الموضوع: سيراتو أم شيفروليه أوبترا ؟

السلام عليكم ورحمة الله وبركاته
انا عضو جديد هنا فى المنتدى والصراحه عاجبنى الموقع جدا والاراء اللى فيه
عشان كدا عايز اخد رأيكم فى موضوع
انا ان شاء الله ناوى أشترى عربيه اليومين دول وكنت بقارن بين السيراتو والأوبترا
ونزلت اتفرجت على الاتنين كويس ولقيت ان

السيراتو تتميز عن الاوبترا ان موتورها أقوى 121 حصان وشكلها من بره أحلى لكن سعرها أغلى 102 ألف

اما الأوبترا لقيت ان هى أحلى من السيراتو من جوه ( كانت مفاجأه بالنسبه لى ) وطبعا أرخص سعرها 94 ألف وكمان ليها اسم فى مصر دلوقتى عن السبراتو بحكم ان الكيا كان عندها مشكلة التوكيل دى ويعتبر لسه بيبتدوا من أول وجديد عشان يعملوا اسم كويس ويكسبوا ثقة المستهلك وكمان الأوبترا أحسن عند اعادة البيع

لو كنت مكانى تختار ايه من الاتنين دول ؟
انا حاليا ميال للأوبترا أكتر بعد ما نزلت اتفرجت وحسبتها كويس وقارنت
مع انى كنت فى الأول رافض الأوبترا خالص ومتحمس جدا للسيراتو
أسف للاطاله وشكرا للمساعده مقدما .