بفكر أبيع واجيب 406 بس عزيزة مش هينة عليه

**the-hero** · 01-07-2008 05:31 PM

السلام عليكم ورحمه الله وبركاته
أخوانى الكرام
طبعا على قد ما الواحد بيحب عربته وبيحس ان فى عشرة وألفه بينه وبينها بس برضه الواحد بيحب يحسن وضعه مع تطور التقنية فى عالم السيارات
أنا بعشق عربيتى بس بفكر اليومين دول أبيعها وأجيب 406 موديل 2004
وبرغم أن عربيتى فرنساوى حتى المسامير وكل مكونتها أصليه وبعتنى بيها جدا ومبركبش فيها غير كل حاجة أورجينال هى مو 95 كربراتير والماتور لسة جيلى من فرنسا شحن ومبقلوش 7 شهور وحالته ممتازة وبطاريه جافة وأكصدامات برستيج ومارش 406 وديناموا فاجر وجوز كبالن جداد ومساعدين أستيراد ومفيهاش أى حاجة وأربع جنوط بيجو فرنساوى من بارة
وحاله العربيه عندى نادرة ومختلفة عن الموجود هنا بس ال 406 وكلة دماغى خالص فأنتو أيه رأيكوا بس عزيزة مشهينة عليه خالص أهئ أهئ
ههههههههههههههههههههههههه ههههههههههههههههههههههه

**amr mokhtar** · 01-07-2008 07:53 PM

كان عندى نفس الشعور اللى حسيت بيه لما فكرنا من فترة نغير العربية

بس انا رأيى بلاش طالما العربية اللى معاك ما شاء الله كويس و مش محتاجة حاجة

لإن لا قدر الله انت ممكن تجيب عربية إستعمال و يطلع فيها حاجة مش كويسة و تلاقى نفسك عايش فى دوامة الإستعمال

نصيحة خلى عربيتك معاك
و يوم ما تغير تجيب عربية زيرو فى نفس المستوى أو أحسن

ده رأيى و شوف برضه رأى بقيت الأعضاء

**Chicco** · 01-07-2008 08:01 PM

عربيتك ما شاء الله شكلها معتنى بيها و واضح انها مريحاك ....لو ما فيش أي سبب يخليك انك تغيرها يبقى تغيرها ليه ...و بعربية مستعملة الله أعلم صاحبها عامل فيها إيه .......ربنا يديلك و إن شاء الله تغيرها ب-607 زيرو :)

**kareem_Ashmawy** · 01-07-2008 08:14 PM

أنا بعشق التغيير...بصراحة لو مكانك هعملها...بس هكشف على الجديدة
مليون مرة قبل ما أخدها

**waleedabbas** · 02-07-2008 12:01 AM

هو طبعا انا انا بعشق ال 405 وهى عربية جميلة وتستحق الاحترام وانا اتحطيت فى نفس حيرتك يا باشا بس الواحد فعلا بيحب التغيير ويحس انه جدد فلو هتغير وال 406 حالتها حلوة ان شاء الله مش هتندم هى عربية ممتازة هتبسطك اوى

**qwertyqwerty** · 02-07-2008 12:59 AM

406 is a very good car
but make sure to try it first and check it at wagih abaza using the computer they have
best of luck

**the-hero** · 02-07-2008 04:54 PM

القضية أنى مش قادر استغنى عنها حتى لو هجيب 406 زيرو مش متخيل حد يكون ركبها غيرى أو استندل وأبيع بعد مأسيت عليها كتير بفكر أصبرشوية عليها وأبقي اجيب ال 406 جنبها بس ربنا ييسر الأمور
وألف شكر لأ صحاب القلوب الرحيمة اللى ردوا عليه

**amr mokhtar** · 03-07-2008 01:44 AM

انا زيك يا هيرو برضه ما يهنش عليا أبيع العربية ابدآ
إحنا كان عندنا 128 و كنت بحب العربية دى جدآ رغم انى كنت صغير و مكنتش بسوق
بس لما بعناها زعلت اوى

بس الحمد لله ربنا أبدلنا أحسن منها