هل المشكله في البطاريه ؟؟؟

**brashy101** · 13-09-2012 08:08 AM

السلام عليكم .
عربيتي جين2 2007 .المشكله اني لما جيت ادور العربيه انبارح مدارتش . بسمع صوت تكه المارش ومبتدرش . واول مره تعمل كده . المهم وصلت البطاريه بعربيه تانيه ودارت .
رحت مشوار بتاع 40 كيلو . وجت ادور العربيه مدارتش خالص .وصلت البطاريه ودارت .
لمبه المحرك مش منوره في التابلوه بالمناسبه .
هل هي مشكله بطارييه ولا حاجه تانيه ؟؟
جزاكم الله خيرا .

**a_hejazy** · 13-09-2012 11:22 AM

وعاليكم السلام ورحمه الله وبركاته

أنا هقولك عن طريق خبرتى المتواضعه فى الموضوع ده

أول حاجه البطاريه مغيرها بقالك قد أيه ؟؟؟
متوسط عمرها 3 سنين

حاول لو تشوف صوابع البطاريه لو عاليها بودره بيضاء
يبقى تنظفها كويس قوى وتركبهم تانى لأن دول بيعملو عازل وبيخلو شحن الدينامو مش بيوصل للبطاريه

لو مفيش حاجه زي كده ممكن تقيس خارج الدينامو كام لو أكثر من 13 فولت يبقى كويس
لو أقل يبقى فى مشكله فى الدينامو

أخر حاجه تبقى البطاريه محتاجه تتغير