عرض للطباعة
السلام عليكم ورحمة الله وبركاته
ليه الالمانى القديم زى الفليشيا بيسخن بطريقة فظيعة وخصوصا فى الحر والعرييات اليابانى مش بتسخن هى مسالة تصميم دورة التبريد داخل الموتور ولا نوع الخامة المصنع منها الموتور هى اللى بتفرق؟ ولو فى تعديل فى دورة التبريد خلاف تغيير الريداتير بنوع افضل ومروحة التبريد يكون حل جذرى لموضوع ارتفاع الحرارة
متابع .....
كل اللى حضرتك قلتهاقتباس:
المشاركة الأصلية كتبت بواسطة kamaro
1/تصميم دوره التبريد فى اليابانى ابسط و مفتاح تشغيل المروحه جوه الكوعه بتاعه الثرموستات او بالبلك فبالتالى بتشتغل اول لما الحراره تعلى وده بخلاف الالمانى اللى مفتاح تشغيل المروحه بعد خروج الميه البارده من الرادياتير - اغلب الموديلات -
2/الخامه المصنع منها البلوك بتختلف الالمانى ثقيل و ده بيحتاج درجه حراره تشغيل اعلى - الفيكترا مثلا المروحه تفتح عند 93 الى 95 و اليابانى عند 88 و تقفل عند92
3/الرادياتير ايابانى معظمه متصمم على وش العربيه اى مقطع التبريد اكبر بكثير و الخامه اخف
4/معظم نظام التبريد اليابانى بيعتمد على مروحتين امام السياره للتكييف و خلف الرادياتير للرادياتير فى حين معظم و ليس كل الالمانى بيعتمد علة مروحه خلف الرادياتير 2 سرعه و مروحه صغير ه امام السياره للتبريد
الخلاصه
العنصر الفعال فى موضوع التبريد و الاهم من وجهه نظرى - سائل التبريد - اللى هو بيغلى عند 136 متوسط و التركيز بنسبه 50 %
يعنى فى الالمانى لما توصل الحراره 95 و تفتح المروحه منقلقش لان الموتور موصلش لدرجه الغليان او السخونه العاليه .
تحياتى..
الموضوع نسبى للغاية ...... ليست كل التصميمات الألمانية فعالة وكذلك اليابانية
ولكن أشهد أن اليابانيين صنعوا سيارات تلائم أجواء الشرق الأوسط منذ السبعينات ولكن الألمان لم يفعلوا ذلك إلا بعد سنة 2000 .......... ولذا كل السيارات الألمانية كثيرة الشكوى تكون من موديلات ما قبل سنة 2000
خامه البلوك هى الاساس
المازدا ال 323 تمانينات خامته عجيبه قوى الموتور مابيسخنش خالص
شكرا على كل الردود والاهتمام لكن انا متفق مع الاخ Gelgel2004 لكن والله اعلم موضوع نوع المادة الخام للبلوك فى الالمانى يحتاج لدرجة حرارة اعلى عشان اداءة يكون كويس مش عيب ودا مش هاينفع يتغير فى الغالب لو فى مشكلة فى الحرارة لكن كدا نتكلم على ثيرموستات الكوعة اما تتشال ونسخن العربية كويس قبل لما تطلع او نجيب ثيرموستات بيفتح عند درجة اقل او يغلق عند درجة اقل او الاثنين زى اليابانى وكمان كان فى تعديل فى الفليشيا انا لم اجربه لكن كان ممتاز وهو وضع ثيرموستات اللى فى الريداتير قبله مش بعده واظن كدا مستحيل السيارة تسخن والله اعلم
وحتي لو العربية سخنت لدرجة 1000 درجة مئوية (طبعا مستحيل توصل للدرجة دي والا هتلاقي الموتور بقي سائل)
بس حتي لو !! انت ايه مشكلتك ؟؟؟
كل عربية وليها درجة حرارة تشغيل معينة صممها عليها الخواجة الي صنعها واي تغيير او لعب في التصميم الأصلي هيتعبك وهيبوظ العربية علي المدي الطويل
ودرجة حرارة التشغيل بتختلف من عربية لعربية حسب عوامل كثيرة جدا (طبعاً مش منها درجة حرارة بلد المنشأ زي ما اغلب الصنايعية الفتايين بيقولوا) ومن هذه العوامل كما ذكر اخي محمد عبدالجليل هي خامات البلوك وطول وقصر دورة التبريد وتصميمها ولكن الأهم في كل دوول هو البلوك واللي بناء عليه بيحدد لك انسب نوعية زيت محرك وهل هو متعدد الدرجات ولا احادي الدرجة وانسب لزوجة واي تغيير في تصميم دورة التبريد هيخلي الزيت مايشتغلش كما هو مصمم له
انت اقصي شكوي ممكن تشتكيها بسبب ارتفاع درجة الحرارة هو تقليل كفاءة التكييف في التبريد وتأخر تبريده
لكن بخلاف ذلك مالناش اي دعوة بدرجة حرارة المحرك طالما لم تتخطي الأحمر
وعلي سبيل المثال
الشيروكي ومعظم الأمريكاني (ماتقوليش درجة حرارة بلد المنشأ - امريكا فيها حتت مناخها اسوء من مصر)
الشيروكي ماتقدرش تلمس الكبوت بتاعها - مش هقولك تفتحه
لذلك كبر دماغك وحاول ترجع عربيتك علي أصولها زي الخواجة ما صممها ودة هيبقي افضل الحلول لكل مشاكلك ان شاء الله
تحياتي
عندك حق .. ولكن برضو المفروض انهم بيبصو على الجو اللى العربية هتشتغل فيه
فى الخليج مثلا فى عربيات امريكانى كتير جدا بس اغلب الناس بيفضلو اليابانى لانه مابيسخنش زى الامريكانى