عرض للطباعة
السلام عليكم
لو سمحتو يا جماعة كان نفسي مساعدة حضراتكوا في عمل مقارنة كاملة بين صني 2013 وبروتون بيرسونا علشان ناوي اشتري عربية ان شاء الله وكنت محتاج استقر علي عربية الاول
ولكم جزيل الشكر
ممنوع الكتابة باللون الاحمر حيث انه مخصص للمداخلات الاشرافية
مشرف 4أ
صني
وحاول تغير لون الكتابة
وربنا يوفقك للاحسن ..
الصنى أفضل عشان سعر أعادة البيع و توفر قطع الغيار و التوكيل أفضل ....
اللى بيعيب الصنى فى رأيى التقفيل المصرى و الشكل بردوة لا يزال غير جذاب بالرغم من تجديدة ....
لية حضرتك مش بتفكر فى الأكسنت Rb؟؟!!
All New Hyundai Accent - YouTube
صنى شكلها مش حلو و قطع غيارها لسه مش فى التوكيل و فى موضوع حضرتك دور عليه هتلاقي ان واحد مش لاقى الاكصدامات حتى فى التوكيل
مميزاتها سعر اعادة بيع جيد و سعر مقابل امكانياتها ممتاز و تكييف قوى و وسع داخلى
بيرسونا افضل كسيارة فى الثبات و رياضية اكتر و كماليات اعلى
و ارخص لكن سعر اعادة بيع بيخسر
ربنا يوفقك وتختار الأفضل
انا بشكر كل اللي ردوا وساعدوني في حيرتي. وبالنسبة للاكسنت اولا انا مش عارف مميزاتها ايه ولو هي احسن من الصني مثلا ولا لا. ثانيا انا حاسس ان الهيونداي الكوري مش هتبقي زي الياباني. يمكن رايي دة غلط مش عارف.اقتباس:
المشاركة الأصلية كتبت بواسطة ghosts
وللاخ سوفوس انا بعتذر عن لون الخط دي من المرات الاوائل الي بعمل فيها مشاركة ومش متعود علي الكتابة اوي في المنتدي. وكمان مكنتش واخد بالي ان اللون وحش اوي كدة هاها
الصنى تقفيلها جيد جداااا الناس بتبالغ جدا الصراحة فى الموضوع دة
البيرسونا المانوال 4 سرعات ؟ يا ريت حد يأكدلنا..انا كان ادامى واحدة ستوك ايام ما كنت بشترى و العربية تقفيلها مش احسن من الصنى
و سيبك من الاكسنت مغالى فيها
الصنى بتديك 2 اير باج abs ebd ba esp
fog lights
ريموت به فتح الشنطة و استدعاء السيارة
جنوط 15 مش 14 زى الاكسنت
اوسع مراحل من الاكسنت
كل الحاجات دى كويسة أوى لكن الأكسنت شكلها ثورى وأجمل من الصنى بمراااااااااحل و متقفلة فى كوريا....اقتباس:
المشاركة الأصلية كتبت بواسطة Ibrahim88
و بقولها تانى أن الصنى تقفيل مصرى ودة اللى مخلى سعرها 10000 جنية دة غير أن مكونات العربية مش كلها يابانى يعنى فيها حاجات كتير أوى صينى ....
هو فى عربية يابانى 1500 سى سى ب 100000 جنية؟؟!!
دة الدايهتسو سيريون ال 1300 سى سى اللى عاملة زى ال 127 ب 100000 عشان يابانى كاملة ....
و بصراحة كدة لو قولتوا لى أن الصنى فيها كل وسائل الأمان الموجودة فى المرسيدس بردوة مش هشتريها لأنى ببساطة
لا أثق فى الأيد العاملة المصرية لأن المصرى فى البلد دى أحسن واحد فى الدنيا بيكروت ....
النهاردة أنا أشتريت الصنى وفرحان بيها و بوسائل الأمان اللى فيها و بعد كام يوم ألاقى كام مشكلة تخلينى رايح جاى على التوكيل ....
دة كان فى موضوع قريتة من مدة عن واحد كان معاة الصنى القديمة اللى هى تقفيل مصرى بردوة وعمل بيها حادثة موت والعربية أتعجنت وال air bags مافتحتش ....
يا فرحتى بال air bags اللى يا أما تفتح يا ماتفتحش يعنى أنت وحظك ....
اقتباس:
المشاركة الأصلية كتبت بواسطة rsarabia
لو تابعت الموضوع حتعرف ان صاحب الموضوع لقى كل قطع الغيار فى اوتو ايجيبت واتحلت مشكلته
اقتباس:
المشاركة الأصلية كتبت بواسطة ghosts
فيه عامل حضرتك ناسيه وهو الاشراف اليابانى على المصنع وده يفرق كتييييييييير
ولو ....اقتباس:
المشاركة الأصلية كتبت بواسطة hossam_elwani
الأيد العاملة المصرية تقدر تتحدى الأشراف اليابانى و تكروت بردوة :mahf(5): ....
الواحد ياما جرب حاجات متصنعة و متقفلة فى مصر خليتنا نشوف الويل :_Alshmokh08[1]: عشان كدة بطلت أشترى أى حاجة فيها ريحة العمالة المصرية :dontudear: ....
معلش مع احترامي للاستاذ جوست بس انت فعلا متحامل جدا علي الصناعة المصرية وفعلا فيه حاجات مصري كتير حلوة حتي لو موصلتش للمستوي العالمي بس اكيد كويسة. وغير كدة احنا فعلا لازم نشجع المصري ودة مش كلام لازم ننفذ.
أنا متحامل على الصناعة المصرية من اللى شوفتة ....اقتباس:
المشاركة الأصلية كتبت بواسطة elkeberkeber
قلت زى حضرتك كدة أننا لازم نشجع المصرى و أشتريت بوتجاز جولدى و طلع زبالة و صيانتة غالية جدآ ....
يعنى لو جة عامل الصيانة وغير فى البوتجاز حاجة بسيطة جدآ بياخد 100 جنية ....
نفس الشىء بالنسبة لتلفزيون جروندج المصرى (صورة مهببة و صيانة غالية جدآ) ....
أخر حاجة بقى أشتريناها كان تكييف يونيون أير و دة بقى فعلآ زباااااااااااااااااالة الزبااااااااااااااااااالة ....
عايز أقولك أنة بعد سنة من أستعمالة توقف تمامآ عن العمل و أتشال على المصنع عشان فية عيب صناعة ....
و كل سنة فية مشكلة شكل و لما بنبلغ الصيانة ... فنى التكييف أو المهندس بيجوا بعد 10 أيام أو أسبوعين عشان عندهم نقص فى الفنيين والمهندسين ....
و بعد دة كلة بتقولى أنى متحامل على الصناعة المصرية؟؟!! :g: يغووووووووووووور المنتج المصرى بكل قرفة وأنشالله ما شجعنا الصناعة المصرية اللى مبيجيش من وراها غير الضغط و السكر وأمراض القلب ....
معلومة بسيطة: مش شرط لما العربية تعمل حادثة ان الايرباج يفتح, فيه أوضاع معينة في الحوادث الايرباج مبيفتحش فيها خاصة لة امامي, و الكلام ده بيبقي موضح في الكتالوج.
اقتباس:
المشاركة الأصلية كتبت بواسطة Ghosts
اللينك لو سمحت او كلام الشخص اللي انت قريته
وده لينك عربية وقعت النهارده من علي كوبري اكتوبر علي وشها والايرباج مفتحش وماليزي اللي هي بروتون
http://www.nilemotors.net/Nile/308367-a.html
ايه بقي ؟؟
وللمعلومة بس الاكسنت الاربي اضيق من الصني اقديمة مش الجديدة حتي
وعفشتها انشف
وعربيتي موجوده ممكن حضرتك تجربها
ومفيش اي سبب الصراحة ادفع فيها 117000 جنيه في عربية اصلا كانت بتتباع ب75 و 80 الف غير (شكلها الثوري)
117 ده علشان الايرباج والفرامل طبعا
ومتنساش هبووور التوكيل بتاعها
مش هاتكلم علي الصني كقيمة مقابل سعر ...... شكل اذواق
بس صيني مفرقش كير عن كوري
والتوكيل و الوسع والباور والاستهلاك والامان طبعا والعفشة انعم وكله ب100 الف فرق 17 الف جنيه ...... بصرف النظر عن الشكل
ايه ده صديقى سوناستيل هنا؟؟؟؟اقتباس:
المشاركة الأصلية كتبت بواسطة sonasteel
طيب امشى انا بقى هو هيقوم بالواجب
نيسان طبعاا بدون تفكير
نعومه وياباني وتقفيل محترم وتوكيل محترم وكفايا اسم نيسان
صني بدون تفكير و ذلك للأسباب التاليه
توكيل...................نيسان
سعر اعاده بيع..........نيسان
قطع غيار...............نيسان
وسع داخلي............نيسان
عوامل أمان............نيسان
ثبات.........البرسونا تتفوق لكن علي حساب الراحه
شكل........أزواق و لولا اختلاف الأزواق لبارت السلع ( انا شخصيا عجباني الصني و حاجزها )
تحياتي
اقتباس:
المشاركة الأصلية كتبت بواسطة szaalouk
يارب تستلم علي خير ان شاء الله :))
بس البيرسونا اللي اهرفه انها بتنزل بامان كامل برده
البيرسونا جميلة برده وكماليتاها حلوة ماشاء الله بس قطع الغيار والتوكيل ربنا يتوب علينا منهم بجد
البلد ديه عجيبة والله يلا الحمد لله
اهم حجاة الاستخارة لصاحبي الموضوع وربنا ييسرلك الخير
يا جماعة ليه كل واحد بيدخل يمدح في عربيته اكتر من العربيات التانية
والله مافيش نسبة على البيع يا جدعان والنعمة
يا صاحب الموضوع لو لسة مقررتش ممكن تنزل تتفرج احسن على العربية على الطبيعة واقعد في ال2 وجرب واعمل test drive للاتنين وانت هتقرر بنفسك بعد ماتصلي استخارة
لانك لو سألت واحد معاه العربية طبيعي جداً يحسسك انها فيراري مش عربية عادية
اقتباس:
المشاركة الأصلية كتبت بواسطة ghosts
على فكرة أنا بدور على المصري و أشتريه ........ و بأسيب المستورد .
و الحمد لله 99 % من الحاجات بتطلع كويسة .
==========
العربية الصني تقفيلها كويس جدا ........... و على فكرة موضوع التقفيل المصري ده ... أغلبه وهم .
الفيديو دة فية الصنى من برة ومن جوة ....
بالذمة الأنتيريور دة مش لعربية موديل سنة 80؟؟!!
‫نيسان صني 2012 Nissan Sunny‬‎ - YouTube
و دة Review للأكسنت 2012 ....
2012 Hyundai Accent: New Car Review - AutoTrader - YouTube
أظن الفرق وااااااااااااضح جدآ ....
واضح في الشكل بس
وقصاد كده انت واخد فلوسك في الشكل
عربية ارخص 20 الف وشكلها مقبول وامان عالي وتوكيل رائع
وعربية اغلي ب20 الف جنيه و شكلها تحفة وامان في الضياع و توكيل ايدك منه والقبر
استني بس سنة كمان والاككسنت هاتبقي ب140 الف نيييييييههههههههههههههههه هههااااااااااااا :d
نيســـــــــــــــان صنى و الله اعلم و ابعد عن العربيات الكورى عامة و خاصة عربيات هيونداى لأن معروف عنها انك بتاخد اقل قيمة مقابل المال و انا بتكلم على هيونداى تحديدا على عكس العربيات اليبانى و الألمانى و الفرنساوى بتاخد اكبر قيمة مقابل المال و بعدين يكفى اسم و علامة نيسان اللى موجودة على الصنى و بعدين اللى يقولك الـــــــــــ ار بى تتفوق على الصنى علشان التقفيل قوله انت مش فاهم حاجة لأن البى ام حاليا بتتقفل فى مصر و انا معاك ان فى بعض قطع الغيار صينى زى الفوانيس و الكاسيت و الفرش و بعض الأشياء الأخرى اللى مش عاوز اتكلم عنها فى الصنى لكن هيونداى برضو نفس الكلام و دى اسمها صناعات مغذية لكن الصناعات الأساسية زى الموتور و الصاج و الفشة يبانى 100% فى الصنى و ايضا كورى 100% فى الأكسنت ار بى ..
و بالنسبة للشكل فبالنسبالى شكل الصنى هجــــــــــــــومى جدا و غير تقليدى يعنى بحس انها مجمعة شكلها من الياريس و التيدا اما الـــــــ ار بى شكلها حلو لكن تقليدى جدا ...
و بالنسبة للأير باج اللى مفتحش فعادى لأن حضرتك لو مش رابط الحزام عمر الأيرباج مهيفتح و ايضا فى اسباب اخرى بس دة السبب الرئيسى ..
رأيى خليك فى الصنى افضل و دى وجهة نظرى و دة رأيى و اختلاف الرأى لا يفسد للود قضية و لو اتفقت الأراء لبارت السلع و تقبل خــــــــــــــــالص تحياتى ..
mostafa sallam
السلام عليكم
بعد البحث كثيرا فى الموضوع...
وتجربة السيارتين على الطبيعة.....
اشتريت البرسونا
والمميزات اللى اشتريت عشانها البرسونا...
1- عوامل الامان فى السيارة واللى بتحمى المقصورة فى اى حادث
2-الثبات الخرافى فى الطوالى والمنحنيات....وبسم الله ماشاء الله باخد ملفات على 100 بس بشرط الاسفلت يكون كويس
3- السحب والتسارع الرهيب (موتور جبار) والعفشة الرياضية من شركة لوتس والتعليق النالتى لنك
4-الشكل الجميل والشنطة الواسعة
5- التقفيل الماليزى احسن من المصرى فى رأيى
والعيوب اللى تقبلتها
العفشة ناشفة قليلا (يعنى عشان رياضية زى مابيقولو) والدركسيون اتقل من الصنى (انا كنت بسوق لادا باور والاتنين طبعا احسن من باور اللادا.)....واستهلاك البنزين اعلى من الطبيعى (يمكن عشان لسة ماعديتش الف ونص كيلو متر)وبيقولو بيتحسن على 5000 كيلو......هو حاليا 9 لتر لكل 100 كيلو (وعلى فكرة حاسبه صح مش بكمبيوتر الرحلات)....وموضوع ان مافيش ولاعة ولا طفايات (انا مابدخنش اصلا)
والحاجات الزيادة اللى انا مستمتع بيها حالياً...
الفوانيس الليد جامدة جدا وشكلها خرافى......ومثبت السرعة (اختراع يا كوتش)......والكاسيت فيه يو اس بى (يعنى ترزع فلاشة 16 جيجا عليها كل الاغانى اللى سمعتها فى حياتك) وعلى فكرة باقلب الاغانى بالمالتى فنكشن اللى فى الطارة (مش موجود فى الصنى) والسماعات اكتر من ممتازة بس انت تظبط الاكواليزر....غير الليدات اللى فى المرايات
ورأيى فى الصنى
عربية محترمة
مميزاتها
واسعة جداًًً واكتر من البرسونا بحبه حلوين
اسمها يابانى (حتى لو متقفله فى مصر اكيد هتبقى كويسة)
استهلاك بنزين اقل (موتور اقل)
عفشة انعم (بس مش اثبت)
بها عوامل امان زى البرسونا
المروحة اللى بتوزع الهوا للخلف
القعدة فى السواقة اريح من البرسونا (بس البرسونا مش وحشة برضو)
عيوب الصنى فى رأيى
عيب المساعدين الخلفى اللى ظهر عند قليل من الناس فى البداية (وكان موجود فى العربية اللى جربتها بتاعت جوز اخت مراتى)
السحب اقل من البرسونا
الكاسيت اوحش
الكاوتش ماكسيس
حاجة خدت بالى منها لما ركبت العربيتين الرؤيا عبر الزجاج الامامى احسن واوسع قليلا فى البرسونا عن الصنى
واخيرا الشكل مش عاجبنى(ازواق)
حاجات ممكن ناس تشوفها عبيطة وتعتبر اقرب للغرائئز عند ناس تانيين
ان البرسونا احساس التميز...ازاى؟؟؟؟؟
يعنى تبقى ماشى بعربية مش موجودة مع اى حد ومن احلى العربيات اللى نزلت والناس فى الشارع يبوصولك واللى فى الشغل يعاملوك بشكل مختلف (اكمنى كان معايا لادا يعنى) والا الثبات فى المنحنيات والغرز ....ومثبت السرعة
واى عربية شايفا نفسها على الطريق بيبقى صاحبها عاوز يسابقك ولما يستفزك تعلم عليه فى السرعات
غير كدا معظم اللى بيركبها مستويات يعنى مش هتلاقى جزار او طعمجى او سباك راكبها ....ودا مع احترامى لكل الناس طبعاً
وبالنسبة لموضوع التوكيل
معظم الناس بتشتكى من توكيل البروتون بس اللى انا شايفه ان كل الناس مشاكلها بتتحل وعلى يدى لما واحد اعرفه اسمه على يوسف كان عنده مشكلة فى موتور الساجا تم تغييره بالكامل واخد عرض على الصيانات مجانا وعلى يدى كمان تم تغيير المساعدين لمعظم الناس اللى بيشتكو منهم فى الساجا....يعنى التوكيل بيحاول يحسن من نفسه
وعلى العكس على يدى برضو عربية جوز اختى صنى الشكل القديم وبيشكر فى العربية وبيشتم فى التوكيل ليه...عشان راح عملها سمكرة ودوكو عندهم وطلعو اللون غلط (مع ان كل لون بكود) وماظبطوش الموضوع الا بطلوع الروح دا غير انو لما بيروح التوكيل بيستنى كتير لو مش حاجز (على فكرة هو اللى بيشتكى من كدا وانا شايف ان عادى لو مش حاجز صيانة اكيد هاتستنى) دا غير القلق بتاع المساعدين لما حب يغيرهم قبل العشرتلاف والكلام دا من سنتين
وارجع افكر الناس عربيتو الشكل القديم مش الصنى الجديدة
وبخصوص قطع الغيار اكيد الصنى هتبقى منتشرة اكتر لكن البرسونا برضو منتشرة عشان هى نفسها قطع غيار الجين تو
وارجع واقول لازم ياباشا تركب العربيتين وتسوقهم كمان وتستخير ثم تتوكل على الله
اه نسيت
انا مابعتبرش الاكسنت الاربى عربية اصلا..عشان لو حبيت تجيبها بسعر مقارب لل100 الف هتبقى من غير امان ولا فرامل ايه بى اس ولا ايه بى دى .....ولو اعتبرت الحاجات دى اساسية هاتكع كتير ....دا غير انها مش اوسع ولا اعلى ولا امتن ولا اثبت
وفى النهاية لو عاوز عربية تخدمك فى السرعة والثبات والغرز والشد وعائلية يبقى البرسونا
ولو عاوز عربية تخدمك اقتصاديا فى البنزين و قطع الغيار _على اعتبار انها هاتنتشر_ وعائلية جدا برضه يبقى الصنى
والسلام عليكم