خبر واعتقد انه مفاجئه سيتواجد فئه للصنى الجديده .....

**hossam_elwani** · 11-09-2012 05:02 PM

المشاركة الأصلية كتبت بواسطة mahmoud magdy

مشكوووووووور
والله لو كده يبقى زى الفل
بس سؤال: هو حضرتك متعرفش الى ب106 دى فيها حاجة زيادة غير الجنوط ولا لأ
واللى ب113 فيها مرايات ضم ولا لأ

الخبر الى عرفته انها جنوط بس ......... ونسيت اقول لكم ان الفئه الى بــ 113 حيبقى فيها فتحة سقف والعهده على الراوى

**Dr_MaTrix** · 11-09-2012 06:12 PM

المشاركة الأصلية كتبت بواسطة hossam_elwani

الخبر الى عرفته انها جنوط بس ......... ونسيت اقول لكم ان الفئه الى بــ 113 حيبقى فيها فتحة سقف والعهده على الراوى

والله اعتقد صعب موضوع فتحة السقف لان زى ما انا فاكر تصميم السقف فيه خطين كده علشان يزود ثبات العربية مع السرعة فصعب يشيل ده ويحط فتحة سقف الا ان كان فتحة السقف هتبقى بعيدة عن الخطين دول (مش عارف الابعاد كويس) وربنا يقدم اللى فيه الخير

**Ahmed.TV** · 11-09-2012 09:41 PM

عمر نيسان ما تنزل فتحة سقف فى عربية تقفيل محلى ابداااااااااا
والكلام دده ثقة

**hossam_elwani** · 11-09-2012 10:36 PM

المشاركة الأصلية كتبت بواسطة ahmed.tv

عمر نيسان ما تنزل فتحة سقف فى عربية تقفيل محلى ابداااااااااا
والكلام دده ثقة

طيب هيا اصلا نزلت بره مصر بفتحة سقف ؟؟

وليه لو فتحة سقف متتجمعش فى مصر .. مش ده مؤشر على عدم الثقه فى التقفيل المحلى على الرغم من انه تحت اشراف خبراء يابان؟؟

**Bishoy.Girgis** · 12-09-2012 10:45 PM

رأيي الشخصي .. شايف انه مع تصميم سقف العربية يصعب علي نيسان عمل فتحة سقف للعربية لأن التصميم له رؤية في التعامل مع اتجاه الرياح و شايف ان نيسان تستبعد فعلا موضوع عمل فتحة سقف للعربية لأنها هتأثر كتير علي سعر العربية .. يعني لو رحتوا ارابكوم عشان تركب فتحة سقف كهرباء هتكلفك 3500 جنيه و بدون ضمان .. فأعتقد ان نيسان مش في فكرها الموضوع ده

علي فكرة دي صورة العربية الفيرسا اللي بتتباع بره مصر

**Ahmed.TV** · 13-09-2012 04:11 PM

المشاركة الأصلية كتبت بواسطة hossam_elwani

طيب هيا اصلا نزلت بره مصر بفتحة سقف ؟؟

وليه لو فتحة سقف متتجمعش فى مصر .. مش ده مؤشر على عدم الثقه فى التقفيل المحلى على الرغم من انه تحت اشراف خبراء يابان؟؟

عشان يعلموه صح حيجيبوا جهاز تمنه غالى عشان يشتغلوا بيه .. ولازم عشان يحققه تمنه يعملوا تارجت عالى منه .. واكيد يوم ما حيعملوا ساعتها فتحة سقف .. حيكون فى فئة واحدة السوبر صالون اللى بتتقفل هنا .. وبعدين حندخل فى قصة بقا الله الغنى عنها .. وهى ممكن يحصل عيب فى التقفيل مثلا .. ويحصل مشكلة .. لان متضمنش تقفيل العامل المصرى حيكون عامل ازاى
مع اننا بنشجع الصناعة المحلية .. بس حيكون فى خوف

بره مصر الموضوع سهل لان بيتشغلوا على عربيات كتيرة جدا غير الصنى .. والموضوع سهل والقفيل والشغل بيكون باتقان

فالموضوع هنا فى مصر مغامرة .. وصعب

وبصراحة على قد ما نتمنى انه يكون فى عربياتنا فيها .. بس عن نفسى ما شجعش انه يتعمل فى العربيات اللى تقفيل محلى
ممكن اوافق ينزل فى العربيات اللى جاية مستوردة من بره زى التيدا والجوك والليفينا والبلوبيرد وعربيات نيسان المستوردة

**Youssef.Awad** · 13-09-2012 04:44 PM

المشاركة الأصلية كتبت بواسطة hossam_elwani

طيب هيا اصلا نزلت بره مصر بفتحة سقف ؟؟

وليه لو فتحة سقف متتجمعش فى مصر .. مش ده مؤشر على عدم الثقه فى التقفيل المحلى على الرغم من انه تحت اشراف خبراء يابان؟؟

برة مصر خاصة فى منطقة الشرق الاوسط واسيا بتنزل بدون فتحة سقف
انما امريكا الله اعلم ممكن تكون بتنزل بفتحة هناك

وفكرة نزولها فى مصر من عدمه عشان تجميع محلى او مستوردة تتوقف فعلا على الجدوى الاقتصادية وحجم الانتاج المتوقع فى مصنع مصر زى ما احمد مصطفى وضح
لكن رأيى ان تركيب فتحة سقف بيكون فى المصانع المزودة بخطوط انتاج بها روبوتات لحام وتجميع وليس التجميع اليدوى زى مصنع مصر لأن القطع اللحام المفروض يتم باجهزة موجهة بالليزر ودقيقة وليس اعتمادا على كفاءة العاملين ..