقى سرعه النسخ مخفيه فى الاوبشن من الجنب يمكن يكون ده العيب ويشتغل

**SGH** · 11-09-2012 09:35 PM

السي دى الاصلية بتشتغل ؟؟
اصل ممكن العدسة عاوزة تنضيف من الجو الجميل اللى مصر

**dr_magedzidan** · 12-09-2012 07:01 AM

المشاركة الأصلية كتبت بواسطة rotanamasoud

جرب بسرعه 4 الى 8 وحتلاقى سرعه النسخ مخفيه فى الاوبشن من الجنب يمكن يكون ده العيب ويشتغل

أنا فعلا كنت بنسخ على 52 ... وجربت نسخت واحدة على 16 بردة مش اشتغلت .. هجرب واحدة على 4 وتانية على 8 وهقول لحضرتك .. الف شكر على المتابعة ..

**dr_magedzidan** · 12-09-2012 07:04 AM

المشاركة الأصلية كتبت بواسطة sgh

السي دى الاصلية بتشتغل ؟؟
اصل ممكن العدسة عاوزة تنضيف من الجو الجميل اللى مصر

والله لسه مش جربت بس ده كلام اللى انا شارى منه العربية لأنها لسه بقالها اسبوع واحد بس معايا عموما هشترى سى دى حماقى الجديد انشاء الله وهجرب لو مشتغلش يبقى فعلا العيب من العدسه زى ما حضرتك قلت .. شكرا لحضرتك

**Land_Cruiser** · 12-09-2012 09:06 AM

انسخ السى دى بنفس ال format بتاعه الاصلى اللى بيتقرى كويس و بعد كده اقفل ال session علشان كاسيت العربيه يقدر يقراها ولان كاسيت العربيه ما بيقدرش يقرا ال CD و ال session مفتوحه و زى ما حضرتك عارف ده بيبقى checkbox بتعلم عليه و انت بتنسخ

**dr_magedzidan** · 13-09-2012 12:31 AM

المشاركة الأصلية كتبت بواسطة Land_Cruiser

انسخ السى دى بنفس ال format بتاعه الاصلى اللى بيتقرى كويس و بعد كده اقفل ال session علشان كاسيت العربيه يقدر يقراها ولان كاسيت العربيه ما بيقدرش يقرا ال CD و ال session مفتوحه و زى ما حضرتك عارف ده بيبقى checkbox بتعلم عليه و انت بتنسخ

للأسف عملت كده وبرده بيقولى Check CD ... أنا هشترى سى دى أصلى لو مشتغلش هشوف بقى لو فى مشكلة فى العدسة او حاجة ... شكرااا لحضرتك