ناوى اجيب f3 ايه رأيكم

**Mohamedmaree91** · 13-09-2012 12:55 PM

انا ان شاء الله ناوى اجيب f3 رايكم فيها ايه بحكم خبرة اعضاء المنتدى لانى من اعضاء منتدى دايو لانوس وناوى اجيب f3 وعاوز اعرف رايكم هى ولا الانوس

**bassem.naguib** · 13-09-2012 02:24 PM

قبل أي شيء أعمل استخارة .. وربنا حيعملك اللي فيه الصالح إن شاء الله .

لو معندكش عقدة دي صيني ويع والكلام ده وبتفكر فيها بموضوعية بالنسبة لاحتياجاتك من العربية (أي عربية) والمقابل اللي بتدفعه نظير ما تحصل عليه حتبقى أكيد مناسبة ليك .

ممكن تسأل أكتر من سواق تاكسي معاه العربية لأن دول أكتر ناس هارسين في العربية .. وأنتشارها كتاكسي حيحقق ليها ثبات في السوق بشكل كبير من ناحية قطع الغيار وسعر إعادة البيع فيما بعد

ممكن حضرتك تستعرض المواضيع المعمولة في القسم من البداية وتشوف العيوب والمميزات في العربية وأيه أكتر المشاكل اللي بتواجه ملاكها (مفيش عربية ملهاش عيوب) حتقدر توصل للقرار السليم اللي المفروض تاخده بنفسك مش بناء على نصيحة أحد .. فما هو مناسب ليا قد لا يكون مناسب ليك .. تحياتي

**drpeter** · 13-09-2012 04:43 PM

اتكل على الله

**samehenany05** · 15-09-2012 08:59 AM

انا كمان كنت بفكر فى لانوس مستعمل وشفت السوق والعربيات المتبهدله فكرت اجيب البى واى دى بس انا خايف من قطع الغيار واسعارها ووجودها من عدمه يعنى العربيه لو جرالها لا قدر الله حاجه فى المكنه او العفشه او جسمها الخارجى هل هنلقيلها قطع غيار ولا بعد كام سنه هنقعد نربت فيها ونلزق زى عربيات كتير مش موجود لها قطع غيار دلوقتى فى مصر

**bassem.naguib** · 15-09-2012 12:00 PM

المشاركة الأصلية كتبت بواسطة samehenany05

انا كمان كنت بفكر فى لانوس مستعمل وشفت السوق والعربيات المتبهدله فكرت اجيب البى واى دى بس انا خايف من قطع الغيار واسعارها ووجودها من عدمه يعنى العربيه لو جرالها لا قدر الله حاجه فى المكنه او العفشه او جسمها الخارجى هل هنلقيلها قطع غيار ولا بعد كام سنه هنقعد نربت فيها ونلزق زى عربيات كتير مش موجود لها قطع غيار دلوقتى فى مصر

من ناحية قطع الغيار حط في بطنك بطيخة صيفي 50 كيلو .. قطع الغيار متوافرة في التوكيل وخارج التوكيل .. وكمان قطع غيار بديلة كوري أو ياباني .. واللي يأكد كلامي انتشارها بشكل كبير كتاكسي فبتوع قطع الغيار لما بيلاقوا انتشار لعربية ما في السوق بيجيبوا قطع الغيار بتاعتها .

**samehenany05** · 15-09-2012 11:11 PM

شكرا على الرد وان شاء الله هبدأ من غدا اجراءات البحث واخذ الخطوات الجديه للشراء . دعواتكم

**mohamed9999** · 03-10-2012 05:38 PM

طيب هى ولا الفيرنا يا باسم

**bassem.naguib** · 03-10-2012 05:52 PM

الموضوع أذواق ووجهات نظر في الأول والأخر .. واللي يعجبك ممكن ميعجبنيش والعكس صحيح .

أنا لو في أختيار بينها وبين الفيرنا .. أكيد حتكون بي واي دي من غير أدنى ذرة تفكير .