الموضوع: مقارنة بين صني 2013 وبرتون بيرسونا

صني
وحاول تغير لون الكتابة
وربنا يوفقك للاحسن ..

الصنى أفضل عشان سعر أعادة البيع و توفر قطع الغيار و التوكيل أفضل ....
اللى بيعيب الصنى فى رأيى التقفيل المصرى و الشكل بردوة لا يزال غير جذاب بالرغم من تجديدة ....

لية حضرتك مش بتفكر فى الأكسنت Rb؟؟!!
All New Hyundai Accent - YouTube

صنى شكلها مش حلو و قطع غيارها لسه مش فى التوكيل و فى موضوع حضرتك دور عليه هتلاقي ان واحد مش لاقى الاكصدامات حتى فى التوكيل
مميزاتها سعر اعادة بيع جيد و سعر مقابل امكانياتها ممتاز و تكييف قوى و وسع داخلى
بيرسونا افضل كسيارة فى الثبات و رياضية اكتر و كماليات اعلى
و ارخص لكن سعر اعادة بيع بيخسر

المشاركة الأصلية كتبت بواسطة ghosts

الصنى أفضل عشان سعر أعادة البيع و توفر قطع الغيار و التوكيل أفضل ....
اللى بيعيب الصنى فى رأيى التقفيل المصرى و الشكل بردوة لا يزال غير جذاب بالرغم من تجديدة ....

لية حضرتك مش بتفكر فى الأكسنت rb؟؟!!
all new hyundai accent - youtube

انا بشكر كل اللي ردوا وساعدوني في حيرتي. وبالنسبة للاكسنت اولا انا مش عارف مميزاتها ايه ولو هي احسن من الصني مثلا ولا لا. ثانيا انا حاسس ان الهيونداي الكوري مش هتبقي زي الياباني. يمكن رايي دة غلط مش عارف.
وللاخ سوفوس انا بعتذر عن لون الخط دي من المرات الاوائل الي بعمل فيها مشاركة ومش متعود علي الكتابة اوي في المنتدي. وكمان مكنتش واخد بالي ان اللون وحش اوي كدة هاها

الصنى تقفيلها جيد جداااا الناس بتبالغ جدا الصراحة فى الموضوع دة
البيرسونا المانوال 4 سرعات ؟ يا ريت حد يأكدلنا..انا كان ادامى واحدة ستوك ايام ما كنت بشترى و العربية تقفيلها مش احسن من الصنى
و سيبك من الاكسنت مغالى فيها
الصنى بتديك 2 اير باج abs ebd ba esp
fog lights
ريموت به فتح الشنطة و استدعاء السيارة
جنوط 15 مش 14 زى الاكسنت
اوسع مراحل من الاكسنت

المشاركة الأصلية كتبت بواسطة Ibrahim88

الصنى تقفيلها جيد جداااا الناس بتبالغ جدا الصراحة فى الموضوع دة
البيرسونا المانوال 4 سرعات ؟ يا ريت حد يأكدلنا..انا كان ادامى واحدة ستوك ايام ما كنت بشترى و العربية تقفيلها مش احسن من الصنى
و سيبك من الاكسنت مغالى فيها
الصنى بتديك 2 اير باج abs ebd ba esp
fog lights
ريموت به فتح الشنطة و استدعاء السيارة
جنوط 15 مش 14 زى الاكسنت
اوسع مراحل من الاكسنت

كل الحاجات دى كويسة أوى لكن الأكسنت شكلها ثورى وأجمل من الصنى بمراااااااااحل و متقفلة فى كوريا....
و بقولها تانى أن الصنى تقفيل مصرى ودة اللى مخلى سعرها 10000 جنية دة غير أن مكونات العربية مش كلها يابانى يعنى فيها حاجات كتير أوى صينى ....

هو فى عربية يابانى 1500 سى سى ب 100000 جنية؟؟!!
دة الدايهتسو سيريون ال 1300 سى سى اللى عاملة زى ال 127 ب 100000 عشان يابانى كاملة ....

و بصراحة كدة لو قولتوا لى أن الصنى فيها كل وسائل الأمان الموجودة فى المرسيدس بردوة مش هشتريها لأنى ببساطة
لا أثق فى الأيد العاملة المصرية لأن المصرى فى البلد دى أحسن واحد فى الدنيا بيكروت ....

النهاردة أنا أشتريت الصنى وفرحان بيها و بوسائل الأمان اللى فيها و بعد كام يوم ألاقى كام مشكلة تخلينى رايح جاى على التوكيل ....

دة كان فى موضوع قريتة من مدة عن واحد كان معاة الصنى القديمة اللى هى تقفيل مصرى بردوة وعمل بيها حادثة موت والعربية أتعجنت وال air bags مافتحتش ....

يا فرحتى بال air bags اللى يا أما تفتح يا ماتفتحش يعنى أنت وحظك ....

المشاركة الأصلية كتبت بواسطة rsarabia

صنى شكلها مش حلو و قطع غيارها لسه مش فى التوكيل و فى موضوع حضرتك دور عليه هتلاقي ان واحد مش لاقى الاكصدامات حتى فى التوكيل
مميزاتها سعر اعادة بيع جيد و سعر مقابل امكانياتها ممتاز و تكييف قوى و وسع داخلى
بيرسونا افضل كسيارة فى الثبات و رياضية اكتر و كماليات اعلى
و ارخص لكن سعر اعادة بيع بيخسر

لو تابعت الموضوع حتعرف ان صاحب الموضوع لقى كل قطع الغيار فى اوتو ايجيبت واتحلت مشكلته