عايز اعمل اضاءة لدرج تابلوه اللانوس بتاعتي

**megosoft** · 20-09-2012 02:42 PM

المشاركة الأصلية كتبت بواسطة elakawy

حنشيل درج الطفاية وحامل الاكواب وحنلاقي فبرة كده بعد حامل الكوبايات مربوطة بمسمارين حنفكها ونشدها لبرة وبعدين حنفك الدرج الصغير اللي بيكون تحت الكاسيت كده حنلاقي اللمبة باينه خالص نشدها لبره ونوصل عليها سلكين الليدات .

رغم أن فكيت كذا مره وماشوفتش لمبه الطفايه - بس عشان خاطرك ح افك تاني - ح اجيبها يعني ح اجيبها .

.
.
.

**Dr.Rayyan** · 21-09-2012 04:01 AM

المشاركة الأصلية كتبت بواسطة megosoft

رغم أن فكيت كذا مره وماشوفتش لمبه الطفايه - بس عشان خاطرك ح افك تاني - ح اجيبها يعني ح اجيبها .

.
.
.

لا موجوده تحت حامل الاكواب بالظبط هتلاقى عمود صغير فبر طوله بتاع 2 سم وفيه فى اخره سلك شد اخر السلك هتطلع اللمبه محروقه زى عندى والدوايه هتفك الدوايه وتدخل سلكتين وتثبتهم بقاعده الدوايه تانى
انا لسه عاملها النهارده ب ليد 30 سم ازرق على ابيض وشكلها تحفه عجبتنى اوى وما خدتش وقت

**al_manara** · 21-09-2012 02:26 PM

كدة الدرج منور طول ما انت منور النور .
المفروض يتعمل لها زرار .
لو دورت في المنتدي شوية هتلاقي موضوع قديم كان في عضو عاملة .

**popahly** · 22-09-2012 11:50 PM

شكلها طلع جامد الصراحة بعد معملتها، شغل عالى تسلموا يا رجالة الدايو...

**megosoft** · 23-09-2012 10:47 AM

المشاركة الأصلية كتبت بواسطة megosoft

رغم أن فكيت كذا مره وماشوفتش لمبه الطفايه - بس عشان خاطرك ح افك تاني - ح اجيبها يعني ح اجيبها .

.
.
.

شكرا جزيلا . فعلا المره دي فكيت بحثا عن اللمبه- والحمد لله وجدتهههههههههها.
أنا بضحك عشان الاشتغاله كبيره المره دي. العربيه معايا من 4 سنين. وأنا غاوي أفك وأربط بأيدي وخصوصا الكهربا - وكنت عمال أفكر أعمل لمبه- وفي الاخر اكتشفت أن فيه لمبه أصلا. طبعا كانت محروقه. لكن في النهايه أشتغلت.
شكرا لكل الأعضاء المساهمين في هذا الموضوع.