اوبشن موجود عند معظمنا و محدش عارف عنه حاجه

**sala7** · 10-09-2012 10:43 PM

اصدقاي و احبابي السلام عليكم و رحمة الله و بركاته

في ترَكة كدا يمكن معظمنا ما يعرفهاش او حتى اول مره هيسمع عنها موجوده في بعض العربيات في عائلة فولكس
[فولكس - سيات - اودي - سكودا] الاوبشن ده يتلخص فيه انك ممكن تقفل ازاز العربية و تفتحه بالكامل عن طريق مفتاح العربية بالاضافة الى اذا كان عندك فتحة في السقف تقدر تتحكم في قفلها فقط لو مفتوحة .. ازاي ننفذ الطريقة دي ؟
بعض عربيات عائلة فولكس و تحديد تواريخ الصنع من 99 حتى الان ، السنتر لوك بتعها مش عادي بمعنى انه ممكن يتبرمج !!!! مش هنسبق الاحداث و نقول معلومة قبل التانية .
طيب الاوبشن ده ممكن كلنا نجربة للي معاه ابيزا او ليون او كوردوبا و للي عربيته ازازها كهرباء بالكامل :
....* العربية مش شغال طبعا ، تفتح الازاز كله تطلع بره العربية تقفل الباب تحط المفتاح هتلف المفتاح جهة اليمين علشان تقفل السنتر بس لما تلفة يمين خليك دايس هتلاقي الازاز كله بيقفل . نفس الحكاية في الفتح هتلف المفتاح شمال و تخليك لافف المفتاح شمال هتلاقي السنتر فتح و الازاز بينزل.
ملحوظة : اللي عنده فتحة الفتحة هتقفل فقط و مع الفتح مش هتفتح
- واحد هيقولي انت قديم قوي و كلنا عارفين الموضوع ده .. هقوله مافيش مشاكل اديني بقول معلومة يمكن حد ما يعرفش .
- واحد تاني يقولي طب ايه فايده الموضوع ده ... هقوله فايده ان لو راكن العربية في الشمس مثلاً فا انت ممكن قبل ما تركب العربية تهويها شوية و تخرج كمية الهوا السخن المحبوس فترة الركن ، الحاجه التانية انك مثلاً نسيت تقفل فردة ازاز سهلت عليك انك تفتح العربية و بعدين تفتح الكونتاك و تقفل و ترجع تاني تقفل العربية و هاكذا ...

طيب فيه بقا حاجه مهمه جدا يمكن المعظم ما يعرفهاش ..و الكلام ده هينطبق على الناس اللي عندها ازاز كهرباء بالكامل و عندها ريموت اصلي للعربية مش اللي بيجي مع جهاز الانذار .
هل تعلم انك بدون ما تركبوحدة رفع ممكن تبرمج اللوك بتاع العربية يقفل و يفتح من الريموت ؟؟

الحقيقة الكلام ده ينفع و موجود لعائلة فولكس فقط و هي ممكن تتعمل عن طريق برنامج vcds او عن طريق مبرمجه خاصة تستخدم مرة واحده فقط لسياره واحده فقط و بعد كدا المبرمجه دي مبيبقاش ليها اي لزمة .. المبرمجه دي بتركب على وصلة obd بتاع الكنترول في العربية زي اكنك بتركب فلاش ميموري في كمبيوتر ، بعدكدا المبرمجه بتقوم بالبرمجه بمجرد التوصل من تلقاء نفسها بتستغرق عملية البرمج 1 دقيقة فقط و بعد النتيجة انك من بعيد تقدر تفتح الازاز مع السنتر و تقفله مع السنتر و تقدر كمان تتحكم في فتحة الازاز يعني تفتحه نصه او ربعه .. الخ

شكرا يا شباب و اللي عاوز يبرمج انا ممكن اساعده هههههههههه مع اني لسه ما عملتهاش عندي بس انا بعت اشتريها

و انا في الخدمة للي عاوز يستفتسر على اي سؤال ..
الى ان نلتقي في مواضيع جديده شيقة

**soledad** · 10-09-2012 11:09 PM

شكرا على المعلومه هجرب بكره واشوف النتيجه
سؤال تانى انا كان عندى السينتر بيقفل اوتومتيك بعد عشر دقايق بعد برمجه الريموت ماعديش بيقفل اوتومتيك

**sala7** · 10-09-2012 11:20 PM

المشاركة الأصلية كتبت بواسطة soledad

شكرا على المعلومه هجرب بكره واشوف النتيجه
سؤال تانى انا كان عندى السينتر بيقفل اوتومتيك بعد عشر دقايق بعد برمجه الريموت ماعديش بيقفل اوتومتيك

معلش عاوز افهم حاجه ،، تقصد ايه ببرمجة الريموت ؟؟ يعني بعد تغيير البطارية برمجت الريموت و بعد كدا مبقتش تقفل تلقائي ؟؟؟ ولا ايه قصدك ؟؟؟

**soledad** · 11-09-2012 03:23 AM

لا الريموت كان فصل منى فى مره وجربت اعاده برمجه الريموت مع السينتر والحمد لله اشتغل

**ehab_mansour** · 11-09-2012 10:36 AM

الله ينور يا صديقي العزيز و تخيل اني لسه مجربتهاش !!!!!!!!!!
اخوك عنده لخبطة غير طبيعية في حياته اليومين دول ادعيلي ربنا ييسر لنا الحال عشان نفوق للشغل و الحركات شوية

**sala7** · 11-09-2012 12:30 PM

المشاركة الأصلية كتبت بواسطة ehab_mansour

الله ينور يا صديقي العزيز و تخيل اني لسه مجربتهاش !!!!!!!!!!
اخوك عنده لخبطة غير طبيعية في حياته اليومين دول ادعيلي ربنا ييسر لنا الحال عشان نفوق للشغل و الحركات شوية

هههههههههههه مش كده يا هندسة !! اوعى تفيص من اولها كدا !!
الله ينور عليك انتي يا حبي ،، و ربنا يعينك على عم الحاج / أنس اللي على طول بيعيط ده ،، يا اخي مش عارف اكلمك منه كل ما اتصل عليك تحلقلي و تروحله
ربنا يديك الصحة و يعينك عليهم

جرب يا كبير براحتك و قولي ايه الاخبار و عندي ليك حاجه تانية حلوة هتعجبك اوووي
ده كمان غير اني جبت الشفرة بتاعة البرمجة

**sala7** · 11-09-2012 12:31 PM

المشاركة الأصلية كتبت بواسطة soledad

انا جربت النهارده وماحصلش حاجه خالص

عربيتك موديل كام و نوعها ايه بعد اذنك يا باشا ؟؟

**ehab_mansour** · 11-09-2012 03:00 PM

المشاركة الأصلية كتبت بواسطة sala7

هههههههههههه مش كده يا هندسة !! اوعى تفيص من اولها كدا !!
الله ينور عليك انتي يا حبي ،، و ربنا يعينك على عم الحاج / أنس اللي على طول بيعيط ده ،، يا اخي مش عارف اكلمك منه كل ما اتصل عليك تحلقلي و تروحله
ربنا يديك الصحة و يعينك عليهم

جرب يا كبير براحتك و قولي ايه الاخبار و عندي ليك حاجه تانية حلوة هتعجبك اوووي
ده كمان غير اني جبت الشفرة بتاعة البرمجة

ربنا يكرمك و منتظرك