الموضوع: ازى تعرف انك فى فيلم عربى ؟؟؟؟ ادخل وشوف

بسم الله الرحمن الرحيم


عندما يكون البطل مريضا وتقدم لة البطلة حبة الدواء مع كوب ماء وبعد ان يبتلعها وتسأله البطلة فورا: ها عامل اية دلوقتي المفاجأه انة يرد عليها الحمد لله بقيت احسن
كده بالسهولة دي.. هو واخد حبة البركة ولا ايه؟
*******
عندما يصل البوليس الي موقع الجريمة دون ان يبلغه احد
تقريبا المخرج هو اللي بلغ علشان يصور.. أمّال هيصور ايه
*******
عندما يصاحب مشهد التغرير بالبطلة لقطات الامطار الغزيرة والبرق والرعد والشباك الذي ينفتح بقوة علي مصراعيه
وتلاقي البطلة في الفيلم مصيّفه
*******
عندما تقول البطلة للبطل انها حامل فيرد البطل على طول.. اللي في بطنك ده لازم ينزل
غالبا بيكون يوسف شعبان
*******
عندما تفاجئ باغنية مالهاش أي لزمه في نص الفيلم
مش عارف ايه العلاقة بين الاغنية والفيلم
*******
عندما يكون من المستحيل ان تجد الهاتف مشغول والطرف التاني يرد من قبل ما النمرة تجمع ولا تدي جرس حتى
*******
العبارة الساذجة الشهيرة التلي تصطحب مشهد القبض علي المجرم: مفيش جريمة كاملة وانت فاكر انك هتهرب من البوليس بعملتك دي
*******
عندما يسكر البطل فتجده يصب كوب ممتلئ علي اخره
بيسكر بعصير قصب
*******
عندما يخرج الطبيب من غرفة العمليات يرد جملة من ثلاث جمل
اضطرينا نضحي بالجنين.. شدو حيلكوا يا جماعه.. العمليه نجحت بس مش هتقدروا تشوفوه دلوقتي
*******
عندما يجلس البطل والبطلة في نفس الكازينو بتاع كل فيلم اللي في وش ماسبيرو ويطلبوا نفس العصير اللي في كل الافلام: تانج او ميراندا
يخلص المشهد من غير ما حد يشرب حاجة
تقريبا علشان هيتصور بالمشاريب دى فيلم تاني
*******
عندما يصاب البطل بطلق ناري في قلبه وتنزف الدماء من بطنه زي صلصلة الكشري ويظل يتحدث بطلاقة وتركيز لمدة خمس دقائق يقوم خلالها بفك لغز الفيلم والاعلان عن القاتل الحقيقي او البطل يبقي ابن مين
*******
عندما تتناول الابنة الفطار وهيا واقفة وبتاخد لقم سريعة فتقولها الوالدة ما تفطري يابنتي كويس تقولها: لا علشان الحق المحاضرة وتبوسها وتمشي فتنظر الوالدة الي الوالد ويبدأن في الدعاء
*******
عندما تغيّر حرب اكتوبر اخلاق كل المنحرفين الموظف المرتشي والجاره اللعوب والبلطجي والمجرم بطبعه
*******
عندما تجد مقر العصابة ملئ بالقش والبراميل الخشبية
*******
عندما تسمع صرير احتكاك كاوتش العربيات اللي بطارد بعض وتقريبا بتبقي عربيات 128 وماشية بسرعة 30 كيلو

وبرضه فى مشهد ضرب النار
ساعات الممثل ياخد الطلقة ويموت فورا من غير ولا نقطة دم (جايز من الخضة)
دا لو القطر دهسه هياخد شوية على ما يموت!!!
وساعات ياخد الطلقة فى صدره ويقعد يرغى
ولازم حد ياخده من على الأرض ويقول له: فتحى فتحى رد عليا .. فتحى لا متموتش يا فتحى .. هات اللى عليك الأول قبل ماتموت يا فتحى
واللى ينرفز إن يقولك دا مات.. والكاميرا على وشه المورد وشفايفه الحمرا !!! مش اللى بيموت دا يا خلق لونه بيتغير وفورا شفايفه بتغمق وجلده يبهت؟؟؟..وللا علشان غمض عينيه يبقى مات؟؟؟

وللا مشاهد المعارك .... ييييييييييييييييييييييييي ييييي