اقتباس المشاركة الأصلية كتبت بواسطة hossam_elwani مشاهدة المشاركة
انا بقكر فى الطلاق قبل الجواز ههه

هو انت تقدر تكتب على نفسك مؤخر صداق بمليون جنيه وانت بتحب خطيبتك اوى ... انا طبعا لا لان احتمال جدا نختلف وننفصل عن بعض وساعتها حلبس فى الحيط وادخل السجن عشان استسلمت لفكره محدش بيفكر فى الطلاق قبل الجواز .... نفس الحكايه مع العربيه كلنا معرضين نبيع لظروف طارئه وساعتها حنلبس فى الحيط لو سعر اعادة بيع العربيه تعبان وحنندم ندم شديد ... واخبار قطع الغيار واسعارها ايه اظن دى ومن واقع تجربه للاعضاء الكرام مررررررررررررررررررار ما بعده مررار مع التوكيل فى توفر القطعه وغلاء سعرها بشكل مبالغ فيه

دى وجهة نظرى ولكم كل التقدير والاحترام

كنت متوقع الرد دة أ حسام :)

دلوقتي حضرتك طرحت فكرة انه يجيلي ظرف طارئ يخليني ابيع العربية و كلنا معرضين للوضع دة ( ربنا ما يكتب الظرف دة على حد ) معاك

بس تخيل معايا وضع طارئ على الطريق يمس حياتي و حياة أسرتي ( و طبعا قل لن يصيبنا الا ما كتب الله لنا ) تستدعي وجود وسائل امان للحماية او ال construction بتاع العربية يكون بطريقة او بشكل معين

حضرتك حط الاثنين في ميزان و اوزنها كده ظرف طارئ يمس سلامتي مقابل ظرف طارئ يمس مالي
حضرتك تحب تختار عربية تكفيك في اي موقف فيهم ؟

يعني على الواقع قدامي عربيتين واحدة بتوفرلي اساس و امان كويس كسيارة و لكن سعر اعادة بيعها ضايع

أو

عربية سعر اعادة بيعها كويس جدا ولكن على مستوى الثبات و الامان لا ترقى للأولى

تختار مين ؟

مع العلم اني محددتش لا اوروبي ولا يابابني و لا كوري