بسم الله الرحمن الرحيم
وسلامي علي الجميع
و تحياتي لكل الاعضاء الجدعان اوي اللي في المنتدي الجميل ده
ده طبعا اول مشاركة
وبطلب منكم مساعده وانا متاكد من اني هلاقي المساعده منكم لانكم فعلا اسبشيل وان
انا طبعا زيي زي اي حد دخل هنا واصبح من عشاق الابيزا
وبعد بحث ربنا كرمني ولقيت عربية حالتها كالتالي
سيات ابيزا 94
سنتر وانذار و 2 زجاج كهربائي مفيهاش بور
ومتركب لها تكيف شغال كويس وهي كانت مش مكيفة
العربية ماشاء الله فبريكة برة وجوة بالكامل
حالة دهان الفبريكة كويسة يتمشي بيها علي كدة
مش محتاجة شغل سمكرة يذكر
عداد 147000
موتور 1300 كربرتير حالة جيدة جدا
لسه مغيرة ديسك واسطوانه وسلك دبرياج
لسه مغيرة ردياتير جديد وقربة مياة
الصالون والتابلوة بحالة ممتازة فبريكة
كاسيت سوني وسماعات بايونير
تاني يد من الفبريكة وبيقول انه بيحطلها بنزين 92 والمالك الاول كان كدة برضة
الفحص اللي جاي ليها 2015 وفيها رخصة لغاية 3/2013
محتاجة تغير مساعدين باب الشنطة بس
مطلوب فيها 33 الف خلصتها علي 32 بالعافية
اية رايكم كويس والا كتير


وشكرا واسف للاطالة